Edwɛkpa ne kɛmɔ Luku hɛlɛle la 16:23 - BAEBOLO ANZƐƐ BULUKU NWUANZANWUANZA

²³ Ɛbolɔ nehane, mɔɔ ɛnee ɔlɛnwu amaneɛ la, ɔmanle ɔ nye zo na ɔnwunle Ebileham wɔ moa moa lɔ na Lazalɛse de ɔ nwo ɛkɛ ne.

Edwɛkpa ne kɛmɔ Luku hɛlɛle la 16:23 ပူးပေါင်းရင်းမြစ်များ

Edwɛndolɛ Buluku ne 16:10

Ɔluakɛ wɔanye me wɔammaa Ɛbolɔ, yɛɛ wɔammaa wɔ Nwuanzanwuanza Ko ne amkpɔlɔ.

Edwɛndolɛ Buluku ne 49:15

Na Nyamenle bakpɔne me ɛkɛla avi ewule tumi bo, ɔluakɛ ɔbalie me ngoane.

Edwɛndolɛ Buluku ne 86:13

Ɔluakɛ wɔ ɛhulolɛ kpundii ne mɔɔ ɛlɛ ye me nwo la le kpole; wɔye me ɛkɛla wɔvi Ɛbolɔ

Edwɛndolɛ Buluku ne 9:17

Amumuyɛma bawu ahɔ Ɛbolɔ, maanle maanle mɔɔ arɛle fi Nyamenle la, zɔhane ala.

Mrɛlɛbulɛ Buluku ne 15:24

Nrɛlɛbɛvolɛ adenle fa ye kɔ ngoane nu, amaa yeangɔ Ɛbolɔ.

Mrɛlɛbulɛ Buluku ne 5:5

Ɔ gyakɛ ɛdudulɛ twehwe sonla kɔ ewule nu; sonla fa ye adenle zo a, ɔ nee ye dwu Ɛbolɔ.

Mrɛlɛbulɛ Buluku ne 7:27

Ɛbolɔ Adenle la ye sua nu ɛkɛ, ɔla nu kpolomgbolo ɔdwu ewule suakunlu.

Mrɛlɛbulɛ Buluku ne 9:18

Mrenya mɔɔ kɔ ye ɛkɛ ne la ɛnze kɛ bɛkɔ ye ɛkɛ ne a bɛnzia, yɛɛ menli mɔɔ ɛhɔ ye ɛkɛ ne la wɔ Ɛbolɔ sua zo.

Ayezaya Buluku ne 14:15

Na wɔmɔ a bɛ nee wɔ ɛra ɛbolɔ sua zo ɛke wɔ ewule kuma ye abo la.

Ayezaya Buluku ne 14:9

“Ɛbolɔ ɛboɔboa ɔ nwo kɛ saa ɛba a ɔbarayia wɔ adenle. Azɛlɛ ye azo mgbanyima nwomenle badwazo arayɛ wɔ akoaba, yɛɛ bɛdabɛ mɔɔ anrɛɛ bɛle arelemgbunli wɔ maanle maanle ne mɔ anu la badwazo bɛ arelemgbunli mbia zo ayia wɔ.

Edwɛkpa ne kɛmɔ Mateyu hɛlɛle la 11:23

Na bɛmɛ mɔɔ bɛwɔ Kapɛnayɛm la, bɛkpondɛ kɛ bɛkɔ Nyamenle maanle ne anu ɔ? Kyɛkyɛ! Bɛbavuandi bɛ bɛagua ɛbolɔ senle nu. Nwanwane gyima mɔɔ bɛyɛle wɔ bɛ sua zo la, saa bɛyɛle bie wɔ Sodɔm a, anrɛɛ ɛnɛ nee ɛnɛ ala sua zɔhane tɛbɔ ɛkɛ.

Edwɛkpa ne kɛmɔ Mateyu hɛlɛle la 18:9

Saa ɛ nye ko a gyegye wɔ yeamaa wɔaminli wɔ diedi a, tu ye to! Ɔle kpalɛ kɛ ɛ nye ko na ɛkɛnyia ngoane mɔɔ ɛnlɛ awieleɛ tɛla kɛ ɛ nye nwiɔ na bɛkɛhɔdo wɔ senle ne mɔɔ ɛnnu ɛlɛ la anu a.

