Edwɛkpa ne kɛmɔ Luku hɛlɛle la 11:9 - BAEBOLO ANZƐƐ BULUKU NWUANZANWUANZA

⁹ “Yemɔti meka meahile bɛ: Bɛbiza, na bɛ sa kɛha ye; bɛkpondɛ, na bɛkɛnwu ye; bɛbɔ nu, na bɛkɛbuke anlenkɛ ne bɛkɛmaa bɛ.

Edwɛkpa ne kɛmɔ Luku hɛlɛle la 11:9 ပူးပေါင်းရင်းမြစ်များ

Edwɛndolɛ Buluku ne 118:5

Menvɛlɛle Ɛdɛnkɛma wɔ me nyanenwunlɛ nu; Ɛdɛnkɛma buale me na ɔyele me kɔme kpomgbolo.

Edwɛndolɛ Buluku ne 27:4

Debie ko yɛɛ mebiza ye Ɛdɛnkɛma ɛkɛ a, na yemɔ yɛɛ mebakpo ɔ bo zo a; kɛ menwɔdɛnla Ɛdɛnkɛma sua nu dahuu, wɔ mekɛ mɔɔ mede ngoane nu, kɛ menwɔnwu kɛ Ɛdɛnkɛma kɛnlɛma si de, na meabiza moalɛ wɔ ye Ɛzonlenlɛ Sua ne anu.

Edwɛndolɛ Buluku ne 27:8

Wɔha kɛ, “Kpondɛ me nyunlu.” Meka ye me ahonle nu mekile wɔ kɛ, “Ɛdɛnkɛma, ɛ nyunlu ala a mekpondɛ a.”

Edwɛndolɛ Buluku ne 34:10

Awenade ngakula bɔbɔ kyia na ɛhɔne ku bɛ, noko bɛdabɛ mɔɔ bɛkpondɛ Ɛdɛnkɛma abo zo la ɛngyia debie kpalɛ biala anwo.

Edwɛndolɛ Buluku ne 34:4

Menzɛlɛle Ɛdɛnkɛma, na ɔliele zo, na ɔliele me ɔvile me ɛzulolɛ muala anu.

Edwɛndolɛ Buluku ne 50:15

Bɛzu bɛvɛlɛ me kenle biala mɔɔ ngyegyelɛ kɛdo bɛ la, na mebalie bɛ, na bɛaye me ayɛlɛ.”

Sɔlɔmɔn Edwɛne 5:6

Membukele me kulovolɛ ne anlenkɛ ne, na me kulovolɛ ne ɛzia ɛhɔ. Ɛnee me ɛkɛla ɛlɛsu kɛ ɔkɛde ɔ ne. Memkpondɛle ye, na meannwu ye; menvɛlɛle ye, na meande ye nganeɛ.

Ayezaya Buluku ne 45:19

Meanga ye fealera nu, wɔ awozinli azɛlɛ bie azo; meanga meangile Gyekɔbo abo zo amra kɛ, ‘Bɛva basabasayɛlɛ bɛkpondɛ me bo zo.’ Medame Ɛdɛnkɛma, meka nɔhalɛ ne, meka mɔɔ le nɔhalɛ la meto gua.”

Gyɛlɛmaya Buluku ne 29:12

Akee bɛbazonle me, na bɛara ɛke bɛarayɛ nzɛlɛlɛ, na mebadie bɛ.

Gyɛlɛmaya Buluku ne 33:3

Bɛzu bɛvɛlɛ me, na mebalie zolɛ; mebaha ninyɛne mgbole nee mɔɔ vea mɔɔ bɛtɛnwunle bɛ ɛlɛ la anwo edwɛkɛ meahile bɛ.

Daneɛle Buluku ne 9:3

Mengyele ɛhɔne, mengedale ɛrele, membɔle nzonle na membodole menzɛlɛle Awulae Nyamenle.

Edwɛkpa ne kɛmɔ Mateyu hɛlɛle la 21:22

Saa bɛdie bɛdi a, bɛ sa kɛha debie biala mɔɔ bɛkɛbiza wɔ nzɛlɛlɛ nu la.”

