Edwɛkpa ne kɛmɔ Luku hɛlɛle la 16:16 - BAEBOLO ANZƐƐ BULUKU NWUANZANWUANZA

¹⁶ “Ɛnee Mosisi mɛla ne nee mɔɔ Nyamenle kpɔmanvolɛma hɛlɛle la gyi kpundii hɔkpulale mekɛ mɔɔ Dwɔn Sɔnevolɛ ne rale la; ɔvi mekɛ ne anu toonwo mɔɔ ɛrakpula ɛnɛ, mɔɔ bɛvale Edwɛkpa ne mɔɔ fane Nyamenle Belemgbunlililɛ ne anwo la nolobɔlɛ la, awie biala ɛlɛpele kɛ ɔkɛnyia ye.

Edwɛkpa ne kɛmɔ Luku hɛlɛle la 16:16 ပူးပေါင်းရင်းမြစ်များ

Edwɛkpa ne kɛmɔ Mateyu hɛlɛle la 10:7

Saa bɛkɔ a, bɛhɔbɔ nolo kɛ, ‘Anwuma Belemgbunlililɛ ne ɛbikye.’

Edwɛkpa ne kɛmɔ Mateyu hɛlɛle la 15:11

Tɛ mɔɔ kɔ sonla nloa nu la a gua ɔ nwo evinli a, na mɔɔ vi ɔ nloa nu finde la a gua ɔ nwo evinli a.”

Edwɛkpa ne kɛmɔ Mateyu hɛlɛle la 21:32

Ɔluakɛ Dwɔn Sɔnevolɛ ne rale na ɔrahilehilele bɛ nɔhalɛ adenle ne la, bɛanlie ye bɛanli; noko adwuledievolɛma nee tuutuuma liele ye lile; yɛɛ nzinlii bɔbɔ mɔɔ bɛnwunle ɛhye zɔhane la, bɛannu bɛ nwo na bɛalie ye bɛali.”

Edwɛkpa ne kɛmɔ Mateyu hɛlɛle la 3:2

“Bɛnlu bɛ nwo na Anwuma Belemgbunlililɛ ne ɛbikye!”

Edwɛkpa ne kɛmɔ Mateyu hɛlɛle la 4:17

Ɔvi mekɛ zɔhane Gyisɛse bɔle ɔ bo kɛ ɔbɔ nolo kɛ, “Bɛnlu bɛ nwo na Anwuma Belemgbunlililɛ ne ɛbikye!”

Edwɛkpa ne kɛmɔ Mateyu hɛlɛle la 4:23

Gyisɛse hɔkpɔsale Galeli maanzinli ne anu amuala na ɔhilehilele wɔ bɛ nyianu azua ne mɔ anu, ɔhanle Anwuma Belemgbunlililɛ ne anwo Edwɛkpa ne, na ɔmanle menli mɔɔ ewule nee anwondolɛ ngakyile ɛha bɛ la anwo zale.

Edwɛkpa ne kɛmɔ Maake hɛlɛle la 1:14

Nzinlii mɔɔ bɛhyele Dwɔn bɛdole efiade la, Gyisɛse hɔle Galeli hɔbɔle Edwɛkpa ne nolo kɛ,

Edwɛkpa ne kɛmɔ Maake hɛlɛle la 1:45

Noko nrenya ne hɔbɔle mɔɔ zile la nolo wɔ ɛleka biala ɔmanle ɔlua zo Gyisɛse ɛnee akee ɛngola ɔ nyunlu ye wɔ bagua nu. Ɔhwenle ɔ nwo ɔvile sua zo, noko menli vi ɛleka ɛleka rale ɔ nwo.

Edwɛkpa ne kɛmɔ Luku hɛlɛle la 10:11

‘Munzule ɛha bɛ; bɛ sua ye azo anwea bɔbɔ mɔɔ wɔ yɛ gyakɛ abo la yɛkpokpo yɛagua bɛ ti zo; noko bɛhakye kɛ Nyamenle Belemgbunlililɛ ne ɛbikye bɛ.’

Edwɛkpa ne kɛmɔ Luku hɛlɛle la 10:9

bɛyɛ wuleravolɛma mɔɔ wɔ sua ne azo la ayile, na bɛze menli mɔɔ wɔ ɛkɛ ne la kɛ, ‘Nyamenle Belemgbunlililɛ ne ɛbikye bɛ.’

Edwɛkpa ne kɛmɔ Luku hɛlɛle la 16:29

“Ebileham zele ye kɛ, ‘Bɛlɛ menli wɔ bɛ nwo lɔ ɛlɛkakyehakye bɛ Mosisi mɛla ne nee Nyamenle kpɔmanvolɛma ngilehilelɛ ne mɔ, na ɔwɔ kɛ ɛ mediema ne mɔ tie bɛ.’

Edwɛkpa ne kɛmɔ Luku hɛlɛle la 16:31

Na Ebileham zele kɛ, ‘Saa bɛnrɛdie menli mɔɔ ɛlɛkilehile bɛ Mosisi mɛla ne nee mɔɔ Nyamenle kpɔmanvolɛma ne hanle la a, ɛnee saa awie vi mɔwuamra anu dwazo kɔ bɔbɔ a, bɛnrɛdie ye.’ ”

Edwɛkpa ne kɛmɔ Luku hɛlɛle la 9:2

Akee ɔzoanle bɛ kɛ bɛhɔbɔ Nyamenle Belemgbunlililɛ ne nolo na bɛyɛ wuleravolɛma ayile;

Dw 1:45

Felepe hɔkpondɛle Natanayɛle na ɔzele ye kɛ, “Yɛnwu sonla ne mɔɔ Mosisi hɛlɛle ɔ nwo edwɛkɛ wɔ mɛla ne anu, na Nyamenle kpɔmanvolɛma noko hɛlɛle ɔ nwo edwɛkɛ la. Yemɔ a le Gyisɛse, Dwosefi mɔɔ vi Nazalɛte la ara ne.”

Dw 11:48

Saa yɛmaa ɔkɔ zolɛ ɔyɛ a, awie biala balie ye ali, na Wulomu arane ne bava ɛya na yearazɛkye yɛ Ɛzonlenlɛ Sua ye nee yɛ maanle ye amuala.”

Dw 12:19

Na Falasiima ne hanle hilele bɛ nwo kɛ, “Bɛnwu kɛ yɛangola ɛhwee yɛ ɛ! Nea kɛ ewiade amuala ɛdu doa ye ɛ!”

Dw 5:4

ɔboalekɛ ɔdwu mekɛ ne bie a, Nyamenle soanvolɛ dwu azule ne anu kpoto ye. Saa ɔyɛ ye zɔhane a, wuleravolɛ biala mɔɔ kɛlumua kɛhɔdɔ nuhua la anwo sa bɔkɔɔ.]

Ɛzoanvolɛma Gyima ne 3:18

Nyamenle luale ye kpɔmanvolɛma anwo zo hanle dole ɛkɛ ne dɛba, kɛ ɔwɔ kɛ Mɛzaya ne nwu amaneɛ, yemɔti a ɔmanle ɔrale ye zɔhane a.