Edwɛkpa ne kɛmɔ Luku hɛlɛle la 15:13 - BAEBOLO ANZƐƐ BULUKU NWUANZANWUANZA

¹³ Kenle ekyi guale nu la ralɛ nrenya kakula ne dɔnenle ye ninyɛne ɛdeɛ ne kɔsɔɔti na ɔvale ezukoa ne ɔbɔle ɔ nwo ɔhɔle maanle zo. Ɔhɔle la, ɔbɔle ɛbɛla mgbane mgbane na ɔzɛkyele ye ezukoa ne amuala.

Edwɛkpa ne kɛmɔ Luku hɛlɛle la 15:13 ပူးပေါင်းရင်းမြစ်များ

Edwɛndolɛ Buluku ne 73:27

Na nea, bɛdabɛ mɔɔ bɛ nee wɔ bɛ avinli twe la baminli; ɛmaa bɛdabɛ mɔɔ bɛnli nɔhalɛ bɛmmaa wɔ la abo zo bɔ.

Mrɛlɛbulɛ Buluku ne 18:9

Sonla mɔɔ le mgbaha wɔ gyimayɛlɛ nu la adiema nrenya a le sonla mɔɔ sɛkye ninyɛne la.

Mrɛlɛbulɛ Buluku ne 21:17

Sonla mɔɔ kulo anyelielɛ la bali ehyia, yɛɛ mɔɔ kulo nwanye nee nwole la ɛnrɛnyia ɔ nwo.

Mrɛlɛbulɛ Buluku ne 21:20

Gyadeɛ mɔɔ sonle bolɛ la kyɛ nrɛlɛbɛvolɛ sua nu, koasea asa ka ye a ɔsɛkye ye.

Mrɛlɛbulɛ Buluku ne 27:8

Sonla mɔɔ kɛdu kɛvi ye sua nu la le kɛ anloma mɔɔ ɛdu ɛvi ye sane nu la.

Mrɛlɛbulɛ Buluku ne 28:7

Ralɛ nrenya mɔɔ di mɛla zo la ze nrɛlɛbɛ, na ralɛ nrenya mɔɔ nee adidikpokuma a tu la gua ɔ ze anyunlu aze.

Mrɛlɛbulɛ Buluku ne 29:3

Sonla mɔɔ kulo nrɛlɛbɛ la maa ɔ ze di fɛlɛko, na sonla mɔɔ nee tuutuuma a tu la sɛkye ye debie biala.

Mrɛlɛbulɛ Buluku ne 6:26

ɔluakɛ tuutuu biala, bɛfa kpanwo kunguma ko ala a bɛbɔ ye ɛkpa a, na awuvolɛ raalɛ ɛvalɛ kpokpo nrenya ku ye.

Ayezaya Buluku ne 1:4

Aa, maanle mɔɔ ɛtane ɛyi ye tɛkɛɛ a, menli mɔɔ ninyɛndane ɛyɛlɛ ɛli bɛ ti a, esiayɛɛ mralɛ, menli mɔɔ nzisi ala a bɛdi a, bɛbɔ munzule! Bɛkpo Ɛdɛnkɛma, bɛhyi Yizilayɛ Nwuanzanwuanza Ko ne, na bɛhakyi bɛ nzi bɛzi ye bɔkɔɔ.

Ayezaya Buluku ne 22:13

na nea, bɛmanle bɛ nye liele, bɛlile fɛlɛko, bɛhunle nlankɛ nee mboane, bɛlile nane na bɛnlonle nwanye, na bɛhanle kɛ, “Bɛmaa yɛli na yɛnlo, na ɛhyema ɛnee yɛwu.”

Ayezaya Buluku ne 30:11

Bɛvi nɔhalɛ adenle ne anu bɛye bɛ nwo, bɛmmamaa yɛte Yizilayɛ Nwuanzanwuanza Ko ne nrɛlaleɛ biala.”

Ayezaya Buluku ne 56:12

Bɛse, ‘Ayi mɔ, bɛrɛla bɛmaa yɛhɔkpondɛ nwanye bie yɛnlo. Bɛmaa yɛhɔnlo nza ɛsesebɛ yɛbo; ɛhyema noko bayɛ kɛ ɛnɛ la, ɔbayɛ ɛzulolɛ kpole kpalɛ.’ ”

Gyɛlɛmaya Buluku ne 2:13

Ɔluakɛ me menli ne ɛyɛ ɛtane nwiɔ: bɛkpo me, bɛ ngoane nzubula ne, na bɛdabɛ bɛhɔbɔ bɛ bula ɛdeɛ, bula mɔɔ ɛbolo, mɔɔ ngoane nzule ɛngola ɛngyinla nu.

