Edwɛkpa ne kɛmɔ Luku hɛlɛle la 13:8 - BAEBOLO ANZƐƐ BULUKU NWUANZANWUANZA

⁸ Na tola neavolɛ ne buale ye kɛ, ‘Yɛmenle, maa ɔgyinla ɛkɛ ne na yɛnlea ye ɛvolɛ ye noko; mebavuduvudu ɔ bo na meagugua ewula ɔ bo.

Edwɛkpa ne kɛmɔ Luku hɛlɛle la 13:8 ပူးပေါင်းရင်းမြစ်များ

Edwɛndolɛ Buluku ne 106:23

Yemɔti ɔhanle kɛ ɔbɔ bɛ bo zo, na Mosisi mɔɔ yekpa nu yeye ye la, gyinlanle kpundii wɔ ɔ nyunlu, ɔmanle ɔgyakyile ye ɛya ne, yeanzɛkye bɛ.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 34:9

Na ɔhanle kɛ, “O Awulae, mebodo wɔ, Awulae, menli ne le dapele bɔbɔ ɛdeɛ, noko mesɛlɛ wɔ, saa me nyunlu ɛra anyia wɔ ɛ nyunlu a, ɛnee ɛ nee yɛ ɛhɔ, fa yɛ munzule nee yɛ ɛtane ne mɔ kyɛ yɛ, na fa yɛ yɛ wɔ menli.”

Gyɛlɛmaya Buluku ne 15:1

Akee Ɛdɛnkɛma zele me kɛ, “Saa Mosisi nee Samoɛle bɔbɔ bagyinla me nyunlu kpa kyɛlɛ a, menrɛva menli ɛhye mɔ anwo edwɛkɛ menrɛhyɛ bɛ ɛlɛ. Ye bɛ fi me nye zo,

Gyɛlɛmaya Buluku ne 18:20

Asoo bɛfa ɛtane bɛtua kpalɛ kakɛ? Noko menli ne ɛvu me nwo kuma. Kakye kɛ menzile membale ɛ nyunlu membamkpale bɛ ti kyɛlɛ kɛ ɛye wɔ ɛya ne bɛ nwo zo la.

Dwowɛle Buluku ne 2:17

Bɛmaa sɛlɛvolɛma mɔɔ ɛlɛsonle Nyamenle wɔ Ɛdɛnkɛma Ɛzonlenlɛ Sua ne anuhɔlɛ ne nee azukponle ne avinli la ɛzu ɛzɛlɛ kɛ, “O Ɛdɛnkɛma, nwu wɔ menli ne anwunvɔne. Mmamaa maanle maanle ne mɔ kpo yɛ, bɛsi yɛ amgbu bɛka kɛ, ‘Bɛ Nyamenle ne wɔ nienwu?’ ”

Edwɛkpa ne kɛmɔ Luku hɛlɛle la 13:7

Yemɔti ɔzele ye tola ne azo neavolɛ ne kɛ, ‘Nea, mekpɔla feege baka ye azo ɛvolɛ nsa kɛ mekpondɛ ma wɔ zolɛ na mennyia bie. Pɛ ye to aze! Ɔnle kɛ ɔgyinla ɛkɛ ne ɔsɛkye azɛlɛ ne mgbane!’

Edwɛkpa ne kɛmɔ Luku hɛlɛle la 13:9

Na saa ɛvolɛ ne kadwu na ɔso a, ɔle kpalɛ; yeanzo noko a, yɛkɛpɛ ye yɛkɛdo.’ ”

Edwɛkpa ne kɛmɔ Luku hɛlɛle la 14:35

Bɛfa bɛyɛ debie biala a ɔnyɛ boɛ; bɛgua ye lɔ. Yemɔti mɔɔ lɛ ɛnzonlɛ la ɛdie!”

Wulo 10:1

Me mediema, me kunlu a anrɛɛ bɛlie me menli ne kɔsɔɔti ngoane. Na ɛhye ati mefa me ahonle muala mesɛlɛ Nyamenle wɔ nwolɛ dahuu.

Wulo 11:14

amaa meawula me gɔnwo mɔ Dwuuma anyebolo, na ɔlua zo bɛalie bie mɔ ngoane.

2 Pit 3:9

Tɛ kɛ Awulae ɛngola ye ɛwɔkɛ mɔɔ yebɔ la azo di, kɛmɔ bɛ bie mɔ dwenle kɛ ɔde la, na yemɔ a le kɛ Awulae lɛ bɛ nwo abotane, ɔluakɛ ɔngulo kɛ bɛsɛkye awie biala. Ɔkpondɛ kɛ awie biala nu ɔ nwo na ɔtwe ɔ nwo ɔfi ye ɛtane ne mɔ anwo.