Edwɛkpa ne kɛmɔ Luku hɛlɛle la 14:11 - BAEBOLO ANZƐƐ BULUKU NWUANZANWUANZA

¹¹ Ɔluakɛ mɔɔ memaa ɔ nwo zo la Nyamenle bɛlɛ ye aze, yɛɛ mɔɔ bɛlɛ ɔ nwo aze la Nyamenle kpogya ye zo.”

Edwɛkpa ne kɛmɔ Luku hɛlɛle la 14:11 ပူးပေါင်းရင်းမြစ်များ

2 Sam 22:28

Ɛdie bɛdabɛ mɔɔ bɛle bɛlɛvo la, na ɛbɛlɛ adubɛnwoma aze.

Ɛseta Buluku ne 6:10

Na belemgbunli ne zele Heeman kɛ, “Ka ɛ nwo kɔva belemgbunli adɛladeɛ ne mɔ bie nee ɛkpɔnwɔ, kɛmɔ ɛdawɔ wɔha la, na yɛ mɔɔ wɔha la maa Dwuunli Mɔdekae mɔɔ de suakunlu ɛke anuhɔlɛ ne la. Debie biala mɔɔ wɔha la, mmagyakyi bie nuhua.”

Dwobu Buluku ne 22:29

Ɔluakɛ Nyamenle bɛlɛ mgbanyizonlema aze, na ɔmaa bɛlɛvoma zo.

Edwɛndolɛ Buluku ne 138:6

Ɔluakɛ Ɛdɛnkɛma wɔ anwuma bɔbɔ ɛdeɛ, noko ɔbu mɔɔ bɛlɛ ɔ nwo aze la, na mɔɔ memaa ɔ nwo zo la ɛmbikye ye.

Edwɛndolɛ Buluku ne 18:27

Ɛdie bɛdabɛ mɔɔ bɛle bɛlɛvo la, na ɛbɛlɛ adubɛnwoma aze.

Mrɛlɛbulɛ Buluku ne 15:33

Ɛdɛnkɛma ɛzulolɛ le nrɛlɛbɛ ɛzukoalɛ, yɛɛ mɛlɛbɛnwoaze nee enililɛ a lua a.

Mrɛlɛbulɛ Buluku ne 18:12

Sonla mɔɔ memaa ɔ nwo zo la sɛkye ɔ nwo, na mɔɔ bɛlɛ ɔ nwo aze la, bɛdi ye eni.

Mrɛlɛbulɛ Buluku ne 25:27

Ɔnle kpalɛ kɛ sonla kɛnlo wolɛ dɔɔnwo, yemɔti nea kɛ menli si kanvo wɔ la boɛ.

Mrɛlɛbulɛ Buluku ne 29:23

Sonla mɔɔ tu ɔ nwo la adubɛnwo ne gua ɔ nyunlu aze, na mɔɔ le bɛlɛvo la banyia ɔ nyunlu.

Ayezaya Buluku ne 2:11

Bɛ adubɛnwo ne kɔsɔɔti bawie na bɛ mgbolede ne abo agua. Ɛdɛnkɛma angomekye ala yɛɛ bɛbayeyɛ ye mekɛ zɔhane anu a.

Ayezaya Buluku ne 2:17

Sonla adubɛnwo muala bara awieleɛ, yɛɛ mgbolede mɔɔ menli yɛ la amuala abo bagua; Ɛdɛnkɛma angomekye ala yɛɛ bɛbayeyɛ ye mekɛ zɔhane anu a.

Ayezaya Buluku ne 57:15

Ɔluakɛ anwuma nee Nwuanzanwuanza Ko ne mɔɔ de ɛkɛ mekɛ mɔɔ ɛnlɛ awieleɛ, mɔɔ ye duma a le Nwuanzanwuanza la se, “Mede anwuma lɔ nee ɛleka nwuanzanwuanza, yɛɛ eza me nee mɔɔ nu ɔ nwo na ɔle bɛlɛvo la tɛnla, kɛ memaa mɔɔ ɛnlu ɔ nwo la anyia anyelazo.

