Edwɛkpa ne kɛmɔ Luku hɛlɛle la 13:13 - BAEBOLO ANZƐƐ BULUKU NWUANZANWUANZA

¹³ Akee ɔvale ɔ sa ɔguale raalɛ ne anwo zo, na ɛkɛ ne ala ɔdenrɛle ɔ nwo fɔɔnwo na ɔyele Nyamenle ayɛlɛ.

Edwɛkpa ne kɛmɔ Luku hɛlɛle la 13:13 ပူးပေါင်းရင်းမြစ်များ

Edwɛkpa ne kɛmɔ Mateyu hɛlɛle la 9:8

Menli ne mɔ nwunle ye zɛhae la, ɛzulolɛ hanle bɛ, na bɛyele Nyamenle ayɛlɛ kɛ yeva tumi mɔɔ le zɛhae la yemaa sonla a.

Edwɛkpa ne kɛmɔ Maake hɛlɛle la 16:18

saa bɛsɔ nwɔlɛ nu anzɛɛ bɛno pɔezen a, debie biala ɛnrɛyɛ bɛ. Bɛbava bɛ sa bɛagua wuleravolɛma anwo zo, na bɛ nwo baza.”

Edwɛkpa ne kɛmɔ Maake hɛlɛle la 5:23

na ɔbodole ye kɛ, “Me ra raalɛ ekyi ne ɛlɛdie ewule awu. Mebodo wɔ, bɛla bava ɛ sa to ɔ nwo zo maa ɔde kpɔkɛ na ɔnyia ngoane.”

Edwɛkpa ne kɛmɔ Maake hɛlɛle la 6:5

Yeangola yeanyɛ nwanwane debie wɔ ɛkɛ ne kɛ ɔ sa mɔɔ ɔvale ɔguale wuleravolɛma ekyi bie anwo zo ɔyɛle bɛ ayile la ala.

Edwɛkpa ne kɛmɔ Maake hɛlɛle la 8:25

Gyisɛse eza vale ɔ sa hanle nrenya ne anye na zolɛ dele kpalɛ na ɔnwunle debie bɔkɔɔ.

Edwɛkpa ne kɛmɔ Luku hɛlɛle la 13:12

Mɔɔ Gyisɛse nwunle ye la, ɔvɛlɛle ye na ɔzele ye kɛ, “Ɔmɔ, bɛye wɔ bɛvi wɔ anwonyane ne anu!”

Edwɛkpa ne kɛmɔ Luku hɛlɛle la 18:43

Na ɛkɛ ne ala ɔnwunle debie, na ɔdoale Gyisɛse ɔyele Nyamenle ayɛlɛ. Mɔɔ menli dɔɔnwo ne nwunle ɛhye la, bɛ muala bɛyele Nyamenle ayɛlɛ.

Edwɛkpa ne kɛmɔ Luku hɛlɛle la 4:40

Mɔɔ sɛnzɛne ne ɛlɛkɔ ahɔdɔ la, bɛdabɛ mɔɔ bɛlɛ agɔnwolɛma mɔɔ ewule ngakyile ɛha bɛ la vale bɛ rɛlɛle Gyisɛse, na ɔvale ɔ sa ɔguguale bɛ nwo zo ngoko ngoko, ɔyɛle bɛ muala ayile ɔmanle bɛ nwo zale.

Ɛzoanvolɛma Gyima ne 9:17

Yemɔti Ananayase hɔle sua nu ɛkɛ, ɔvale ɔ sa ɔguale Sɔɔlo ati zo na ɔzele ye kɛ, “Adiema Sɔɔlo, Awulae Gyisɛse, mɔɔ ɛlua adenle zo ɛlɛba ɛke mɔɔ ɔyele ɔ nwo ɔhilele wɔ la ɛzoa me ɛ nwo ɛke, amaa wɔanwu debie bieko na Sunsum Nwuanzanwuanza ne ara ɛ nwo zo.”