Edwɛkpa ne kɛmɔ Luku hɛlɛle la 13:19 - BAEBOLO ANZƐƐ BULUKU NWUANZANWUANZA

¹⁹ Ɔle kɛ mɛsetade baka ma nretee bie mɔɔ awie vale luale ye tola nu la; ɔfifile, ɔnyinle ɔyɛle baka, na nloma yɛle bɛ sane wɔ ye ngane ne mɔ anu.”

Edwɛkpa ne kɛmɔ Luku hɛlɛle la 13:19 ပူးပေါင်းရင်းမြစ်များ

Sɔlɔmɔn Edwɛne 4:12

Me diema raalɛ, me atɔfolɛ ne le tola mɔɔ apipi la ɔ nloa, nzufeanvea mɔɔ bɛdo nuhua.

Sɔlɔmɔn Edwɛne 4:16

Dwazo! O Sɔlɔ Anwoma, O Nyiakɛ Anwoma, bɔ bɛla! Bɔ me tola ye anu maa nuhua evuanlɛ ne ɛdwu moa. Maa me kulovolɛ ne ɛrɛla ye tola ye anu, ɛrali nuhua ma fɛlɛko ne mɔ.

Sɔlɔmɔn Edwɛne 6:2

Me kulovolɛ ne ɛhɔ ye tola nu lɔ, kofie ne mɔ mɔɔ mbaka evuanlɛ ne mɔ wɔ zo la, kɛ ɔkamaa ye nyɛmoa adidi tola ne anu, na yeatete aloa.

Sɔlɔmɔn Edwɛne 8:13

O wɔmɔ mɔɔ ɛwɔ tola ne anu, me gɔnwo mɔ ɛlɛkendɛ adie ɛ ne; maa mende ɛ ne.

Ayezaya Buluku ne 53:1

Nwane a ɛlie mɔɔ yɛde la ɛli a? Nwane a bɛye Ɛdɛnkɛma tumi ne bɛhile ye a?

Ayezaya Buluku ne 53:10

Ɛdɛnkɛma se, “Noko ɔle me ɛhulolɛ kɛ bɛkɛbodɛboda ye, na ɔkɛnwu amaneɛ dɔɔnwo; na ɔkɛva ɔ nwo ɔkɛbɔ azu ɔkɛmaa ɛtane. Ɔbanyi yeahyɛ na yeanwu ɔ bo zo amra, na ɔlua ɔ nwo zo Ɛdɛnkɛma ɛhulolɛ ne ali munli.

Ayezaya Buluku ne 58:11

Na akee medame Ɛdɛnkɛma, mebazinza bɛ dahuu na meamaa bɛ ninyɛne kpalɛ meamaa bɛ kunlu adwo, na bɛ mbowule nu ayɛ se. Bɛbayɛ kɛ tola mɔɔ nzule dɔɔnwo wɔ nu, kɛ nzubula mɔɔ nuhua nzule ɛnsesa ɛlɛ la.

Ayezaya Buluku ne 61:11

Ɔluakɛ kɛ azɛlɛ ye azo si fifi ndile, Na tola nu ninyɛne si fifi la, Zɔhane ala yɛɛ Awulae Nyamenle Bamaa tenleneyɛlɛ nee ayɛlɛyelɛ afifi Maanle maanle ne mɔ amuala anu a.

Ayezaya Buluku ne 9:7

Ye maanlebulɛ ne bahɔ zo melɛ mɔɔ ɛnlɛ awieleɛ; ye maanlema anzo nu badwo bɛ dahuu. Ɔbali ye ebia ne kɛ yeli Belemgbunli Devidi agya, yeava nɔhalɛlilɛ nee pɛlepɛlelilɛ yeabu ye maanle ne, ɔvi ɛnɛ mɔɔ kɔ nee mekɛ mɔɔ ɛnlɛ awieleɛ. Tumivolɛ Ɛdɛnkɛma ɛbɔ kpɔkɛ kɛ ɔbayɛ ɛhye.

Gyɛlɛmaya Buluku ne 31:12

Bɛbara bɛarado edwɛne anyelielɛ nu wɔ Zayɔn Boka, bɛ nye balie Ɛdɛnkɛma ahunlunyele ne anwo, bɛ nye balie abɛlɛ, nwanye nee nwole, yɛɛ mboane mralɛ nee nlankɛ mralɛ ne mɔ anwo. Bɛ ɛbɛlabɔlɛ bayɛ kɛ tola nu ninyɛne mɔɔ bɛgugua zolɛ nzule la, bɛ nwo ɛnrɛhyele bɛ bieko.

