Edwɛkpa ne kɛmɔ Luku hɛlɛle la 17:14 - BAEBOLO ANZƐƐ BULUKU NWUANZANWUANZA

¹⁴ Gyisɛse nwunle bɛ la ɔzele bɛ kɛ, “Bɛhɔ na bɛva bɛ nwo bɛhɔhile sɛlɛvolɛma ne mɔ.” Mɔɔ bɛlua adenle zo bɛlɛkɔ la, bɛ nwo zale.

Edwɛkpa ne kɛmɔ Luku hɛlɛle la 17:14 ပူးပေါင်းရင်းမြစ်များ

2 Arl 5:14

Na Neeman hɔle Dwɔdan ne anloa na ɔdɔle nu fane nsuu kɛmɔ Yilaehya zele ye la, na ɔdele kpɔkɛ bɔkɔɔ. Ye nwonane ne yɛle kɛnlɛma kɛ adɔma nwonane la.

Ayezaya Buluku ne 65:24

Bɛnrɛvɛlɛ bɔbɔ na mealie bɛ zo; mebade bɛ edwɛkɛ wɔ mekɛ mɔɔ bɛ nloa wɔ zo bɛlɛsɛlɛ la.

Edwɛkpa ne kɛmɔ Mateyu hɛlɛle la 3:15

Gyisɛse buale kɛ, “Maa ɔyɛ zɔhane kɛkala. Ɔluakɛ ɔle kpalɛ kɛ yɛfa zɛhae adenle zo yɛyɛ mɔɔ Nyamenle kpondɛ kɛ yɛyɛ la.” Zɔhane ati Dwɔn kponlenle zolɛ na ɔzɔnenle ye.

Edwɛkpa ne kɛmɔ Luku hɛlɛle la 5:14

Gyisɛse bɔle ɔ nloa kɛ ɔmmaka ɔkile awie biala, ɔzele ye kɛ, “Kɔ na kɔva ɛ nwo kile sɛlɛvolɛ ne, na bɔ wɔ anwonzalɛ azu ne mɔɔ Mosisi hyehyɛle dole ɛkɛ ne la fa kile kɛ ɛ nwo ɛza.”

Dw 11:10

Na saa ɔtudu agyakɛ wɔ aledwolɛ nu a ɔkpulokpula, ɔboalekɛ awozinli ne ɛmmaa ɔnnwu aze.”

Dw 2:5

Gyisɛse ɔ nli zele sonvolɛma ne mɔ kɛ, “Mɔɔ ɔkɛha ɔkɛhile bɛ biala la, bɛyɛ.”

Dw 9:7

na ɔzele ye kɛ, “Kɔ kɔnrinzi ɛ nyunlu wɔ nzubula ne mɔɔ bɛfɛlɛ ye Saelowam la anu.” (Saelowam abo a le “Ɛzoanlɛ”.) Nrenya ne hɔle hɔnrinzinle ɔ nyunlu wɔ nzubula ne anu, na ɔkara la ɛnee ɔnwu debie.