Edwɛkpa ne kɛmɔ Luku hɛlɛle la 13:34 - BAEBOLO ANZƐƐ BULUKU NWUANZANWUANZA

³⁴ “Gyɛlusalɛm, O Gyɛlusalɛm! Wɔhu Nyamenle kpɔmanvolɛma ne, wɔzi menli mɔɔ Nyamenle zoanle bɛ ɛ nwo la awolɛ! Fane dɔɔnwo yɛɛ mehulo kɛ anrɛɛ menwɔva me sa menwɔbɛla bɛmɛ Gyɛlusalɛmma kɛ akɔlɛ ɛdane fa ɔ mra fea ɔ ndɛba abo la; na bɛammaa me adenle.

Edwɛkpa ne kɛmɔ Luku hɛlɛle la 13:34 ပူးပေါင်းရင်းမြစ်များ

Nihɛmaya Buluku ne 9:26

“Wɔ menli ne dele ɛ nwo atua na bɛandie wɔ aneɛ, bɛhakyile bɛ nzi bɛzile wɔ mɛla ne. Bɛhunle Nyamenle kpɔmanvolɛma mɔɔ bɔle bɛ kɔkɔ, na bɛzele bɛ kɛ bɛzia bɛdoa wɔ la; bɛbɔle munzule kpole!

Nihɛmaya Buluku ne 9:30

Ɛbɔle bɛ kɔkɔ abotane nu ɛvolɛ biala, ɛluale wɔ Sunsum ne azo ɛmanle wɔ kpɔmanvolɛma dendɛle, na wɔ menli ne yɛle ateakpaso; yemɔti ɛmanle maanle maanle lile bɛ nwo zo konim.

Edwɛndolɛ Buluku ne 149:2

Bɛmaa Yizilayɛma ɛli fɛlɛko wɔ bɛ Bɔvolɛ ne ati; Zayɔnoma ɛli fɛlɛko wɔ bɛ Belemgbunli ne ati!

Edwɛndolɛ Buluku ne 17:8

Fa me sie kɛ ɛnyelɛ kuduarizi, fa me fea ɛ ndɛba abo

Edwɛndolɛ Buluku ne 36:7

O Nyamenle, wɔ ɛhulolɛ kpundii ne sonle bolɛ! Menli kɔsɔɔti nriandi fea ɛ ndɛba abo.

Edwɛndolɛ Buluku ne 57:1

Nwu me anwunvɔne, O Nyamenle, nwu me anwunvɔne, ɔluakɛ wɔ nuhua yɛɛ me ɛkɛla nriandi fea a; mebanriandi mearavea ɛ ndɛba abo, kɔkpula kɛ ahumu mgbole ne mɔ kɛgua la.

Edwɛndolɛ Buluku ne 81:13

O anrɛɛ me menli ne adie me, anrɛɛ Yizilayɛma alua me adenle ne anu!

Edwɛndolɛ Buluku ne 91:4

Ɔbava ɔ ndɛba yeaheda ɛ nwo zo, ɔ ndɛba abo yɛɛ ɛbavea a; ye nɔhalɛlilɛ ne le enyinlike nee nwowa.

Ayezaya Buluku ne 30:15

Awulae Nyamenle, Yizilayɛ Nwuanzanwuanza Ko ne se, “Saa bɛsia bɛ nzi bɛba me ɛkɛ bɛbadie bɛ ɛnwomenle a, bɛkɛlie bɛ. Saa bɛfa bɛ rɛle bɛwula me nu na bɛsie bɛ nwo diinyi a, bɛkɛnyia anwosesebɛ.” Noko bɛnrɛra!

Ayezaya Buluku ne 50:2

“Kɛmɔti ɛ, membale la ɛnee awie ɛnle ɛkɛ ɔ? Menvɛlɛle la, ɛnee awie ɛnle ɛkɛ mɔɔ die zo ɔ? Asoo me sa ɛyɛ ezinraa mɔɔ yemɔti mengola memkpɔne bɛ a? Anzɛɛ menlɛ tumi mɔɔ mefa medie bɛ ngoane ɔ? Bɛnlea, metendɛ a nyevile sesa; memaa azule ne mɔ kakyi ɛsɛlɛ, fɛlɛ mɔɔ wɔ nu la ɛnnyia nzule, nzuhɔne maa bɛwu na bɛbɔ.