Edwɛkpa ne kɛmɔ Mateyu hɛlɛle la 23:33

Nwɔlɛ! Ɛkyelebenle mralɛ! Bɛdwenle kɛ bɛnrɛbua bɛ ewule fɔlɛ bɛnrɛmaa bɛnrɛhɔ abɔnsam senle nu ɔ?

Edwɛkpa ne kɛmɔ Mateyu hɛlɛle la 5:22

Mame, mese: Awie biala mɔɔ kɛva ɔ diema anwo ɛya la bɛkɛbua ye ewule fɔlɛ. Mɔɔ kɛyɛ ɔ diema aholoba la bɛ nee ye kɛhɔ nyianu sua nu mgbanyima ayia ne anyunlu; na mɔɔ kɛze ɔ diema kɛ, ‘Ɛle koasea!’ la, ɛva ɔ nwo ɛdo ɛbolɔ senle nu.

Edwɛkpa ne kɛmɔ Mateyu hɛlɛle la 5:29

Zɔhane ati saa ɛ nye fema ne yɛɛ twehwe wɔ ahɔ ɛtane nu a, tu ye to ye lɔ. Ɔle kpalɛ kɛ ɛ nye kɛyɛ ko, kɛdɛla kɛ bɛkɛva wɔ sonlabaka ne amuala bɛkɛhɔdo ɛbolɔ senle nu a.

Edwɛkpa ne kɛmɔ Mateyu hɛlɛle la 8:29

Na bɛdeanle nu kɛ, “Wɔmɔ Nyamenle Ara, duzu yɛɛ ɛkpondɛ wɔ yɛ ɛkɛ ne a? Wɔra kɛ ɛbadea yɛ kolaa na kenle ne adwu ɔ?”

Edwɛkpa ne kɛmɔ Luku hɛlɛle la 16:24

Yemɔti ɔdeanle nu ɔhanle kɛ, ‘Egya Ebileham, nwu me anwunvɔne, na soa Lazalɛse maa ɔva ɔ sa ɛrɛlɛsɛka ko ɔbɔ nzule nu na ɔva ɔrape me tafinlima azo, ɔluakɛ me ɛbolɛ ɛlɛte wɔ sendɔlɔra ye anu!’

Edwɛkpa ne kɛmɔ Luku hɛlɛle la 16:28

Melɛ mediema nnu wɔ ɛkɛ ne, maa ɔhɔbɔ bɛ kɔkɔ, amaa bɛdabɛ noko bɛamba abodelɛ ɛleka ɛhye.’

Edwɛkpa ne kɛmɔ Luku hɛlɛle la 8:28

Mɔɔ ɔnwunle Gyisɛse la, ɔdeanle nu kpole bie, ɔradule ɔdɔle ɔ nyunlu na ɔhanle ye kpole kpalɛ kɛ, “Anwuma Anwuma Nyamenle Ara Gyisɛse, ɛ nee me lɛ bie ɔ? Mekpa wɔ kyɛlɛ, mmatea me!”

1 Kɔl 15:55

Ewule, wɔ konimlilɛ ne wɔ ni? O, Ewule, wɔ bɔlɔ ne wɔ ni?”

2 Pit 2:4

Saa Nyamenle anvavi ye soanvolɛma ne mɔɔ vonle ye, na ɔvuandinle bɛ ɔguale hɛɛle, yemaa bɛgua bɛ nwɔnzɔnwɔnzɔ wɔ awozinli kabii ne anu, kɛ bɛhendɛ Ndɛnebualɛ Kenle ne;

Yekile 20:10

Na bɛvuandinle Abɔnsam ne mɔɔ rabɛlɛbɛlale bɛ la bɛdole sendɔlɔra nee sɔlefa tandane ne mɔɔ bɛguale nane ne nee ye kpɔmanvolɛ alane ne nu la anu; na bɛbahile bɛ nyane alehyenlɛ nee aledwolɛ mekɛ mɔɔ ɛnlɛ awieleɛ.