Edwɛkpa ne kɛmɔ Luku hɛlɛle la 15:4 - BAEBOLO ANZƐƐ BULUKU NWUANZANWUANZA

⁴ “Bɛ nuhua boni, yɛɛ saa ɔlɛ mboane ɛya, na ko minli a, ɔnrɛgyakyi abulahɔnla nee ngɔnla ne wɔ fienemgbole ne anu, na ɔnrɛhɔkpondɛ ko ne toonwo kɔkpula kɛ ɔkɛnwu ye la a?

Edwɛkpa ne kɛmɔ Luku hɛlɛle la 15:4 ပူးပေါင်းရင်းမြစ်များ

Edwɛndolɛ Buluku ne 119:176

Meminli kɛ boane; kpondɛ wɔ sonvolɛ abo zo, ɔluakɛ me rɛle ɛnvi wɔ mɛla ne mɔ.

Ayezaya Buluku ne 53:6

Yɛ muala yɛminli kɛ mboane la; yɛ nuhua biala ɔdaye yeva ye adenle ɛdeɛ zo; Ɛdɛnkɛma ɛva yɛ ɛtane ne mɔ amuala ɛgua ɔ nwo zo.

Gyɛlɛmaya Buluku ne 33:13

Mboaneneavolɛma bazie mboane wɔ azua azua zo, Dwuda nyiakɛ, maanle ne anu awoka mgbole nee ngyikyi ne mɔ azo, awoka ne mɔ abo, Bɛngyaman maanzinli nu, azua mɔɔ wɔ Gyɛlusalɛm afoa nu, yɛɛ Dwuda azuamgbole ne mɔ azo bayɛ mboane ngome. Medame Ɛdɛnkɛma a mese a.”

Gyɛlɛmaya Buluku ne 50:6

“Me menli ne ɛyɛ kɛ mboane mɔɔ ɛminli la, bɛ neavolɛma a ɛminli bɛ a. Bɛtulu bɛ bɛmaa bɛluolua awoka ne mɔ azo. Bɛkpɔsa awoka mgbole nee ngyikyi zo, bɛnnwu bɛ tunli ne adenle.

Yizikeɛle Buluku ne 34:16

“Mebakpondɛ mɔɔ ɛminli la, na me nee mɔɔ agyakɛ ɛvo adenle la azia ara sua nu; mebabɔ mɔɔ ɛbubu la bɔlɛ, meamaa mɔɔ anwo ɛbɛlɛ ye la anyia anwosesebɛ, na mɔɔ ɛhye nee mɔɔ lɛ anwosesebɛ la, mebavede me nye meanlea bɛ boɛ. Mebamaa biala aleɛ, kɛmɔ ɔfɛta la.

Yizikeɛle Buluku ne 34:31

“Bɛle me mboane, me adidileka mboane, yɛɛ mele bɛ Nyamenle. Medame, Awulae Nyamenle a mese a.”

Yizikeɛle Buluku ne 34:4

Bɛannea mɔɔ anwo ɛbɛlɛ ye la, bɛanyɛ mɔɔ ɛnde kpɔkɛ la ayile, mɔɔ ɛboda la, bɛambɔ ye bɔlɛ, mɔɔ vonle adenle la, bɛanva ye bɛamba, bɛamkpondɛ mɔɔ ɛminli la, na bɛvale atisesebɛ nee amumuyɛ a bɛnleanle bɛ a.

Yizikeɛle Buluku ne 34:8

Suzuamgba ala mɔɔ medame Awulae Nyamenle mede aze la, kɛmɔ me mboane ne ɛdɔ agyie, na bɛyɛ aleɛ bɛmaa ɛbɔ nu nanemgbole, na bɛnlɛ mboaneneavolɛ biala, kɛmɔ me mboaneneavolɛma ne amkpo me mboane ne mɔ abo zo, na mboaneneavolɛma ne ɛli bɛdabɛ bɛ ngome bɛ nwo adane, na bɛanyɛne me mboane ne la,

Edwɛkpa ne kɛmɔ Mateyu hɛlɛle la 12:11

Gyisɛse buale bɛ kɛ, “Bɛ nuhua boni yɛɛ saa ɔlɛ ye boane na ɔtɔ kuma nu Ɛnwomenlelielɛ Kenle a, ɔnrɛye ye a?

Edwɛkpa ne kɛmɔ Luku hɛlɛle la 13:15

Awulae buale ye kɛ, “Bɛmɛ nabalabama! Saa ɔdwu Ɛnwomenlelielɛ Kenle a bɛ biala sianyi ye ɛnlankɛ anzɛɛ asoaso ɔfa ye ɔkɔmaa ye nzule.

Edwɛkpa ne kɛmɔ Luku hɛlɛle la 15:3

Yemɔti Gyisɛse bule bɛ ɛrɛlɛ ɛhye:

Edwɛkpa ne kɛmɔ Luku hɛlɛle la 19:10

Ɛhye ala ati yɛɛ medame Sonla Ra membale a. Membale kɛ mebakpondɛ bɛdabɛ mɔɔ bɛminli la na mealie bɛ ngoane.”

Wulo 2:1

Zɔhane ati ayi, wɔmɔ a ɛle nwane bɔbɔ a, ɛnlɛ adenle ɛmbua awie mɔ ndɛne hweledede. Saa ɛbua awie ndɛne wɔ ye nyɛleɛ nwo a, ɛnee ɛlɛbua ɛ nwo fɔlɛ, ɔboalekɛ ɛdawɔ mumua ne mɔɔ ɛlɛbua ndɛne ne la ɛyɛ nyɛleɛ ko ne ala mɔɔ ahenle mɔɔ ɛlɛbua ye ndɛne la yɛ la bie.

1 Pit 2:25

Ɛnee bɛle kɛ mboane mɔɔ ɛminli la, na kɛkala bɛva bɛ bɛzia bɛra kɛ bɛrali Mboaneneavolɛ ne nee bɛ ɛkɛla sinzavolɛ ne anzi.