Edwɛkpa ne kɛmɔ Mateyu hɛlɛle la 23:12

Awie biala mɔɔ kɛmemaa ɔ nwo zo la, bɛkɛha ye aze, na mɔɔ kɛha ɔ nwo aze la, bɛkɛmaa ye zo.

Edwɛkpa ne kɛmɔ Luku hɛlɛle la 1:51

Yedenrɛ ye tumi ɛsalɛ ne, na yebɔ bɛdabɛ mɔɔ bɛmemaa bɛ nwo zo la asande, yezɛkye bɛ ngyehyɛlɛ ne mɔ.

Edwɛkpa ne kɛmɔ Luku hɛlɛle la 1:52

Yemaa katakyiema vi bɛ arelemgbunli mbia zo ɛdu ɛgua, na yekpogya awienvolɛma zo.

Edwɛkpa ne kɛmɔ Luku hɛlɛle la 14:12

Akee Gyisɛse zele nrenya ne mɔɔ dole ɛkponle ne la kɛ, “Saa ɛto ɛkponle ewiazo anzɛɛ nɔsolɛ nu a, mmafɛlɛvɛlɛ ɛ gɔnwo mɔ anzɛɛ ɛ mediema anzɛɛ wɔ mbusuafoɔ anzɛɛ wɔ kpalɛzo sukoavolɛma angome, ɔluakɛ bɛdabɛ noko bɛbavɛlɛ wɔ bie bɛazie wɔ ɛdeɛ ne abo zo.

Edwɛkpa ne kɛmɔ Luku hɛlɛle la 18:14

Na Gyisɛse vale zɔle zolɛ kɛ, “Meka meahile bɛ, adwuledievolɛ ne zɔle Nyamenle anye wɔ mekɛ mɔɔ ɔlɛkɔ sua nu la dɛlale Falasiinli ne. Ɔluakɛ awie biala mɔɔ memaa ɔ nwo zo la Nyamenle bɛlɛ ye aze, yɛɛ mɔɔ bɛlɛ ɔ nwo aze la Nyamenle kpogya ye zo.”

Gyemise Kɛlata ne 1:9

Keleseɛnenli biala mɔɔ anrɛɛ di ehyia na Nyamenle ɛmaa ye zo la ɛli fɛlɛko,

Gyemise Kɛlata ne 4:10

Bɛbɛlɛ bɛ nwo aze wɔ Awulae anyunlu, na ɔkɛmaa bɛ zo.

Gyemise Kɛlata ne 4:6

Noko Nyamenle ɛlolɛ ne mɔɔ ɔfa ɔmaa la le kpole. Nyamenle Edwɛkɛ ne se, “Nyamenle bɛlɛ mɔɔ le mgbanyizonle la aze, na ɔmaa mɔɔ bɛlɛ ɔ nwo aze la zo.”

1 Pit 5:5

Zɔhane ala yɛɛ ɔwɔ kɛ bɛdabɛ ngakula mɔɔ bɛwɔ asɔne ne anu la noko bu mgbanyima ne mɔ na bɛka bɛ nwo aze bɛmaa bɛ a. Bɛ muala bɛva fɛlɛko nee ɛzelekɛ bɛzonle bɛ nwo ngoko ngoko, ɔluakɛ “Nyamenle kyi mɔɔ memaa ɔ nwo zo la, na ɔyila mɔɔ bɛlɛ ɔ nwo aze la.”

1 Pit 5:6

Zɔhane ati, bɛbɛlɛ bɛ nwo aze wɔ Nyamenle tumi kpole ne abo, amaa saa ɔdaye ye mekɛ ne mɔɔ yehile la dwu a yeamaa bɛ zo.

1 Sam 15:17

Na Samoɛle zele ye kɛ, “Ɛdawɔ mumua ne ɛmbu ɛ nwo bie, noko wɔmɔ yɛɛ ɛgyi Yizilayɛ mbusua ekpunli ekpunli ne mɔ ati a. Ɛdɛnkɛma ziele wɔ Yizilayɛ belemgbunli,