Edwɛkpa ne kɛmɔ Luku hɛlɛle la 17:28 - BAEBOLO ANZƐƐ BULUKU NWUANZANWUANZA

²⁸ Ɔbayɛ kɛ Lɔɔto mekɛ zo ala la. Menli hɔle zolɛ lile, nlonle, bɛlile gua, bɛyɛle egyinli na bɛsisile azua.

Edwɛkpa ne kɛmɔ Luku hɛlɛle la 17:28 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 13:13

Sodɔmma le amumuyɛ; bɛyɛle ɛtane mgbole bɛtiale Ɛdɛnkɛma.

Gyɛlɛmaya Buluku ne 50:40

Kɛ menyɛle Sodɔm nee Gomɔla nee azua mɔɔ zuozua bɛ la, zɔhane ala a mebava meayɛ Babelonia a. Awie agyakɛ ba ɛnrɛtia ɛkɛ. Medame Ɛdɛnkɛma a mese a.

Edwɛkpa ne kɛmɔ Mateyu hɛlɛle la 21:12

Gyisɛse hɔle Ɛzonlenlɛ Sua ne anu na ɔvoanle bɛdabɛ mɔɔ bɛlɛdi gua wɔ ɛkɛ ne la amuala. Ɔbutubutule menli mɔɔ senza ezukoa la ɛkponle ne mɔ, ɔhanle menli mɔɔ tɔne mɔlɔnoma la mbia ne mɔ ɔguale,

Edwɛkpa ne kɛmɔ Luku hɛlɛle la 17:27

Awie biala hɔle zolɛ lile, nlonle; mraalɛ ɛgyalɛ nee agyalɛ ɛhɔlɛ liele ebia hɔkpulale kenle mɔɔ Nowa hɔvole ɛlɛne ne anu na ezule ne dɔle bule aze na ɔhunle bɛ muala la.

Edwɛkpa ne kɛmɔ Luku hɛlɛle la 17:29

Na kenle ko ne mɔɔ Lɔɔto vile Sodɔm la, Nyamenle manle senle nee sɔlefe vi anwuma dɔle kɛ ezule la rahunle bɛ muala.