Edwɛkpa ne kɛmɔ Luku hɛlɛle la 17:16 - BAEBOLO ANZƐƐ BULUKU NWUANZANWUANZA

¹⁶ na ɔradule ɔdɔle Gyisɛse agyakɛ anu mutule nu na ɔyɛle ye mo somaa. Nrenya ɛhye le Samɛleanli.

Edwɛkpa ne kɛmɔ Luku hɛlɛle la 17:16 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 17:3

Na Ebilam dule dɔle ɔ nyunlu mutule nu, na Nyamenle zele ye kɛ,

Edwɛkpa ne kɛmɔ Mateyu hɛlɛle la 10:5

Gyisɛse zoanle bɛdabɛ bulu nee nwiɔ ɛhye na ɔzele bɛ kɛ, “Bɛmmakɔ bɛdabɛ mɔɔ bɛnle Dwuuma la anu anzɛɛ Samɛlea azua ne mɔ azo;

Edwɛkpa ne kɛmɔ Mateyu hɛlɛle la 2:11

Bɛwolole sua ne anu na bɛnwunle kakula ne nee ɔ nli Mɛle, na bɛbutule bɛzonlenle ye. Akee bɛzianyinli bɛ awɔlɛ ne mɔ anu na bɛhyɛle ye ezukoa nvutuke, ɛyɛlɛ, yɛɛ alufuanlɛ.

Edwɛkpa ne kɛmɔ Maake hɛlɛle la 5:33

Raalɛ ne nwunle mɔɔ ɛzi ye nu la, ɔvale ɛzulolɛ nee anwowozolɛ ɔrahotole Gyisɛse agyakɛ anu, na ɔhanle ye edwɛkɛ nɔhalɛ nu ɔhilele ye.

Edwɛkpa ne kɛmɔ Luku hɛlɛle la 17:17

Gyisɛse hanle kɛ, “Menli bulu a menyɛle bɛ ayile a, na ngɔnla ne wɔ nienwu?

Edwɛkpa ne kɛmɔ Luku hɛlɛle la 5:8

Mɔɔ Saemɔn Pita nwunle mɔɔ ɛzi la, ɔhotole Gyisɛse anyunlu ɛkɛ ne na ɔzele ye kɛ, “Awulae, twe ɛ nwo fi me nwo kɔ. Mele ɛtanevolɛ!”

Dw 4:9

Raalɛ ne buale ye kɛ, “Ɛle Dwuunli, mele Samɛleanli. Kɛ ɔyɛ mɔɔ ɛlɛsɛlɛ me nzule ɛ?” (Dwuunli ɛnrɛva ɔ sa ɛnrɛha ɛyɛba anzɛɛ dwora mɔɔ Samɛleanli ɛli nu anzɛɛ ɛnlo nu la ɛlɛ.)

Dw 5:23

amaa menli kɔsɔɔti ali Ralɛ ne eni, kɛmɔ bɛdi Selɛ ne eni la. Awie biala mɔɔ ɛnli Ralɛ ne eni la, ɛnli Selɛ ne mɔɔ zoanle ye la eni.

Dw 8:48

Dwuuma ne zele Gyisɛse kɛ, “Saa yɛka kɛ ɛle Samɛleanli na ɛlɛ ayɛne a ɛnee yɛbɔ adalɛ ɔ?”

Ɛzoanvolɛma Gyima ne 1:8

Na saa Sunsum Nwuanzanwuanza ne ba bɛ nwo zo a bɛbanyia tumi, na bɛali me nwo daselɛ wɔ Gyɛlusalɛm, nee Dwudiya amuala nee Samɛlea bɛahɔdwu aleɛabo ɛleka biala.”

1 Kɔl 14:25

aye ɔ ti anu edwɛkɛ ahile ye, na yeamaa yeabɔ ɔ ti aze yeazonle Nyamenle, na yeaha yeado gua kɛ, “Amgba Nyamenle nee bɛ de!”

Yekile 19:10

Ɛhye ati mendule mendɔle ɔ gyakɛ anu kɛ mesonle ye, na ɔzele me kɛ, “Mmayɛ! Medame mele sonvolɛ kɛ ɛdawɔ nee ɛ mediema mɔɔ zɔle nɔhalɛ ne mɔɔ Gyisɛse yele hilele bɛ la anu la. Sonle Nyamenle, mmasonle me!” Ɔluakɛ nɔhalɛ ne mɔɔ Gyisɛse yele hilele la a le Nyamenle kpɔmanvolɛma anwosesebɛ ne a.

Yekile 4:10

ɛnee mgbanyima abulanwiɔ nee nna ne ɛdu ɛgua mɔɔ de belemgbunli ebia ne azo la anyunlu, na bɛsonle mɔɔ de aze dahuu la. Bɛtudu bɛ abɔtile ne mɔ bɛgua belemgbunli ebia ne abo na bɛka kɛ,

Yekile 5:14

Na tease abɔdeɛ nna ne liele zo, “Amen.” Na mgbanyima ne mɔ dule guale na bɛzonlenle.