Edwɛkpa ne kɛmɔ Luku hɛlɛle la 14:12 - BAEBOLO ANZƐƐ BULUKU NWUANZANWUANZA

¹² Akee Gyisɛse zele nrenya ne mɔɔ dole ɛkponle ne la kɛ, “Saa ɛto ɛkponle ewiazo anzɛɛ nɔsolɛ nu a, mmafɛlɛvɛlɛ ɛ gɔnwo mɔ anzɛɛ ɛ mediema anzɛɛ wɔ mbusuafoɔ anzɛɛ wɔ kpalɛzo sukoavolɛma angome, ɔluakɛ bɛdabɛ noko bɛbavɛlɛ wɔ bie bɛazie wɔ ɛdeɛ ne abo zo.

Edwɛkpa ne kɛmɔ Luku hɛlɛle la 14:12 ပူးပေါင်းရင်းမြစ်များ

Mrɛlɛbulɛ Buluku ne 14:20

Ehyianli biala anwo amra bɔbɔ ɛngulo ye, noko sukoavolɛ lɛ agɔnwolɛma dɔɔnwo.

Mrɛlɛbulɛ Buluku ne 22:16

Sonla mɔɔ sisi ehyianli fa nyia ɔ nwo, anzɛɛ mɔɔ ɔnyia ye a ɔfa ɔmaa sukoavolɛ la bali ehyia.

Edwɛkpa ne kɛmɔ Mateyu hɛlɛle la 5:46

Saa bɛkulo menli mɔɔ kulo bɛ la angome a, ɛnee duzu ahatualɛ a bɛnyia ye wɔ Nyamenle ɛkɛ a? Anzɛɛ tɛ mɔɔ adwuledievolɛma yɛ la ala ɛne?

Edwɛkpa ne kɛmɔ Luku hɛlɛle la 1:53

Yemaa bɛdabɛ mɔɔ ɛhɔne ɛlɛku bɛ la ninyɛne kpalɛ yemaa bɛ ko ɛyi, na yeye sukoavolɛma ali yemaa bɛlɛ bɛ sa mgbane.

Edwɛkpa ne kɛmɔ Luku hɛlɛle la 1:58

Ye kpalɛzo amra nee ɔ nwo amra dele kɛ Awulae ɛhile ye ɛlolɛ kpole na bɛ nee ye lile nwolɛ fɛlɛko.

Edwɛkpa ne kɛmɔ Luku hɛlɛle la 14:11

Ɔluakɛ mɔɔ memaa ɔ nwo zo la Nyamenle bɛlɛ ye aze, yɛɛ mɔɔ bɛlɛ ɔ nwo aze la Nyamenle kpogya ye zo.”

Edwɛkpa ne kɛmɔ Luku hɛlɛle la 14:13

Na saa ɛto ɛkponle a, fɛlɛvɛlɛ ehyianvolɛma, abuburama, bɛdabɛ mɔɔ bɛ sa anzɛɛ bɛ gyakɛ le azinli, yɛɛ anyenzinliravolɛma,

2 Kɔl 6:13

Melɛtendɛ meahile bɛ kɛ metendɛ mekile me mra la. Yemɔti bɛbuke bɛ munli nu, kɛmɔ yɛyɛ yɛmaa bɛ la.