Edwɛkpa ne kɛmɔ Luku hɛlɛle la 12:32 - BAEBOLO ANZƐƐ BULUKU NWUANZANWUANZA

³² “Me mboane ekpunli ekyi, bɛmmasulo, ɔluakɛ bɛ Ze mɔɔ wɔ anwuma la kulo kɛ bɛnyia Belemgbunlililɛ ne.

Edwɛkpa ne kɛmɔ Luku hɛlɛle la 12:32 ပူးပေါင်းရင်းမြစ်များ

Ayezaya Buluku ne 40:11

Ɔbanlea ye menli ne boɛ kɛ mboaneneavolɛ yɛne nyɛmoa, ɔbaboɔboa mboane mralɛ ne anloa yeadedɛ bɛ ɔ sa zo. Ɔbavia bɛ ɔ kɛnra azo, na yeali mɔɔ lɛ mralɛ la anyunlu bɛtɛɛ.

Ayezaya Buluku ne 41:14

Ɛdɛnkɛma se, “Gyekɔbo abo zo amra, Yizilayɛma, mɔɔ bɛ anwosesebɛ le kɛ sone a, bɛmmasulo! Mebaboa bɛ, bɛ Kpɔnevolɛ a le Yizilayɛ Nwuanzanwuanza Ko ne.

Ayezaya Buluku ne 53:6

Yɛ muala yɛminli kɛ mboane la; yɛ nuhua biala ɔdaye yeva ye adenle ɛdeɛ zo; Ɛdɛnkɛma ɛva yɛ ɛtane ne mɔ amuala ɛgua ɔ nwo zo.

Gyɛlɛmaya Buluku ne 3:19

Ɛdɛnkɛma se, “Yizilayɛ, mendwenlenle kɛ mefa wɔ meaboka me mra ne mɔ anwo, na meamaa wɔ azɛlɛ mɔɔ le anyelielɛ, azɛlɛ kɛnlɛma mɔɔ tɛla ewiade ye azɛlɛ biala. Ɛnee medwenle kɛ ɛkɛvɛlɛ me ‘Egya’, na ɛnrɛhakyi ɛ nzi ɛnrɛzi me bieko.

Edwɛkpa ne kɛmɔ Mateyu hɛlɛle la 14:27

Na ɛkɛ ne ala Gyisɛse zele bɛ kɛ, “Bɛmmasulo, bɛha bɛ ahonle bɛdo azule nu na medame ɔ.”

Edwɛkpa ne kɛmɔ Mateyu hɛlɛle la 20:16

Na Gyisɛse dwulale ye edwɛkɛ ne zɛhae, “Yemɔti amozi amra balumua, na alumuama ali amozi.”

Edwɛkpa ne kɛmɔ Mateyu hɛlɛle la 25:34

Na akee meaze menli mɔɔ wɔ me sa fema zo la kɛ, ‘Bɛmɛ mɔɔ Egya ɛyila bɛ a, bɛrɛla! Bɛ nee me ɛrali belemgbunli. Egya hyehyɛle manle bɛ kolaa na bɛabɔ ewiade ye.

Edwɛkpa ne kɛmɔ Mateyu hɛlɛle la 7:15

“Bɛnlea bɛ nwo boɛ wɔ Nyamenle kpɔmanvolɛma alanema anwo; bɛle menli bie mɔɔ bɛyɛ bɛ nwo kɛ asɛɛ bɛnze nwolɛ bie, noko bɛ kunlu le bile.

Edwɛkpa ne kɛmɔ Luku hɛlɛle la 10:21

Mekɛ ne anu Sunsum Nwuanzanwuanza ne manle fɛlɛko yile Gyisɛse ahonle nu tɛkɛɛ na ɔhanle kɛ, “Egya, anwuma nee aze Awulae, meyɛ wɔ mo kɛ ninyɛne ɛhye mɔ mɔɔ wɔva wɔvea nrɛlɛbɛvolɛma nee nwomama la wɔye wɔhile menli mɔɔ ɛnze nwolɛ bie la. Ɛhɛe, Egya, ɛnee kɛ ɛkpondɛ kɛ ɔba ye la ɛne.

Dw 18:36

Gyisɛse buale ye kɛ, “Me belemgbunlililɛ ne ɛnle ewiade ɛhye anu; saa me belemgbunlililɛ ne wɔ ewiade ye anu a, anrɛɛ me ɛlɔnema kɛho kɛmaa me na bɛnrɛmaa bɛnrɛva me bɛnrɛmaa Dwuu mgbanyima ne mɔ. Kyɛkyɛ, me belemgbunlililɛ ne ɛnle ɛke.”

