Edwɛkpa ne kɛmɔ Luku hɛlɛle la 17:21 - BAEBOLO ANZƐƐ BULUKU NWUANZANWUANZA

²¹ Awie ɛnrɛha kɛ, ‘Nea, yemɔ ɛne!’ anzɛɛ ‘Yemɔ a wɔ lɔ la!’ ɔboalekɛ Nyamenle Belemgbunlililɛ ne ɛra na ɔde bɛ ahonle nu.”

Edwɛkpa ne kɛmɔ Luku hɛlɛle la 17:21 ပူးပေါင်းရင်းမြစ်များ

Edwɛkpa ne kɛmɔ Mateyu hɛlɛle la 12:28

Na saa medua Nyamenle Sunsum ne tumi zo a metu mbɔnsam a, ɛnee noko Anwuma Belemgbunlililɛ ne ɛdwu bɛ nwo ɛke dɛbadɛba.

Edwɛkpa ne kɛmɔ Maake hɛlɛle la 13:21

“Saa awie biala se bɛ kɛ, ‘Nea, Mɛzaya ne wɔ ɛke’ anzɛɛ ‘Nea, yemɔ a wɔ nehane la’ a, bɛmmadie ye bɛdi.

Edwɛkpa ne kɛmɔ Luku hɛlɛle la 17:23

Bie mɔ baze bɛ kɛ, ‘Nea, ɔwɔ nehane’ anzɛɛ ‘Nea, ɔwɔ ɛke!’ Noko bɛmmafinde kɛ bɛkanlea.

Edwɛkpa ne kɛmɔ Luku hɛlɛle la 21:8

Gyisɛse zele kɛ, “Bɛnlea boɛ; bɛmmamaa bɛbɛlɛbɛla bɛ. Ɔluakɛ menli dɔɔnwo balua me duma nu ara na bɛaraze bɛ kɛ, ‘Mame a mele Kelaese ne a,’ na eza bɛaha kɛ, ‘Mekɛ ne ɛbikye.’ Na bɛmmatoa bɛ.

Dw 1:26

Dwɔn buale kɛ, “Mame mefa nzule a mesɔne a, na ko bie gyi bɛ avinli ɛkɛ ne mɔɔ bɛnze ye a.

Dw 18:36

Gyisɛse buale ye kɛ, “Me belemgbunlililɛ ne ɛnle ewiade ɛhye anu; saa me belemgbunlililɛ ne wɔ ewiade ye anu a, anrɛɛ me ɛlɔnema kɛho kɛmaa me na bɛnrɛmaa bɛnrɛva me bɛnrɛmaa Dwuu mgbanyima ne mɔ. Kyɛkyɛ, me belemgbunlililɛ ne ɛnle ɛke.”

Wulo 14:17

Ɔluakɛ Nyamenle Belemgbunlililɛ ne, tɛ yemɔ a le nlidi nlidi anzɛɛ nono nono, na yemɔ a le pɛlepɛlelilɛ, anzonudwolɛ nee anyelielɛ ne mɔɔ Sunsum Nwuanzanwuanza ne fa maa la.

Kɔlɔ 1:27

Nyamenle ngyehyɛlɛ ne a le kɛ ɔkɛye ye fealera nu kpɔkɛ ne mɔɔ ɔbɔle, mɔɔ anyunlunyia nee anwonyia ɛyi ye tɛkɛɛ, na ɔwɔ ɛkɛ ɔmaa maanle maanle kɔsɔɔti la ɔkɛhile ye menli ne. Fealera nu kpɔkɛ ɛhye a le kɛ Kelaese ne de bɛ nu, na ɔbamaa bɛanyia anyelazo kɛ kenle bie bɛbanyia Nyamenle anyunlunyia ne bie.