Edwɛkpa ne kɛmɔ Luku hɛlɛle la 15:22 - BAEBOLO ANZƐƐ BULUKU NWUANZANWUANZA

²² Na ɔ ze vɛlɛle ye sonvolɛma ne mɔ na ɔzele bɛ kɛ, ‘Bɛha bɛ nwo na bɛhɔva tɛladeɛ kpalɛ bɛrawula ye. Bɛva kpɔdelera bɛwula ɔ sa, na bɛva mgbɔlaboa bɛwula ye.

Edwɛkpa ne kɛmɔ Luku hɛlɛle la 15:22 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 41:42

Akee ɔyele ɔ sa kpɔdelera ne mɔɔ ɔfa ɔsisi ngɛlata zo la ɔwulale Dwosefi asa, na bɛvale adɛladeɛ ngɛnlɛma bɛwulale ye, bɛvale ndweabane bɛdole ɔ kɔme;

Ɛseta Buluku ne 3:10

Yemɔti belemgbunli ne yele ɔ sa kpɔdelera ne mɔɔ ɔfa ɔsi kɛlata zo ɔyɛ mɛla la ɔmanle Agagenli Heeman, mɔɔ le Hamɛdeeta ara nrenya ne mɔɔ kpɔ Dwuuma la,

Ɛseta Buluku ne 8:2

Belemgbunli ne vale ye kpɔdelera ne mɔɔ ɔfa ɔsi kɛlata zo, mɔɔ ɔliele ɔvile Heeman ɛkɛ ne la manle Mɔdekae. Na Ɛseta yɛle Mɔdekae kpanyinli mɔɔ nea debie biala mɔɔ Heeman lɛ la azo.

Edwɛndolɛ Buluku ne 132:16

Mebamaa ye sɛlɛvolɛma anyia ngoanelielɛ, na meamaa me menli ne mɔɔ wɔ zo la ava anyelielɛ adeɛdea nu.

Edwɛndolɛ Buluku ne 132:9

Maa wɔ sɛlɛvolɛma ɛbɔ ɛbɛla mɔɔ tenrɛ, na maa wɔ menli ne ɛva anyelielɛ ɛdea nu.

Edwɛndolɛ Buluku ne 18:33

Ɔzieziele me gyakɛ kɛ kɛtɛboɛ, me nwo kɔlɔnwo wɔ awoka zo.

Edwɛndolɛ Buluku ne 45:13

Belemgbunli ara raalɛ ne wɔ ye sua ne akunlu, ɔwula ezukoanzule adɛladeɛ.

Sɔlɔmɔn Edwɛne 7:1

Duzu nwanwane bɛlɛra a le wɔ, mɔɔ ɛ gyakɛ nee mgbɔlaboa di zɛhae a? Wɔ ɛzɔlɛ bolomolo ne mɔ le kɛ mgbɔba, bɛ ngɛnlɛma le kɛ dwinvolɛ kpalɛ sa anloa gyima.

Ayezaya Buluku ne 61:10

Ɛdɛnkɛma ati me nye balie kpole, Me ɛkɛla bali fɛlɛko wɔ me Nyamenle ne ati, Ɔluakɛ yeva ngoanelielɛ ɛdanlɛ yeheda me, Yeva pɛlepɛleyɛlɛ tɛladeɛ yewula me, Yeziezie me kɛ atɔfolɛ nrenya fa ndotolo kɔtɔlɔba siezie ɔ nwo, Anzɛɛ kɛ atɔfolɛ raalɛ fa anwoneɛ siezie ɔ nwo la.

Edwɛkpa ne kɛmɔ Luku hɛlɛle la 15:21

Ralɛ nrenya kakula ne hanle hilele ɔ ze kɛ, ‘Egya, meyɛ ɛtane metia Nyamenle nee ɛdawɔ. Kɛkala, menfɛta kɛ ɛkɛvɛlɛ me ɛ ra bieko.’

Edwɛkpa ne kɛmɔ Luku hɛlɛle la 15:23

Akee bɛhɔva ɛnlankɛ ralɛ mɔɔ ɛlɔ kpalɛ la bɛrahu ye bɛmaa yɛlie yɛ nye.