Ɛzoanvolɛma Gyima ne 20:28

Bɛnlea bɛ nwo boɛ na bɛnlea mboane ne mɔ mɔɔ Sunsum Nwuanzanwuanza ne ɛva bɛ ɛwula bɛ sa nu la boɛ. Bɛnlea Nyamenle asɔne ne mɔɔ yeva ɔ Ra ne mogya a yekpondɛ la azo boɛ.

Ɛzoanvolɛma Gyima ne 20:29

Meze kɛ saa mekɔ a, bɛdi anwo ɛzulolɛ baragua mboane ne mɔ avinli, na bɛnrɛze bɛ anwunvɔne fee.

Wulo 6:23

Ɔluakɛ ɛtane ahatualɛ a le ewule, na Nyamenle ahyɛlɛdeɛ ne mɔɔ ɔfa ɔmaa mgbane la a le ngoane mɔɔ ɛnlɛ awieleɛ wɔ yɛ Awulae Kelaese Gyisɛse ati.

1 Kɔl 1:21

Ɔluakɛ Nyamenle luale ye nrɛlɛbɛ zo zile menli adenle, yeammaa bɛanlua bɛdabɛ bɛ nrɛlɛbɛ zo bɛannwu ye. Mɔɔ ɔyɛle la a le kɛ, Nyamenle luale mɔɔ bɛmɛ bɛse ɔle “koasea” edwɛkɛ yɛɛ yɛlɛbɔ ye nolo la azo bɔle kpɔkɛ kɛ ɔdie bɛdabɛ mɔɔ bɛdie bɛdi la ngoane.

Pɔɔlo Kɛlata mɔɔ ɔhɛlɛle ɔhɔmanle Felepaema la 2:13

ɔluakɛ Nyamenle ɛlɛdi gyima wɔ bɛ nu dahuu, amaa bɛanyia ɛhulolɛ na bɛahola bɛayɛ mɔɔ ɔkpondɛ la.

2 Tɛs 1:11

Ɛhye ati dahuu yɛsɛlɛ yɛmaa bɛ, yɛbiza yɛ Nyamenle ne kɛ ɔmaa bɛ nwo ɛfɛta ye ɛvɛlɛlɛ ne. Yɛsɛlɛ kɛ ɔlua ye tumi ne azo ɔmaa bɛhola bɛyɛ kpalɛ biala mɔɔ bɛkpondɛ kɛ bɛyɛ la na ɔmaa bɛ diedi nu gyima muala ɛli munli,

2 Tɛs 1:5

Ɛhye mɔ amuala kile kɛ Nyamenle ndɛnebualɛ ne le fɔɔnwo, amaa bɛafɛta Nyamenle Belemgbunlililɛ ne, mɔɔ yemɔti bɛlɛnwu amaneɛ la.

Kɛlata mɔɔ bɛhɛlɛle bɛhɔmanle Hibuluma la 12:28

Zɔhane ati, bɛmaa yɛyɛ Nyamenle mo kɛ yemaa yɛ belemgbunlililɛ kpalɛ mɔɔ abo ɛmkpusu ɛlɛ, na yɛva ɛzulolɛ, enililɛ yɛɛ moyɛlɛ yɛzonle ye yɛmaa ɔzɔ ɔ nye,

Gyemise Kɛlata ne 2:5

Me mediema kulovolɛma, bɛdie! Bɛdabɛ mɔɔ bɛle ehyianvolɛma wɔ aleɛabo la, bɛmɛ a Nyamenle ɛkpa nu ɛye bɛ, ɛyɛ bɛ diedi nu sukoavolɛma na bɛnyia Nyamenle belemgbunlililɛ ne, mɔɔ yeva yebɔ ɛwɔkɛ yemaa bɛdabɛ mɔɔ bɛkulo ye la a.

2 Pit 1:11

Zɛhae nyɛleɛ zo ala yɛɛ bɛlua a bɛkɛnyia yɛ Awulae nee Dievolɛ Gyisɛse Kelaese belemgbunlililɛ ne mɔɔ ɛmbɔ aze ɛlɛ la a.

Yekile 1:6

na yeyɛ yɛ arelemgbunli nee sɛlɛvolɛma kɛ yɛzonle ye Nyamenle Selɛ ne. Anyunlunyia nee tumi ɛyɛ ye ɛdeɛ dahuu! Amen.

Yekile 22:5

Aleɛ ɛndwo ko wɔ ɛkɛ, yɛɛ bɛngyia kɛnlaneɛ anzɛɛ ewia nwo wɔ ɛkɛ, ɔluakɛ Awulae Nyamenle ne a le bɛ kɛnlaneɛ a, na bɛbali belemgbunli mekɛ mɔɔ ɛnlɛ awieleɛ.