Gyɛlɛmaya Buluku ne 2:30

Bɛ mra ne mɔ ɛmaa mevɛ mgbane; medea bɛ, noko bɛande folɛ. Bɛdabɛ a bɛhu bɛ Nyamenle kpɔmanvolɛma ne mɔ kɛ awenade mɔɔ asa ɛha nane la.

Gyɛlɛmaya Buluku ne 26:23

bɛhɔhyele Yulaya bɛrɛlɛle ye. Belemgbunli Gyɛhɔyakem manle bɛhunle ye na bɛvuandinle ye funli ne bɛdole maanle azie ne azo.)

Gyɛlɛmaya Buluku ne 35:14

Rilikabe ara nrenya Dwɔnadabe mɛla mɔɔ vale manle ɔ mra ne mɔ kɛ bɛmmano nza la, bɛli zolɛ toonwo a yeradwu ɛnɛ a. Ɔluakɛ bɛyɛ tieyɛ bɛmaa bɛ ze. Medame Ɛdɛnkɛma, medendɛ mehile bɛ toonwo, na bɛanva.

Gyɛlɛmaya Buluku ne 35:17

Ɔlua ɛhye ati, medame Tumivolɛ Ɛdɛnkɛma, Yizilayɛ Nyamenle ne, mese, mebamaa munzule biala mɔɔ meha kɛ memaa yeado Dwudama nee Gyɛlusalɛmma amuala la ado bɛ, ɔboalekɛ medendɛ mehile bɛ, na bɛandie, mevɛlɛ bɛ, na bɛanzulo.”

Gyɛlɛmaya Buluku ne 6:16

Ɛdɛnkɛma zele ye menli ne kɛ, “Bɛgyinlegyinla ndenle ne mɔ azo na bɛnlea. Bɛbizebiza mɔmoane ndenle ne mɔ, ɛleka mɔɔ adenle kpalɛ kpalɛ ne la la. Bɛlua nuhua na bɛkɛnyia anzonudwolɛ.” Na bɛbuale kɛ, “Kyɛkyɛ, yɛnrɛlua nuhua fee.”

Gyɛlɛmaya Awolɛyelɛ 1:16

“Ɛhye mɔ ati a melɛsu, monle ɛbia me takaa la; ɔluakɛ menlɛ awie mɔɔ kyekye me rɛle a, awie bɔbɔ mɔɔ si me ahonle la; me menli ne ɛdɔ agyie, ɔluakɛ kpɔvolɛma ɛva me aze.

Gyɛlɛmaya Awolɛyelɛ 4:13

Nyamenle kpɔmanvolɛma ɛtane ne mɔ, nee sɛlɛvolɛma ninyɛndane mɔɔ bɛyɛle, kɛ bɛhanle tenlenema mogya bɛguale la ati yɛɛ ɛhye mɔ zile a.

Hozia Buluku ne 11:2

Na fane dɔɔnwo mɔɔ menvɛlɛle ye la, fane dɔɔnwo ɔhwenle ɔ nwo ɔvile me nwo. Me menli ne bɔle azu manle awozonle Beeyale ne mɔ na bɛkpunle ɛyɛlɛ bɛmanle mmonle.

Hozia Buluku ne 11:7

Me menli ne gyi zolɛ ɛsesebɛ kɛ bɛte bɛ nwo bɛavi me nwo. Yemɔti bɛva kpomgbolo bɛgua bɛ kɔme, na bɛnrɛnyia awie ɛnrɛye ɛnrɛmaa bɛ.

Dwowɛle Buluku ne 2:23

“Bɛli fɛlɛko, O Zayɔnoma, na bɛmaa bɛ nye ɛlie Ɛdɛnkɛma bɛ Nyamenle ne anwo, ɔluakɛ yemaa ezule ɛdɔ ndɛ ɛbua bɛ benle, yemaa ezule ɛdɔ, nzule ɛbu bɛ nwo zo, alumua nee amozi ezule ɛdɔ kɛ dɛba ne ala la.

Zɛkalaya Buluku ne 1:4

Bɛmmayɛ kɛ bɛ ze mɔ, mɔɔ alumua Nyamenle kpɔmanvolɛma ne mɔ bɔle Tumivolɛ Ɛdɛnkɛma nrɛlaleɛ ne nolo hilele bɛ kɛ, ‘Bɛzia bɛ nzi bɛvi bɛ ninyɛndane nwo’ a bɛandie yɛɛ bɛanyɛ la.

