Edwɛkpa ne kɛmɔ Luku hɛlɛle la 15:32 - BAEBOLO ANZƐƐ BULUKU NWUANZANWUANZA

³² Noko ɔwɔ kɛ yɛdie yɛ nye na yɛdi fɛlɛko ala, ɔboalekɛ, ɛ diema ye, ɔwule, yɛɛ yezia yera ngoane nu bieko a; ɔminlinle, yɛɛ yɛnwu ye a.’ ”

Edwɛkpa ne kɛmɔ Luku hɛlɛle la 15:32 ပူးပေါင်းရင်းမြစ်များ

Edwɛndolɛ Buluku ne 51:8

Maa me anyelielɛ nee fɛlɛkolilɛ; maa mbowule mɔɔ wɔbubu nu la anye ɛlie.

Ayezaya Buluku ne 35:10

Bɛdabɛ mɔɔ Ɛdɛnkɛma ɛkpɔne bɛ la bava edwɛndolɛ azia ara Gyɛlusalɛm. Bɛbali fɛlɛko mɔɔ ɛnlɛ awieleɛ; bɛ nye balie, bɛali fɛlɛko, na nyane nee alɔbɔlɛ baminliminli.

Hozia Buluku ne 14:9

Bɛdabɛ mɔɔ bɛze nrɛlɛbɛ la, bɛde edwɛkɛ ɛhye mɔ abo; bɛdabɛ mɔɔ bɛlɛ deɛnwunlɛ la, bɛnwu ninyɛne ɛhye mɔ. Ɔluakɛ Ɛdɛnkɛma ndenle ne mɔ le fɔɔnwo, tenlenema fa bɔ bɛ ɛbɛla, yɛɛ ɛtanevolɛma tu nwolɛ koti.

Edwɛkpa ne kɛmɔ Mateyu hɛlɛle la 18:11

“Ɔluakɛ medame Sonla Ra, membale kɛ mebalie bɛdabɛ mɔɔ bɛminli la ngoane.]

Edwɛkpa ne kɛmɔ Luku hɛlɛle la 15:24

Ɔluakɛ me ra ɛhye, mefa ye kɛ ɔwule, na kɛkala yera ngoane nu; ɔminlinle, na kɛkala menwu ye.’ Na bɛbɔle ɔ bo kɛ bɛdie bɛ nye.

Edwɛkpa ne kɛmɔ Luku hɛlɛle la 15:31

Na ɔ ze buale ye kɛ, ‘Me ra, wɔmɔ ɛ nee me a de ɛke dahuu a, yɛɛ debie biala mɔɔ melɛ la le wɔ ɛdeɛ.

Edwɛkpa ne kɛmɔ Luku hɛlɛle la 7:34

Medame Sonla Ra noko mera, medi na meno a eza bɛse, ‘Nea ɛhye! Adidikpoku, nzanli nee adwuledievolɛma nee bɛdabɛ mɔɔ awie ɛmbu bɛ bie la agɔnwo!’

Wulo 11:15

Ɔluakɛ bɛkpole bɛ la ati dasanli rayɛle Nyamenle agɔnwo, na saa akee bɛdie bɛ bɛto nu a bɛ fɛlɛkolilɛ bayɛ kɛ asɛɛ bɛvi ewule nu bɛdwazo bɛra ngoane nu la.

Wulo 3:19

Mɔɔ yɛnwu ye la a le kɛ, debie biala mɔɔ wɔ mɛla ne anu la wɔ ɛkɛ ne maa bɛdabɛ mɔɔ bɛwɔ mɛla ne abo la, amaa menli muala aha bɛ nloa ado nuhua kɛ bɛdi fɔlɛ wɔ Nyamenle ndɛnebualɛ ne anu.

Wulo 3:4

Kyɛkyɛ, ɔnle zɔhane fee. Saa menli ɛnli nɔhalɛ bɔbɔ a Nyamenle bahɔ zolɛ ali nɔhalɛ dahuu. Nyamenle Edwɛkɛ ne se, “Ɔwɔ kɛ bɛkile wɔ bɛmaa ɛka nɔhalɛ; na bɛdi wɔ edwɛkɛ a wɔali benle.”