Edwɛkpa ne kɛmɔ Luku hɛlɛle la 14:23 - BAEBOLO ANZƐƐ BULUKU NWUANZANWUANZA

²³ Yemɔti awuke menle ne zele ye sonvolɛ ne kɛ, ‘Kɔ ademgbole ne mɔ nee ndenle ngyikyi ne mɔ anu na twe menli maa bɛrɛla bɛrayi me sua ye.

Edwɛkpa ne kɛmɔ Luku hɛlɛle la 14:23 ပူးပေါင်းရင်းမြစ်များ

Edwɛndolɛ Buluku ne 110:3

Wɔ menli ne mɔ bava bɛ nwo amaa wɔ, wɔ mekɛ mɔɔ ɛkɛze kɛ ɛdi wɔ ɛlɔnema ati wɔ boka nwuanzanwuanza ne azo la. Wɔ mgbavolɛ ne mɔ bara ɛ nwo nwonlomɔ mangyee ne, kɛ nwonlomɔ ɛbɔlɛ mɔɔ ɛlɛtɔ la.

Edwɛndolɛ Buluku ne 98:3

Yehakye ye ɛhulolɛ kpundii ne nee ye nɔhalɛlilɛ ne mɔɔ ɔlɛ ye wɔ Yizilayɛma anwo la. Ewiade amra amuala ɛnwu yɛ Nyamenle ne konimlilɛ ne.

Ayezaya Buluku ne 11:10

Mekɛ ne anu Belemgbunli Devidi abo zo sonla ne bagyinla kɛ sɛkɛlɛneɛ la yeamaa maanle maanle. Maanle maanle bakpondɛ ye, na ɛleka mɔɔ ɔde la bayɛ anyelielɛ.

Ayezaya Buluku ne 27:13

Mekɛ ne anu bɛbabɔ aweɛne tendenle kpole ne anu, na bɛdabɛ mɔɔ bɛminlinle bɛhɔle Aselea azɛlɛ zo, nee bɛdabɛ mɔɔ bɛvoanle bɛ bɛmanle bɛhɔle Yigyibiti azɛlɛ zo la bara na bɛarazonle Ɛdɛnkɛma wɔ Boka Nwuanzanwuanza ne azo wɔ Gyɛlusalɛm.

Malakae Buluku ne 1:11

Me duma le kpole wɔ maanle maanle avinli ɔvi sɛnzɛne aduduleɛ kɔdwu adɔleɛ. Ɛleka biala bɛkpu ɛyɛlɛ evuanlɛ na bɛfa azubɔdeɛ mɔɔ anwo te la bɛmaa me, ɔluakɛ me duma ne le kpole wɔ maanle maanle avinli.

Edwɛkpa ne kɛmɔ Mateyu hɛlɛle la 21:43

“Zɔhane ati meka meahile bɛ, bɛbalie Nyamenle Belemgbunlililɛ ne bɛ sa nu na bɛava bɛamaa menli mɔɔ yɛ tieyɛ la. [

Edwɛkpa ne kɛmɔ Mateyu hɛlɛle la 5:41

yɛɛ saa awie dua ye tumi zo ahye wɔ mialera nu kɛ ɛ nee ye ɛhɔ adenle kilomita ko a, ɛ nee ye ɛhɔ nwiɔ.

Edwɛkpa ne kɛmɔ Luku hɛlɛle la 14:22

Yeangyɛ biala yɛɛ sonvolɛ ne ziale rale a na ɔrahanle ɔhilele ɔ menle ne kɛ, ‘Yɛmenle, mɔɔ ɛhanle la meyɛ ye zɔhane, noko ɛleka tɛbɔ ɛkɛ ne.’

Edwɛkpa ne kɛmɔ Luku hɛlɛle la 14:24

Na meka meahile bɛ, bɛdabɛ mɔɔ menlumuale menvɛlɛle bɛ a bɛamba la, me aleɛ ne nretee bɔbɔ ɛnrɛtia biala agye zo.’ ”

Edwɛkpa ne kɛmɔ Luku hɛlɛle la 24:29

na bɛzele ye kɛ, “Maa yɛhɔla na mekɛ ne ɛhɔ, aleɛ ɛlɛdwo.” Yemɔti Gyisɛse nee bɛ hɔle sua nu.

Ɛzoanvolɛma Gyima ne 16:15

Na ɔmanle bɛzɔnenle ye nee ye sua nu amra amuala, na ɔzele yɛ kɛ, “Saa bɛbu me kɛ melɛ diedi wɔ Awulae anu a, ɛnee bɛ nee me ɛradɛnla me sua nu.” Ɔtinlinle zolɛ na ɔ nee yɛ hɔle.

