Edwɛkpa ne kɛmɔ Luku hɛlɛle la 14:1 - BAEBOLO ANZƐƐ BULUKU NWUANZANWUANZA

¹ Ɛnwomenlelielɛ Kenle ko Gyisɛse hɔle kɛ ɔkakpula ɔ sa wɔ Falasii mgbanyima ne mɔ ko sua nu. Mekɛ ne anu ɛnee menli ɛlɛtɛ ye kpalɛ.

Edwɛkpa ne kɛmɔ Luku hɛlɛle la 14:1 ပူးပေါင်းရင်းမြစ်များ

Edwɛndolɛ Buluku ne 37:32

Amumuyɛnli bu tenlenenli anyehoanlɛ, na ɔbɔ mɔdenle kɛ ɔku ye.

Edwɛndolɛ Buluku ne 41:6

Saa bɛ bie ba kɛ ɔbanlea me a, ɔka ye menlemenle, noko ye ahonle nu le asayɛlɛ ngome; ɔfinde ɔkɔ a, ɔkɔbɔ me ewule ne nolo.

Edwɛndolɛ Buluku ne 62:4

Bɛ adwenle a le kɛ bɛmaa ye dibilɛ abɔ ye, bɛ anyelielɛ a le adalɛbɔlɛ. Bɛfa bɛ nloa bɛyileyila, noko bɛ kunlu ɛdeɛ, ɔle amowa.

Mrɛlɛbulɛ Buluku ne 23:7

ɔluakɛ ɔbaha yeahile wɔ bɔbɔ kɛ, “Di debie, no nza ne bie!” noko tɛ ɔ kunlu anu ɔ; ɔlɛsese mɔɔ ɛlɛdi la amuala.

Edwɛkpa ne kɛmɔ Mateyu hɛlɛle la 12:12

Sonla noko sonle bolɛ tɛla nane! Yemɔti yɛ mɛla ne ɛndua kɛ yɛmmaboa awie wɔ Ɛnwomenlelielɛ Kenle.”

Edwɛkpa ne kɛmɔ Maake hɛlɛle la 3:2

Menli bie dɛle Gyisɛse nleanle saa ɔkɛyɛ nrenya ne ayile wɔ Ɛnwomenlelielɛ Kenle ne a ɛnee bɛahɔdoa ye.

Edwɛkpa ne kɛmɔ Luku hɛlɛle la 11:37

Gyisɛse wiele tendɛ la, Falasiima bie dole ɛsalɛ vɛlɛle ye kɛ ɔrɛla ɔmaa bɛkpula bɛ sa. Yemɔti Gyisɛse hɔle na ɔhɔdɛnlanle ɛkponle ne anwo kɛ ɔdi debie.

Edwɛkpa ne kɛmɔ Luku hɛlɛle la 14:2

Nrenya bie mɔɔ mutulemutule ɛyɛ ye la rale Gyisɛse anwo ɛkɛ ne,

Edwɛkpa ne kɛmɔ Luku hɛlɛle la 17:20

Falasiima bie bizale Gyisɛse kenle mɔɔ Nyamenle Belemgbunlililɛ ne kɛra la. Gyisɛse buale kɛ, “Nyamenle Belemgbunlililɛ ne ɛnrɛra ye mɔɔ awie anye dua ye a.

Edwɛkpa ne kɛmɔ Luku hɛlɛle la 20:20

Yemɔti bɛtetɛle ye. Bɛmanle menli bie ndoloboa bɛmanle bɛyɛle bɛ nwo kɛ asɛɛ bɛdi nɔhalɛ, na bɛzoanle bɛ kɛ bɛhɔdo Gyisɛse abɛla bɛbizebiza ye edwɛkɛ, amaa saa ɔ nloa fo a bɛahye ye na bɛava ye bɛahɔmaa Wulomu Amɛnlado ne ali ye edwɛkɛ.

Edwɛkpa ne kɛmɔ Luku hɛlɛle la 6:7

Mɛla kilehilevolɛma nee Falasiima bie mɔ ɛnee kpondɛ adenle alua zo adoa Gyisɛse la ati, bɛnleanle saa ɔkɛyɛ nrenya ne ayile wɔ Ɛnwomenlelielɛ Kenle ne a.

Dw 3:1

Nrenya bie wɔ ɛkɛ, bɛfɛlɛ ye Nekɔdimɛse. Ɔle Dwuu mgbanyima ne mɔ ko yɛɛ ɔboka fane ne mɔɔ bɛfɛlɛ ye Falasii la anwo.

Ɛzoanvolɛma Gyima ne 5:34

Na bɛ nuhua ko dwazole. Ɔle Falasiinli, bɛfɛlɛ ye Gameeleɛle. Ɔle mɛla kilehilevolɛ yɛɛ maanlema bu ye kpole kpalɛ. Ɔmanle bɛvale ɛzoanvolɛma ne mɔ bɛvindele,