Wulo 13:14

Na bɛva Awulae Kelaese bɛyɛ konle tɛladeɛ bɛwula, na bɛzi nwonane nu adwenle ɛvalɛ nee ye atiakunluwɔzo aze.

Wulo 3:22

Nyamenle dua menli diedi mɔɔ lɛ ye wɔ Gyisɛse Kelaese anu la azo a maa bɛsɔ ɔ nye a. Nyamenle yɛ ɛhye maa bɛdabɛ mɔɔ bɛdie Kelaese bɛdi la amuala, ɔboalekɛ ngakyile fee ɛnle nuhua;

Wulo 8:15

Ɔluakɛ Sunsum ne mɔɔ Nyamenle ɛva ɛmaa bɛ la ɛnyɛ bɛ ahanra, na ɔmmaa bɛnyɛ avoanvoanle. Sunsum ne maa bɛyɛ Nyamenle amra, na ɔlua Sunsum ne tumi zo yɛkola yɛfɛlɛ Nyamenle kɛ, “Egya! Me Papa.”

Pɔɔlo Kɛlata mɔɔ ɔhɛlɛle ɔhɔmanle Galeehyeama la 3:27

Bɛdabɛ mɔɔ bɛzɔne bɛ wɔ Kelaese duma nu la ɛva Kelaese agyakɛ.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 6:15

na bɛva anzonudwolɛ Edwɛkpa ne bɛyɛ mgbɔlaboa bɛwula.

Mɛla 33:25

Bɛbava mbulalɛ nee kɔbele bɛagua bɛ azuamgbole nlenkɛ nzi, Ɛdɛnkɛma ɛmaa bɛnyi bɛhyɛ na bɛde kpɔkɛ dahuu.”

Yekile 19:8

Bɛmaa ye lenen ɛdanlɛ kɛnlɛma anye nwohyee kɛ ɔheda.” (Ɛdanlɛ kɛnlɛma ne a le Nyamenle menli ne ɛbɛla kpalɛ mɔɔ bɛbɔle la.)

Yekile 2:17

“Sonla ne mɔɔ lɛ ɛnzonlɛ la ɛdie mɔɔ Sunsum ne ka kile asɔnema amuala la. “Mɔɔ kɛli konim la mebamaa ye mana ne mɔɔ vea la bie. Mebamaa ko biala noko bolɛ fufule mɔɔ bɛhɛlɛ duma fofolɛ zolɛ la. Awie biala ɛnrɛhola ɛnrɛnwu duma ne kyesɛ ahenle ne mɔɔ bɛva bɛmaa ye la angomekye.

Yekile 3:18

Ɛhye ati metu wɔ folɛ kɛ badɔ ezukoa nvutuke kpalɛ mɔɔ bɛva senle bɛdu nuhua la fi me ɛkɛ, amaa wɔanyia ɛ nwo. Badɔ adɛladeɛ fufule wula keda wɔ amumuyɛ nee wɔ anyiemgba mɔɔ ɛla ali la azo. Badɔ ayile gua ɛ nye zo, amaa wɔanwu debie.

Yekile 6:11

Na bɛmanle ko biala tɛladeɛ fufule, na bɛhanle bɛhilele bɛ kɛ bɛlie bɛ ɛnwomenle ekyii, kɔkpula kɛ bɛ gɔnwo mɔ sonvolɛma nee mediema mɔɔ bɛdabɛ noko bɛbahu bɛ kɛ bɛdabɛ la, bɛ muala bɛ nloa kɛdɔ nu la.

Yekile 7:9

Ɛhye anzi memanle me nye zo, na menwunle menli pemgbenleamgbe bie mɔɔ awie ɛngola bɛ tia la! Bɛvi mbusua, maanle, aneɛ nee menli ngakyile kɔsɔɔti anu. Bɛgyigyi belemgbunli ebia kpole ne nee Boaneralɛ ne anyunlu ɛkɛ ne, bɛwula adɛladeɛ fufule na bɛdedɛ mrɛlakɛ bɛ sa nu.