Ɛzoanvolɛma Gyima ne 18:6

Nzinlii mɔɔ bɛtiale mɔɔ ɔlɛka la, bɛhehanle ɛtane dɔɔnwo bɛhilele ye. Ɛhye ati Pɔɔlo kpokpole ye tɛladeɛ ne anu munlutu guale na ɔzele bɛ kɛ, “Saa bɛminli a, nwolɛ ɛzonle ɛnzo me. Bɛdabɛ bɛ ɛminlinlɛ nwo ɛzonle zo bɛ! Ɔvi ɛnɛ mɔɔ kɔ la mebahɔ bɛdabɛ mɔɔ bɛnle Dwuuma la anu meahɔha Edwɛkpa ne.”

Ɛzoanvolɛma Gyima ne 28:28

Akee Pɔɔlo dwulale ye edwɛkɛ ne zɛhae, “Yemɔti bɛnwu ye kɛ bɛlɛ Nyamenle ngoanelielɛ nwo nrɛlaleɛ ne bɛkamaa bɛdabɛ mɔɔ bɛnle Dwuuma la, na bɛbadie!” [

Ɛzoanvolɛma Gyima ne 9:15

Awulae zele ye kɛ, “Wɔmɔ kɔ, na meye ye kɛ ɔrayɛ me sonvolɛ, ɔva me duma ɔhɔ bɛdabɛ mɔɔ bɛnle Dwuuma la anu nee arelemgbunli nee Yizilayɛma kɔsɔɔti anwo zo.

Wulo 10:18

Na mebiza kɛ, asoo ɔle nɔhalɛ kɛ bɛtɛtele Edwɛkpa ne? Bɛde ye bɔkɔɔ, ɔluakɛ Nyamenle Edwɛkɛ ne se, “Bɛ ne ɛdwu ewiade muleɛ muala azo; bɛ edwɛkɛ ɛdwu azɛlɛ ye kodoka biala anu.”

2 Kɔl 5:11

Kɛmɔ yɛze kɛ Nyamenlezulolɛ si de la ati, yɛbɔ mɔdenle kɛ yɛkɛmaa menli kɛzulo Nyamenle; na kɛ yɛmɛ yɛde la, Nyamenle ɔdaye ɔze, yɛɛ meze kɛ bɛdabɛ bɛze ye wɔ bɛ adwenle nu.

2 Kɔl 5:20

Yɛle Kelaese agyakɛ anu gyinlavolɛma, na ɔlua yɛ nwo zo Nyamenle ɛlɛtu folɛ. Zɔhane ati yɛgyi Kelaese agyakɛ anu yɛbodo yɛsɛlɛ bɛ kɛ bɛmaa Nyamenle adenle bɛmaa ɔhakyi bɛ kɛ bɛnle agbɔvolɛ na bɛle ɔ gɔnwo mɔ.

2 Kɔl 6:1

Kɛmɔ yɛ nee Kelaese bɔ nu yɛ gyima la, yɛbodo yɛsɛlɛ bɛ kɛ bɛmmamaa Nyamenle ɛlolɛ ne mɔɔ bɛ sa ɛha ye la yɛ mgbane.

Kɔlɔ 1:23

Zɔhane ati, ɔwɔ kɛ bɛkɔ zolɛ bɛsɔ bɛ diedi ne anu ɛsesebɛ, bɛgyinla bɛ ti na bɛgyinla kpundii. Saa bɛyɛ ye zɔhane a yɛɛ awie ɛnrɛhola ɛnrɛzɛkye bɛ anyelazo ne mɔɔ bɛnyianle ye wɔ mekɛ mɔɔ bɛdele Edwɛkpa ne la a. Edwɛkpa ɛhye, bɛbɔ ye nolo bɛhile abɔdeɛ muala mɔɔ wɔ aleɛabo la, yɛɛ medame, Pɔɔlo a bɛyɛ me nwolɛ sonvolɛ a.

Kɔlɔ 1:28

Yemɔti yɛbɔ Kelaese ɛhye anwo nolo yɛkile awie biala, yɛkilehile bɛ na yɛbɔ bɛ kɔkɔ nrɛlɛbɛ nu, amaa yɛava ko biala yɛara Nyamenle anyunlu kɛ sonla mɔɔ di munli, na ɔ nee Kelaese a lua a.

2 Tem 4:2

Bɔ edwɛkɛ ne nolo na si zolɛ mɔɔ ɛndwenle mɔɔ kɛzi ɔ nzi a, kpalɛ o, ɛtane o! Di menli ne adwenle maa bɛlie Edwɛkpa ne bɛdo nu, twi bɛ nyunlu, tu bɛ folɛ na fa abotane kilehile bɛ.