Edwɛkpa ne kɛmɔ Luku hɛlɛle la 12:22 - BAEBOLO ANZƐƐ BULUKU NWUANZANWUANZA

²² Akee Gyisɛse zele ye ɛdoavolɛma ne kɛ, “Ɛhye ati meka meahile bɛ, bɛmmadwenle aleɛ mɔɔ bɛdi bɛanyia ngoane anzɛɛ ɛdanlɛ mɔɔ bɛkɛheda la anwo.

Edwɛkpa ne kɛmɔ Luku hɛlɛle la 12:22 ပူးပေါင်းရင်းမြစ်များ

Edwɛkpa ne kɛmɔ Luku hɛlɛle la 12:11

“Saa bɛfa bɛ bɛkɔ kɛ bɛkali bɛ edwɛkɛ wɔ nyianu azua ne mɔ anu anzɛɛ amɛnladoma nee arelemgbunli nyunlu a, bɛmmadwenle mɔɔ bɛbaha anzɛɛ kɛ ɔkɛyɛ na bɛalie bɛ nwo la anwo.

Edwɛkpa ne kɛmɔ Luku hɛlɛle la 12:23

Ngoane hyia kpole kpalɛ tɛla aleɛ, yɛɛ sonlabaka hyia kpole kpalɛ tɛla ndanlɛ.

Edwɛkpa ne kɛmɔ Luku hɛlɛle la 12:29

“Yemɔti bɛmmamaa bɛ adwenle sɛkye wɔ mɔɔ bɛkɛli nee mɔɔ bɛkɛnlo la anwo.

1 Kɔl 7:32

Mekpondɛ kɛ bɛye adwenleadwenle muala bɛfi ɛkɛ. Nrenya mɔɔ ɛngya raalɛ la dwenle Awulae gyima ne anwo, ɔluakɛ ɔbɔ mɔdenle kɛ ɔkɛzɔ Awulae anye;

Pɔɔlo Kɛlata mɔɔ ɔhɛlɛle ɔhɔmanle Felepaema la 4:6

Bɛmmadwenle debie biala anwo. Wɔ debie biala anu bɛyɛ moyɛlɛ nzɛlɛlɛ na bɛva mɔɔ bɛhyia nwolɛ la bɛdo Nyamenle anyunlu.

Kɛlata mɔɔ bɛhɛlɛle bɛhɔmanle Hibuluma la 13:5

Bɛye ezukoa nwo anyebolo bɛvi bɛ ɛbɛla nu, na bɛmaa bɛ kunlu ɛdwo mɔɔ bɛlɛ ye la anwo. Ɔluakɛ Nyamenle ɛha ye kɛ, “Menrɛgyakyi bɛ ɛlɛ, yɛɛ me rɛle ɛnrɛvi bɛ fee.”