Yizikeɛle Buluku ne 31:6

Anwomanyunlu nloma kɔsɔɔti yɛ bɛ sane wɔ ye ngane ne mɔ anu; kpɔkɛ nu nane kɔsɔɔti wo bɛ mra wɔ ye ngane ne mɔ abo; maanle maanle tɛnla bɛ alubo nu.

Daneɛle Buluku ne 4:12

Ye nya le kpukpotoloo yɛɛ ye ma zonle dɔɔnwo mɔɔ debie biala nyia bie di a. Ɛbɔ nu nane bada ye alubo ne anu yɛɛ nloma da ye ngane ne mɔ anu; nane nee menli kpokpoti di ye ma ne bie.

Daneɛle Buluku ne 4:21

ye ma le dɔɔnwo, na ɛbɔ nu nane bafea ye alubo nu, yɛɛ nloma banwo bɛ sane wɔ ye ngane ne mɔ anu, yɛɛ nane nee menli kɔsɔɔti di ye ma ne bie la, yemɔ a le ɛdawɔ.

Zɛkalaya Buluku ne 2:11

Mekɛ ne anu maanle maanle dɔɔnwo bava bɛ nwo amaa Ɛdɛnkɛma, na bɛayɛ ye menli. Ɛdɛnkɛma badɛnla bɛ avinli na bɛanwu kɛ Tumivolɛ Ɛdɛnkɛma a ɛzoa me a.

Edwɛkpa ne kɛmɔ Mateyu hɛlɛle la 17:20

Gyisɛse buale bɛ kɛ, “Ɔluakɛ bɛ diedi le ekyi la ati ɔ. Nɔhalɛ, meka meahile bɛ kɛ, saa bɛ diedi ne kpole le kɛ ‘mɛsetade’ ma kunlu ma ekyi bie bɔbɔ a, anrɛɛ bɛbahola bɛaze boka ɛhye kɛ, ‘Tudu kɔ nehane!’ na ɔkɛhɔ; eza debie biala ɛyɛlɛ ɛnrɛyɛ se ɛnrɛmaa bɛ. [

Edwɛkpa ne kɛmɔ Maake hɛlɛle la 4:30

Akee Gyisɛse bizale bɛ kɛ, “Duzu a yɛva yɛdo Nyamenle Belemgbunlililɛ ne anwo a? Duzu ɛrɛlɛ a yɛva yɛhile nu a?

Edwɛkpa ne kɛmɔ Luku hɛlɛle la 17:6

Awulae buale bɛ kɛ, “Saa bɛlɛ diedi mɔɔ ye kpole le kɛ ‘mɛsetade’ baka ma ekyi bie bɔbɔ la a, anrɛɛ bɛkɛhola bɛkɛha bɛkɛhile baka kpole ɛhye mɔɔ bɛfɛlɛ ye ‘sekamɔ’ la kɛ, ‘Tu kɔgyinla nyevile nu lɔ’ a, ɔkɛyɛ zɔhane.”

Ɛzoanvolɛma Gyima ne 2:41

Bie mɔ dɔɔnwo liele lile na bɛmanle bɛzɔnenle bɛ. Na kenle ko ne menli kɛyɛ apenle nsa rabokale ekpunli ne anwo.

Ɛzoanvolɛma Gyima ne 21:20

Mɔɔ bɛdiele ye bɛwiele la, bɛyɛle Nyamenle mo na bɛzele Pɔɔlo kɛ, “Adiema Pɔɔlo, tie yɛ ɛ! Yɛlɛ Dwuuma apenle apenle mɔɔ ɛlie Edwɛkpa ne ɛli, noko bɛli Mosisi mɛla ne anzi kpalɛ kpalɛ a.

Ɛzoanvolɛma Gyima ne 4:4

Na bɛdabɛ mɔɔ bɛdele edwɛkɛ ne la anu dɔɔnwo liele lile na bɛkɛyɛ mrenya apenle nnu.

Wulo 15:19

ye nwanwane gyima mɔɔ ɔyɛle, nee mɔɔ ɔvale Nyamenle Sunsum ne tumi ɔyɛle la. Yemɔti wɔ me adendulɛ nu, ɔvi Gyɛlusalɛm mɔɔ badwu Yelelekɛm, meha na meva Kelaese anwo Edwɛkpa ne amuala medo gua.

Yekile 11:15

Akee Nyamenle soanvolɛ ne mɔɔ tɔ zolɛ nsuu la bɔle ye aweɛne tendenle ne anu. Na ɛnelɛ mgbole dɔɔnwo bie vi anwuma hanle kɛ, “Azɛlɛ ye azo tumi muala ɛyɛ Awulae nee yɛ Mɛzaya ne ɛdeɛ; ɔbali belemgbunli ɛvolɛ mɔɔ ɛnlɛ awieleɛ!”