Gyɛlɛmaya Buluku ne 2:31

O bɛmɛ awolɛndoazo ɛhye, bɛdie Ɛdɛnkɛma edwɛkɛ ne. Meyɛ fienemgbole memaa Yizilayɛ, anzɛɛ azɛlɛ mɔɔ awozinli kabii ɛheda zo la ɔ? Duzu ati a me menli ne se, ‘Yɛlɛ fanwodi, yɛnrɛzia yɛnrɛra ɛ nwo ɛkɛ bieko’ a?

Gyɛlɛmaya Buluku ne 2:5

Kɛ Ɛdɛnkɛma se la ɛne: “Duzu ɛtane a bɛ ze mɔ nwunle ye me nwo, mɔɔ yemɔti bɛnriandile me, bɛhɔzonlenle mmonle mɔɔ nvasoɛ biala ɛnle bɛ nwo zo, na bɛdabɛ bɛyɛle mgbane a?

Maeka Buluku ne 6:3

Ɛdɛnkɛma se, “O me menli, duzu a meyɛ bɛ a? Duzu ngyegyelɛ a megyegye bɛ a? Bɛbua me!

Edwɛkpa ne kɛmɔ Luku hɛlɛle la 15:12

Bɛ nuhua ekyi ne hanle hilele ɔ ze kɛ, ‘Egya, fa me agyadeɛ ɛdeɛ maa me.’ Yemɔti ɔ ze hyɛle mɔɔ ɔlɛ la amuala anu nwiɔ manle ɔ mra nwiɔ ne.

Edwɛkpa ne kɛmɔ Luku hɛlɛle la 15:14

Mɔɔ ɔwiele ye ezukoa ne di la ɛhɔne kpole bie zile maanle ne mɔɔ ɔwɔ nu la anu, na ɛnee akee noko ɛhwee ɛnle ɔ nwo.

Edwɛkpa ne kɛmɔ Luku hɛlɛle la 15:30

Na ɛ ra ɛhye mɔɔ ɛzɛkye wɔ agyadeɛ ne amuala wɔ tuutuuma anwo, na yezia yera sua nu la, wɔhu ɛnlankɛ ralɛ kyenlera ne mɔɔ ɛwie dɔ la wɔmaa ye.’

Edwɛkpa ne kɛmɔ Luku hɛlɛle la 16:1

Gyisɛse zele ye ɛdoavolɛma ne mɔ kɛ, “Sukoavolɛ bie mɔɔ lɛ sonla mɔɔ nea ye gya zo la woale ɛkɛ. Bɛdoanle gyaneavolɛ ne bɛhilele ɔ menle ne kɛ ɔlɛsɛkye ye ezukoa ne.

Edwɛkpa ne kɛmɔ Luku hɛlɛle la 16:19

“Nrenya sukoavolɛ bie woale ɛkɛ; ɔhedale ndanlɛ ngɛnlɛma mɔɔ awolɛ yɛ se la na ɔlile ɔ ti dahuu.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 2:13

Kɛkala, bɛ nee Kelaese Gyisɛse ɛyɛ ko, amaa ɔlua zo bɛmɛ mɔɔ anrɛɛ bɛwɔ moa moa la, bɛlua Kelaese mogya ne mɔɔ ɔhwinle ɔguale la azo bɛhwe bɛ bɛbikye Nyamenle.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 2:17

Yemɔti Kelaese rabɔle anzonudwolɛ nwo Edwɛkpa nolo ne hilele menli kɔsɔɔti; ɔbɔle ɔhilele bɛmɛ mɔɔ bɛnle Dwuuma, mɔɔ bɛwɔ moa moa la yɛɛ Dwuuma mɔɔ bikye ye la.

2 Pit 2:13

Amumuyɛ mɔɔ bɛyɛ awie mɔ la, bɛbadua bɛ nwolɛ kakɛ. Bɛ anyelielɛ ala a le ewia henlema nza ɛbolɛ nee adwɔmanebɔlɛ mgbole; bɛ nwo yɛ nyiane yɛɛ ɔyɛ anyiemgba bɔbɔ kɛ bɛ nee bɛ kɛdu a. Mekɛ mɔɔ bɛ nee bɛ de ɛkponle ko anwo bɛlɛkpula bɛ sa la ɛnee bɛlɛbɛlɛbɛla bɛ.