Edwɛkpa ne kɛmɔ Luku hɛlɛle la 12:1 - BAEBOLO ANZƐƐ BULUKU NWUANZANWUANZA

¹ Menli dɔɔnwo rabɔle yiale ye, mɔɔ ɛnee akee asɛɛ bɛlɛtietia bɛ nwo zo la, Gyisɛse lumuale dendɛle hilele ye ɛdoavolɛma ne mɔ kɛ, “Bɛnlea bɛ nwo boɛ wɔ Falasiima mgbɔvonle ne anwo, meka bɛ adalɛ nabalaba ngilehilelɛ ne

Edwɛkpa ne kɛmɔ Luku hɛlɛle la 12:1 ပူးပေါင်းရင်းမြစ်များ

2 Arl 7:17

Ɔrale ye zɛhae la, belemgbunli ne yɛle kɛ safohyenle ne mɔɔ nee ye lua la ɛhɔnlea suakpole ne anlenkɛ kpole sinzavolɛma ne anwo zo, na menli ne tietiale ɔ nwo zo manle ɔwule kɛmɔ Yilaehya hanle dole ɛkɛ ne, wɔ mekɛ mɔɔ ɔ nee belemgbunli bɛrale ɔ nwo zo la.

Dwobu Buluku ne 20:5

amumuyɛnli ɛkpazilɛ ɛndwu moa, yɛɛ sonla mɔɔ ɛnze Nyamenle la fɛlɛkolilɛ le sinli?

Dwobu Buluku ne 27:8

Ɔluakɛ sonla mɔɔ ɛnze Nyamenle la anyelazo wɔ ni, saa Nyamenle ye ye zo a?

Dwobu Buluku ne 36:13

“Menli mɔɔ ɛnze Nyamenle la fa ɛya sie bɛ ahonle nu, kanza bɛwɔ ngyianlɛ nu bɔbɔ a, bɛnzu bɛnvɛlɛ Nyamenle moalɛ.

Ayezaya Buluku ne 33:14

Ɛtanevolɛma mɔɔ wɔ Zayɔn la ahonle ɛdu, ɛzulolɛ kpole ɛha bɛdabɛ mɔɔ bɛnze Nyamenle la, bɛ nwo ɛlɛwozo bɛ. Bɛse, “Nwane bɔbɔ yɛɛ wɔ yɛ avinli mɔɔ kɛhola senle gbolamgbolam nu tɛnla a? Nwane a wɔ yɛ avinli mɔɔ kɛhola senle mɔɔ ɛnnu ɛlɛ la anu tɛnla a?”

Edwɛkpa ne kɛmɔ Luku hɛlɛle la 11:44

Munzule ɛha bɛ, ɔluakɛ bɛle kɛ aziezo sɛka mɔɔ bɛanyɛ ye nzonlɛ la, menli ɛnze la ati bɛtietia zolɛ na bɛmaa evinli ka bɛ.”

Edwɛkpa ne kɛmɔ Luku hɛlɛle la 12:56

Adalɛ nabalabama! Bɛkola bɛnwu azɛlɛ ye azo nee anwomanyunlu sɛkɛlɛneɛ ne mɔ abo bɛkile, na kɛmɔti a bɛngola bɛngile mekɛ ɛhye mɔɔ yɛwɔ nu la abo ɛ?

Edwɛkpa ne kɛmɔ Luku hɛlɛle la 5:1

Kenle ko bie mɔɔ Gyisɛse gyi Ginazalɛte Tandane ne anloa la, menli dɔɔnwo rale ɔ nwo ɛkɛ ne kɛ bɛbadie Nyamenle edwɛkɛ ne; na bɛhyelele ɔ nwo zo kpalɛ.

Edwɛkpa ne kɛmɔ Luku hɛlɛle la 5:15

Na Gyisɛse nganeɛ dendenle hɔle ndɛndɛ kpalɛ, na menli somaa ne ala pianle rale kɛ bɛbadie ye edwɛkɛ ne na yeayɛ bɛ ayile;

Edwɛkpa ne kɛmɔ Luku hɛlɛle la 6:17

Gyisɛse nee ye ɛzoanvolɛma ne vi boka ne azo tolole, ɔ nee ye ɛdoavolɛma dɔɔnwo hɔgyinlanle ɛleka bie mɔɔ la aze fɛɛnye la. Menli dɔɔnwo kpalɛ noko mɔɔ bie mɔ vi Dwudiya maanzinli ne kodoka biala anu, nee bie mɔ mɔɔ vi Gyɛlusalɛm nee ɛnweanloa azua mɔɔ le Taya nee Saedɛn la azo rayiale ye wɔ ɛkɛ ne;

Ɛzoanvolɛma Gyima ne 21:20

Mɔɔ bɛdiele ye bɛwiele la, bɛyɛle Nyamenle mo na bɛzele Pɔɔlo kɛ, “Adiema Pɔɔlo, tie yɛ ɛ! Yɛlɛ Dwuuma apenle apenle mɔɔ ɛlie Edwɛkpa ne ɛli, noko bɛli Mosisi mɛla ne anzi kpalɛ kpalɛ a.

1 Kɔl 15:3

Edwɛkɛ ne mɔɔ menvale membɛlɛle bɛ la le edwɛkɛ mɔɔ hyia kpalɛ. Yɛ ɛtane ti yɛɛ Kelaese wule a, kɛmɔ Nyamenle Edwɛkɛ ne kile la.

Kɛlata mɔɔ bɛhɛlɛle bɛhɔmanle Hibuluma la 12:22

Na bɛmɛ bɛra Boka Zayɔn, wɔ tease Nyamenle ne suakpole ne mɔɔ le anwuma lɔ Gyɛlusalɛm ne, mɔɔ Nyamenle soanvolɛma apenle apenle mɔɔ bɛnze bɛ nloa la ɛyi ye tɛkɛɛ la azo.

Gyemise Kɛlata ne 3:17

Nrɛlɛbɛ ne mɔɔ vi anwuma lɔ la anwo te, mɔɔ lumua la ɛne. Eza ɔle anzonudwolɛ, ɔka ɔ nwo aze, ɔlɛ ndelebɛbo; anwunvɔnezelɛ ɛyi ye tɛkɛɛ yɛɛ ɔso nyɛleɛ kpalɛ biala ma. Ɔndwenle adwenle ɛtane, yɛɛ ɔmbɔ adalɛ.

1 Pit 2:1

Zɔhane ati, bɛhwe bɛ nwo bɛvi ɛtane muala anwo; bɛmmabɔ adalɛ, bɛmmayɛ ngunzi, bɛmmatwe nungule, bɛmmayɛ aholoba.