Edwɛkpa ne kɛmɔ Mateyu hɛlɛle la 22:3

Ɔzoanle ye sonvolɛma kɛ bɛhɔvɛlɛvɛlɛ bɛdabɛ mɔɔ ɔdole ɛsalɛ ɔvɛlɛle bɛ la kɛ bɛrɛla atɔfolɛlielɛ ne abo, na bɛamba.

Edwɛkpa ne kɛmɔ Mateyu hɛlɛle la 22:6

bɛdabɛ mɔɔ bɛhale la, bɛhyele sonvolɛma ne mɔ bɛzale bɛ na bɛhunle bɛ.

Edwɛkpa ne kɛmɔ Luku hɛlɛle la 15:28

“Ralɛ nrenya kpanyinli ne vale ɛya kpole, yemɔti yeangulo kɛ ɔkɛwolo awuke ne anu. Zɔhane ati ɔ ze vindele rabodole ye kɛ ɔrɛla sua nu.

Edwɛkpa ne kɛmɔ Luku hɛlɛle la 19:44

Bɛbagologolo wɔ bɛagua na bɛazɛkye menli mɔɔ wɔ zolɛ la amuala; bɛnrɛgyakyi bolɛ ko bɔbɔ wɔ ɔ bo zo ne, ɔboalekɛ wɔannwu mekɛ ne mɔɔ Nyamenle rale kɛ ɔbalie wɔ ngoane la.”

Edwɛkpa ne kɛmɔ Luku hɛlɛle la 23:28

Na Gyisɛse hakyile ɔ nye wɔ bɛ nwo na ɔzele bɛ kɛ, “Gyɛlusalɛm mraalɛ! Bɛmmasu me, bɛzu bɛ nwo nee bɛ mra.

Ɛzoanvolɛma Gyima ne 7:52

Nyamenle kpɔmanvolɛ ko bɔbɔ ɛnle ɛkɛ mɔɔ bɛ mgbanyima andwazo ɔ nwo zo a. Bɛhunle menli mɔɔ Nyamenle zoanle bɛ kɛ bɛrabɔ ye Sonvolɛ Nwuanzanwuanza ne anwo nolo la amuala, na eza bɛye ɔdaye mumua ne bɛmaa bɛhu ye.

Ɛzoanvolɛma Gyima ne 7:59

Mɔɔ bɛlɛsi Sitivin awolɛ la ɛnee ɔ ne la nu ɔlɛtea ɔfɛlɛ Awulae kɛ, “Awulae Gyisɛse, die me ɛkɛla!”

Ɛzoanvolɛma Gyima ne 8:1

Na Sɔɔlo liele ye ɛhunlɛ ne dole nu. Ɔvi kenle ko ne ala bɛbɔle ɔ bo kɛ bɛyɛ diedima mɔɔ wɔ Gyɛlusalɛm la kpɔdekpɔde. Yemɔti diedima ne amuala zandele; bie mɔ hɔle Dwudiya nee Samɛlea maanzinli ne mɔ anu, na ɔhale ɛzoanvolɛma ne ala.

Mɛla 32:29

Saa bɛze nrɛlɛbɛ a anrɛɛ bɛkɛde ɛhye abo, anrɛɛ bɛbanwu mɔɔ nzinlii bazi bɛ nwo zo la.

Mɛla 5:29

Anrɛɛ bɛanyia adwenle mɔɔ le zɛhae la dahuu, kɛ bɛkɛzulo me na bɛkɛli me mɛla ne mɔ azo, amaa yeayɛ boɛ yeamaa bɛ nee bɛ mra dahuu.

Yekile 11:8

na bɛ avunli baha suakpole ne mɔɔ bɛbɔle bɛ Awulae ne meanubaka nu wɔ zolɛ la guabile ne azo. Suakpole zɔhane duma, bɛbavɛlɛ ye kɛ, sɛbe, Sodɔm anzɛɛ Yigyibiti.

Wulu 2:12

Ɛdɛnkɛma ɛyila wɔ wɔ mɔɔ wɔyɛ la anwo; Ɛdɛnkɛma ɛlo wɔ molozo na Yizilayɛ Nyamenle ne mɔɔ wɔravea ɔ ndɛba abo la ɛva wɔ ɛzie boɛ.”