Edwɛkpa ne kɛmɔ Luku hɛlɛle la 15:18 - BAEBOLO ANZƐƐ BULUKU NWUANZANWUANZA

¹⁸ Medwazo meahɔ egya anwo lɔ meahɔze ye kɛ, Egya, meyɛ ɛtane metia Nyamenle nee ɛdawɔ.

Edwɛkpa ne kɛmɔ Luku hɛlɛle la 15:18 ပူးပေါင်းရင်းမြစ်များ

2 Edk 33:19

Akee belemgbunli ne nzɛlɛlɛ nee kɛ Nyamenle zile diele ye, ye ɛtane ne mɔ mɔɔ ɔyɛle nee ye anzosesebɛ, mɔɔ ɔluale zo ɔsisile ɛleka ne mɔ mɔɔ bɛsonle, nee bozonle raalɛ Ahyela ne ananze mɔɔ ɔyɛle kolaa na nzinlii yeanlu ɔ nwo la, bɛhɛlɛ bɛ kɔsɔɔti wɔ Nyamenle Kpɔmanvolɛma Tetedwɛkɛ Buluku ne anu.

Edwɛndolɛ Buluku ne 25:11

O Ɛdɛnkɛma, wɔ duma ne ati, fa me ɛtane kyɛ me, ɔluakɛ ɔle kpole.

Mrɛlɛbulɛ Buluku ne 23:13

Kakula yɛ ɛtane a tea ye; ɛbo ye a ɔnwu.

Ayezaya Buluku ne 63:16

Wɔmɔ a ɛle yɛ ze a. Yɛ nlenya mɔ Ebileham nee Gyekɔbo ɛnze yɛ bɔbɔ ɛdeɛ, noko wɔmɔ, O Ɛdɛnkɛma, yɛɛ ɛle yɛ ze a. Ɔvi tete wɔ duma a le yɛ Kpɔnevolɛ.

Gyɛlɛmaya Buluku ne 3:19

Ɛdɛnkɛma se, “Yizilayɛ, mendwenlenle kɛ mefa wɔ meaboka me mra ne mɔ anwo, na meamaa wɔ azɛlɛ mɔɔ le anyelielɛ, azɛlɛ kɛnlɛma mɔɔ tɛla ewiade ye azɛlɛ biala. Ɛnee medwenle kɛ ɛkɛvɛlɛ me ‘Egya’, na ɛnrɛhakyi ɛ nzi ɛnrɛzi me bieko.

Gyɛlɛmaya Buluku ne 31:20

“Yizilayɛ, ɛle me ra nrenya mɔɔ mekulo wɔ, ɛle ralɛ nrenya mɔɔ ɛla me ahonle nwo. Mekɛ biala mɔɔ menwɔva ɛ nwo ɛya la, ɛnee ɛ nwo adwenle gyi me adwenle nu. Yemɔti me nwo dɔ wɔ; nɔhalɛ, mebanwu wɔ anwunvɔne. Medame Ɛdɛnkɛma a mese a.

Gyɛlɛmaya Awolɛyelɛ 3:29

bɛmaa ɔhwi ɔ nloa aze, ɔkɛyɛ kɛ anyelazo wɔ ɛkɛ;

Gyɛlɛmaya Awolɛyelɛ 3:40

Bɛmaa yɛnlea yɛ ɛbɛlabɔlɛ nu boɛ, na yɛzia yɛrɛla Ɛdɛnkɛma ɛkɛ.

Daneɛle Buluku ne 4:26

Ɛdele kɛ Nyamenle soanvolɛ ne hanle kɛ bɛgyakyi baka dosinli ne azɛlɛ ne anwo. Ɛhye kile kɛ saa ɛ nye zo tete wɔ na ɛdie ɛto nu kɛ Nyamenle a sie ewiade a, ɛbazia wɔazie wɔ maanle ne bieko.

Dwona Buluku ne 2:4

Na menganle kɛ, ‘Akee meminli ɛ nye zo ala ɛne, na menrɛnwu wɔ Ɛzonlenlɛ Sua Nwuanzanwuanza ne bieko!’

Dwona Buluku ne 3:9

Awie ɛnze; bie a ɛnee Nyamenle ɛnwu yɛ anwunvɔne, yehakyi ye adwenle na yegyakyi ye ɛya kpole ne, amaa yɛanwu.”

Edwɛkpa ne kɛmɔ Mateyu hɛlɛle la 3:6

bɛrahanle bɛ ɛtane na ɔzɔnenle bɛ wɔ Azule Dwɔdan ne anu.

Edwɛkpa ne kɛmɔ Mateyu hɛlɛle la 6:14

“Ɔluakɛ saa bɛfa menli mɔɔ ɛvo bɛ la ɛtane bɛkyɛ bɛ a, yɛɛ bɛ anwuma Selɛ ne ɔdaye ɔkɛva bɛ ɛtane ɛdeɛ ne mɔ ɔkɛhyɛ bɛ a.

Edwɛkpa ne kɛmɔ Mateyu hɛlɛle la 6:9

Zɔhane ati, bɛmɛ, bɛyɛ nzɛlɛlɛ a bɛyɛ ye zɛhae: ‘Yɛ Ze mɔɔ wɔ anwuma: Wɔ duma nwo ɛde;

Edwɛkpa ne kɛmɔ Mateyu hɛlɛle la 7:11

Na saa bɛmɛ mɔɔ bɛle ɛtanevolɛma la bɛze kɛ ɔwɔ kɛ bɛfa ninyɛne kpalɛ bɛmaa bɛ mra a, ɛnee fane nyɛ yɛɛ bɛ Ze mɔɔ wɔ anwuma la ɛnrɛva ninyɛne kpalɛ ɛnrɛmaa bɛdabɛ mɔɔ bɛbiza ye la ɛ?

Edwɛkpa ne kɛmɔ Luku hɛlɛle la 11:2

Gyisɛse zele bɛ kɛ, “Saa bɛyɛ nzɛlɛlɛ a bɛha ɛhye: ‘Egya, Wɔ duma ne anwo ɛde; wɔ belemgbunlililɛ ɛrɛla.

Edwɛkpa ne kɛmɔ Luku hɛlɛle la 15:17

Nzinlii ye adwenle rale ɔ nwo na ɔzele kɛ, ‘Gyimayɛvoma mɔɔ wɔ egya gyima nu la di aleɛ maa ɔbo bɛ nwo zo, mame a mela ɛke mɔɔ ɛhɔne ɛlɛku me la!

Edwɛkpa ne kɛmɔ Luku hɛlɛle la 15:19

Menfɛta kɛ ɛkɛvɛlɛ me ɛ ra bɔbɔ; fa me yɛ wɔ ɛkpama ne mɔ anu ko.’

Edwɛkpa ne kɛmɔ Luku hɛlɛle la 15:21

Ralɛ nrenya kakula ne hanle hilele ɔ ze kɛ, ‘Egya, meyɛ ɛtane metia Nyamenle nee ɛdawɔ. Kɛkala, menfɛta kɛ ɛkɛvɛlɛ me ɛ ra bieko.’

Edwɛkpa ne kɛmɔ Luku hɛlɛle la 18:13

“Na adwuledievolɛ ne gyinlanle ahane ɛleka bie, yeangulo kɛ ɔkɛkpogya ɔ ti zo bɔbɔ. Ɔvale ɔ sa ɔguale ye ɛbolɛ zo na ɔzele kɛ, ‘O Awulae Nyamenle, nwu me anwunvɔne na mele ɛtanevolɛ!’ ”