Edwɛkpa ne kɛmɔ Luku hɛlɛle la 12:7 - BAEBOLO ANZƐƐ BULUKU NWUANZANWUANZA

⁷ Na bɛmɛ, bɛ ti enrinli bɔbɔ bɛdia ɔ muala. Yemɔti bɛmmasulo, ɔluakɛ bɛmɛ, bɛsonle bolɛ kpole bɛtɛla nyamenleakatiba kpolane!

Edwɛkpa ne kɛmɔ Luku hɛlɛle la 12:7 ပူးပေါင်းရင်းမြစ်များ

2 Sam 14:11

Raalɛ ne hanle kɛ, “Nana, ka Ɛdɛnkɛma wɔ Nyamenle ne kɛ menli mɔɔ di mogya nzenralɛ la ɛnrɛha mogya ɛnrɛgua bieko, amaa me ra ne anyia ɔ ti.” Belemgbunli ne hanle kɛ, “Meka tete Ɛdɛnkɛma kɛ, ɛ ra nrenya ne ati enrinli ko bɔbɔ ɛnrɛde ɛnrɛdɔ aze.”

Edwɛndolɛ Buluku ne 8:6

Wɔmaa ye tumi wɔ ɛ sa anloa gyima kɔsɔɔti azo; wɔva debie biala wɔwula ye tumi bo,

Edwɛkpa ne kɛmɔ Mateyu hɛlɛle la 12:12

Sonla noko sonle bolɛ tɛla nane! Yemɔti yɛ mɛla ne ɛndua kɛ yɛmmaboa awie wɔ Ɛnwomenlelielɛ Kenle.”

Edwɛkpa ne kɛmɔ Mateyu hɛlɛle la 6:26

Bɛnlea nloma mɔɔ luolua anwomanyunlu la. Bɛnlua, bɛmbu, yɛɛ bɛnlɛ bonwolo; Selɛ ne mɔɔ wɔ anwuma la a yɛne bɛ a. Na asoo bɛ nwo ɛngyia ɛndɛla nloma?

Edwɛkpa ne kɛmɔ Luku hɛlɛle la 21:18

Na bɛ ti enrinli ko bɔbɔ ɛnrɛminli.

Ɛzoanvolɛma Gyima ne 27:34

Yemɔti mesɛlɛ bɛ, bɛli debie ekyi bɛmaa bɛ nwo ɛgyinla bɛ, na bɛ biala ati enrinli ko bɔbɔ ɛnrɛminli.”

1 Sam 14:45

Na menli ne zele Sɔɔlo kɛ, “Ɛmaa bɛahu Dwɔnatan mɔɔ ɛli konim kpole ɛhye ɛmaa Yizilayɛma la ɔ? Nyamenle ɛkpa ɛgua. Yɛka tease Ɛdɛnkɛma kɛ, ɔ ti enrinli ko bɔbɔ ɛnrɛde ɛnrɛdɔ aze ɛlɛ. Mɔɔ ɔyɛle ɛnɛ la, Nyamenle ɔ.” Yemɔti menli ne liele Dwɔnatan ngoane.