Edwɛkpa ne kɛmɔ Luku hɛlɛle la 12:18 - BAEBOLO ANZƐƐ BULUKU NWUANZANWUANZA

¹⁸ Na ɔzele ɔ nwo kɛ, ‘Ɛhye yɛɛ meyɛ a; megolo me bonwolo dɛba ne mɔ na measisi bie mgbole, na meava me aleɛ nee me ninyɛne ne mɔ amuala meagugua zolɛ.

Edwɛkpa ne kɛmɔ Luku hɛlɛle la 12:18 ပူးပေါင်းရင်းမြစ်များ

Edwɛndolɛ Buluku ne 17:14

O Ɛdɛnkɛma, fa wɔ tumi ne die me fi menli sa nu, menli mɔɔ bɛ kyɛfoa a le ewiade la. Maa mɔɔ wɔva wɔzie bɛ la ɛyi bɛ ko; maa bɛ mra ɛnyia bie ɛmaa ɔbo zo; na bɛdabɛ bɛgyakyi bie bɛmaa bɛ mra.

Edwɛkpa ne kɛmɔ Mateyu hɛlɛle la 6:26

Bɛnlea nloma mɔɔ luolua anwomanyunlu la. Bɛnlua, bɛmbu, yɛɛ bɛnlɛ bonwolo; Selɛ ne mɔɔ wɔ anwuma la a yɛne bɛ a. Na asoo bɛ nwo ɛngyia ɛndɛla nloma?

Edwɛkpa ne kɛmɔ Luku hɛlɛle la 12:17

Na ɔbɔle ɔ bo ɔdwenlenle nwolɛ kɛ, ‘Menlɛ ɛleka mɔɔ mesie me aleɛ ɛwolaa ɛhye a. Duzu a menyɛ a?’

Edwɛkpa ne kɛmɔ Luku hɛlɛle la 12:19

Na akee meaze me nwo kɛ, Me ɛkɛla, ɛ ti ɛyɛ boɛ! Wɔnyia ninyɛne kpalɛ dɔɔnwo mɔɔ nee wɔ badwu ɛvolɛ dɔɔnwo a. Die wɔ ɛnwomenle, di, no, na die ɛ nye!’

Edwɛkpa ne kɛmɔ Luku hɛlɛle la 12:21

Na Gyisɛse dwulale ye edwɛkɛ ne kɛ, “Kɛ menli mɔɔ kuohua anwonyia maa bɛ nwo na bɛnle sukoavolɛma wɔ Nyamenle anyunlu la de la ɛne.”

Edwɛkpa ne kɛmɔ Luku hɛlɛle la 12:24

Bɛnlea ahɔhɔsɛlɛ: bɛnlua yɛɛ bɛmbu; bɛnlɛ bonwolo anzɛɛ ɛleka mɔɔ bɛsie bɛ ninyɛne a; Nyamenle a yɛne bɛ a. Bɛmɛ, bɛsonle bolɛ bɛtɛla nloma!

Edwɛkpa ne kɛmɔ Luku hɛlɛle la 18:4

Mekɛ dɔɔnwo ne ala ɛnee ɔngulo kɛ ɔkɛboa raalɛ ne, na nzinlii ɔhanle ɔhilele ɔ nwo kɛ, ‘Menzulo Nyamenle, yɛɛ membu sonla bɔbɔ ɛdeɛ,

Edwɛkpa ne kɛmɔ Luku hɛlɛle la 18:6

Na Awulae vale zɔle zolɛ kɛ, “Bɛdie mɔɔ ndɛnebuavolɛ alane ne hanle a.

Gyemise Kɛlata ne 3:15

Nrɛlɛbɛ zɛhae ɛnvi anwuma lɔ a ba a; ɔle ewiade nrɛlɛbɛ yɛɛ Nyamenle Sunsum ɛnle sonla ne mɔɔ lɛ ye la nu; sonla zɔhane le abɔnsam.

Gyemise Kɛlata ne 4:13

Bɛdabɛ mɔɔ bɛka kɛ, “Ɛnɛ anzɛɛ ɛhyema yɛbahɔ suakpole ɛhye anzɛɛ ɛhendeɛ ne azo, yeahɔli ɛvolɛ ko, yɛayɛ gyima yeakpondɛ ezukoa dɔɔnwo” la, bɛdie!

Gyemise Kɛlata ne 4:15

Mɔɔ ɔwɔ kɛ bɛka la a le kɛ, “Saa ɔyɛ Awulae ɛhulolɛ na yɛde ngoane nu a, yɛbayɛ ɛhye anzɛɛ ɛhendeɛ ne.”