Edwɛkpa ne kɛmɔ Luku hɛlɛle la 13:27 - BAEBOLO ANZƐƐ BULUKU NWUANZANWUANZA

²⁷ Na ɔbaze bɛ bieko kɛ, ‘Menze ɛleka mɔɔ bɛvi a. Bɛvi ɛkɛ ne bɛhɔ, amumuyɛma!’

Edwɛkpa ne kɛmɔ Luku hɛlɛle la 13:27 ပူးပေါင်းရင်းမြစ်များ

Edwɛndolɛ Buluku ne 1:6

Ɛdɛnkɛma ze pɛlepɛlelilɛnli adenle; amumuyɛnli adenle fa ye kɔ munzule nu.

Edwɛndolɛ Buluku ne 101:8

Alehyenlɛ biala mebazɛkye amumuyɛma mɔɔ wɔ azɛlɛ ne azo la; mebavoa amumuyɛma kɔsɔɔti meaye bɛ meavi Ɛdɛnkɛma suakpole ne azo.

Edwɛndolɛ Buluku ne 119:115

Bɛmɛ ɛtaneyɛlɛma, bɛhwe bɛ nwo bɛvi me nwo ɛke, amaa meali me Nyamenle ne mɛla ne mɔ azo.

Edwɛndolɛ Buluku ne 125:5

Na bɛdabɛ mɔɔ bɛkakyi bɛ nwo bɛyɛ ninyɛndane la Ɛdɛnkɛma badea bɛ nee amumuyɛma amuala. Anzonudwolɛ ɛha Yizilayɛma.

Edwɛndolɛ Buluku ne 28:3

Mmafa me ɛfonla amumuyɛma ne, bɛdabɛ mɔɔ bɛbɔ nindavo ɛbɛla, mɔɔ bɛka anzonudwolɛ nwo edwɛkɛ bɛkile bɛ gɔnwo mɔ, noko adalɛ ngome ɛyi bɛ ahonle nu la.

Edwɛndolɛ Buluku ne 5:6

Ɛsɛkye bɛdabɛ mɔɔ bɛbɔ adalɛ la; Ɛdɛnkɛma kyi adalɛma nee ahɔdiawu.

Edwɛndolɛ Buluku ne 6:8

Amumuyɛma, bɛvi me nwo ɛke bɛhɔ! Ɔluakɛ Ɛdɛnkɛma ɛde me ɛzunlɛ.

Hozia Buluku ne 9:12

Saa bɛwo mralɛ bɔbɔ a, mebahu bɛ kɔsɔɔti; menrɛgyakyi ko bɔbɔ. Saa mefi bɛ avinli meye me nwo a, munzule baha bɛ!”

Edwɛkpa ne kɛmɔ Mateyu hɛlɛle la 25:12

Na atɔfolɛ nrenya ne zele bɛ kɛ, ‘Kyɛkyɛ! Nɔhalɛ, meka meahile bɛ, menze bɛ.’ ”

Edwɛkpa ne kɛmɔ Mateyu hɛlɛle la 25:41

“Akee mebaze bɛdabɛ mɔɔ bɛwɔ me sa bɛne zo la kɛ, ‘Bɛvi me nwo ɛke bɛhɔ, munzule menli! Bɛhɔ senle ne mɔɔ ɛnnu ɛlɛ, mɔɔ ɔvi ewiade abobɔlɛ bɛhua bɛmaa Abɔnsam nee ye soanvolɛma la anu!

Edwɛkpa ne kɛmɔ Luku hɛlɛle la 13:25

Sua menle ne badwazo ado anlenkɛ ne anu, na saa bɛka alie nwo na bɛbɔ anlenkɛ ne anu bɛse kɛ, ‘Yɛmenle, tukue yɛ anlenkɛ ne!’ a, ɔkɛbua bɛ kɛ, ‘Menze ɛleka mɔɔ bɛvi a!’

1 Kɔl 8:3

Awie mɔɔ kulo Nyamenle la, Nyamenle ze ye.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 4:9

Kɛkala mɔɔ bɛnwu Nyamenle la anzɛɛ bɛmaa menga kɛ, kɛkala mɔɔ Nyamenle ɛkpondɛ bɛ bo zo la, duzu ati a eza bɛkulo kɛ bɛsia bɛkɔsonle sunsum ɛtane ɛtane, anwo anwunvɔne ɛhye mɔ bieko ɛ? Duzu ati a eza bɛkulo kɛ bɛsia bɛyɛ bɛ nwo ngɛkɛlɛ bɛmaa bɛ ɛ?

2 Tem 2:19

Noko adiabo ne mɔɔ Nyamenle ɛwula la gyi kpundii, na bɛhɛlɛ nwolɛ kɛ, “Awulae ze bɛdabɛ mɔɔ bɛle ye ɛdeɛ la,” yɛɛ “Ɔwɔ kɛ awie biala mɔɔ bɔ Awulae duma kɛ ɔle Awulae la twe ɔ nwo fi ɛtane nwo.”