Edwɛkpa ne kɛmɔ Luku hɛlɛle la 15:1 - BAEBOLO ANZƐƐ BULUKU NWUANZANWUANZA

¹ Kenle ko bie adwuledievolɛma dɔɔnwo nee menli mɔɔ awie ɛmbu bɛ la rale kɛ bɛbadie Gyisɛse anloa edwɛkɛ.

Edwɛkpa ne kɛmɔ Luku hɛlɛle la 15:1 ပူးပေါင်းရင်းမြစ်များ

Yizikeɛle Buluku ne 18:27

Bieko, saa amumuyɛnli twe ɔ nwo fi ye amumuyɛ mɔɔ yeyɛ la anwo na ɔyɛ mɔɔ le kpalɛ na ɔkɔ mɛla nu la a, ɔbalie ɔ nwo ngoane.

Edwɛkpa ne kɛmɔ Mateyu hɛlɛle la 5:46

Saa bɛkulo menli mɔɔ kulo bɛ la angome a, ɛnee duzu ahatualɛ a bɛnyia ye wɔ Nyamenle ɛkɛ a? Anzɛɛ tɛ mɔɔ adwuledievolɛma yɛ la ala ɛne?

Edwɛkpa ne kɛmɔ Luku hɛlɛle la 13:30

Bɛdabɛ mɔɔ kɛkala bɛli amozi la baralumua, na bɛdabɛ mɔɔ kɛkala bɛlumua la arali amozi.”

Edwɛkpa ne kɛmɔ Luku hɛlɛle la 7:29

Menli mɔɔ dele ɛhye, nee adwuledievolɛma amuala lile fɛlɛko na bɛyele Nyamenle ayɛlɛ kɛ bɛdiele Dwɔn, bɛnlunle bɛ nwo na bɛmanle ɔzɔnenle bɛ a.

Wulo 5:20

Bɛvale mɛla ne bɛrale ala la yɛɛ mɛladonlɛ liele ebia a; noko ɛleka mɔɔ ɛtaneyɛlɛ ne zonle la, Nyamenle ɛlolɛ ne yɛle dɔɔnwo bole zolɛ.

1 Tem 1:15

Ɛhye le nɔhalɛ edwɛkɛ bɔkɔɔ mɔɔ ɔwɔ kɛ bɛdie bɛto nu na bɛdie bɛdi a; Kelaese Gyisɛse rale ewiade ye anu kɛ ɔbalie ɛtanevolɛma, mɔɔ medame a mele bɛ nuhua kpanyinli la ngoane.