Edwɛkpa ne kɛmɔ Mateyu hɛlɛle la 21:31

Ɛnee ngakula nwiɔ ɛhye, bɛ nuhua boni a yɛle ɔ ze ɛhulolɛdeɛ a?” Bɛzele ye kɛ, “Mɔɔ lumua la ɔ.” Gyisɛse zele bɛ kɛ, “Nɔhalɛ, meka meahile bɛ: Adwuledievolɛma nee tuutuuma balumua anyia Nyamenle Belemgbunlililɛ ne agyakyi bɛ.

Edwɛkpa ne kɛmɔ Mateyu hɛlɛle la 6:29

Noko meka meahile bɛ, Belemgbunli Sɔlɔmɔn bɔbɔ, wɔ ye anwonyia mekɛ ne anu, yeangeda ɛdanlɛ anzɛɛ bɛanziezie ye bɛandɛla aloa ɛhye mɔ anu ko.

Edwɛkpa ne kɛmɔ Maake hɛlɛle la 11:24

Ɛhye ati meka meahile bɛ, saa bɛsɛlɛ bɛabiza debie a, bɛlie bɛli kɛ bɛ sa ɛha ye, na debie biala mɔɔ bɛkɛbiza la, Nyamenle kɛva kɛmaa bɛ.

Edwɛkpa ne kɛmɔ Maake hɛlɛle la 13:37

Mɔɔ meka meahile bɛ la, meka meahile awie biala: Bɛzinza!”

Edwɛkpa ne kɛmɔ Luku hɛlɛle la 11:10

Ɔluakɛ awie biala mɔɔ biza la asa ka ye, mɔɔ kpondɛ la nwu ye, yɛɛ bɛkɛdukue anlenkɛ ne bɛkɛmaa awie biala mɔɔ kɛbɔ nu la.

Dw 14:13

yɛɛ mɔɔ bɛkɛbiza ye biala wɔ me duma nu la, mebayɛ, amaa bɛalua Ralɛ ne anwo zo bɛaye Selɛ ne anyunlunyia bɛahile.

Dw 15:16

Tɛ bɛmɛ a bɛnleanle bɛyele me a; medame a memkpale nu menyele bɛ a, yɛɛ mezoa bɛ kɛ bɛhɔlua Nyamenle edwɛkɛ ne bɛmaa ɔzo ma dɔɔnwo kpalɛ mɔɔ ɛmkpɔlɔ ɛlɛ la a. Yemɔti Selɛ ne bava debie biala mɔɔ bɛkɛbiza ye wɔ me duma nu la amaa bɛ.

Dw 15:7

Saa bɛde me nu na me edwɛkɛ ne de bɛ nu a, ɛnee bɛbiza debie biala mɔɔ bɛkulo la, na bɛ sa kɛha ye.

Dw 4:10

Gyisɛse buale kɛ, “Saa ɛze kɛ Nyamenle ahyɛlɛdeɛ ne si de, nee ahenle mɔɔ ɛlɛsɛlɛ wɔ nzule ne la a, anrɛɛ wɔbiza ye wɔmaa yemaa wɔ ngoane nzule.”

Wulo 2:7

Menli bie wɔ ɛkɛ mɔɔ bɛmɛ, abotane nee kpalɛyɛlɛ ala a bɛli ɔ nzi a, na bɛkpondɛ anyunlunyia, enililɛ nee ngoane mɔɔ ɛnlɛ awieleɛ la. Na bɛmɛ noko ala yɛɛ Nyamenle bamaa bɛ ngoane mɔɔ ɛnlɛ awieleɛ a.

2 Kɔl 6:2

Bɛdie mɔɔ Nyamenle se la; ɔse, “Mekɛ ne dwule mɔɔ ɔwɔ kɛ mese bɛ anwunvɔne la, mendiele bɛ. Mekɛ ne dwule mɔɔ ɔwɔ kɛ medie bɛ ngoane la, memboale bɛ.” Bɛdie ɛ! Nyamenle ɛlolɛ mekɛ ne a le ɛnɛ. Ɛnɛ a le ngoanelielɛ kenle ne a.

Kɛlata mɔɔ bɛhɛlɛle bɛhɔmanle Hibuluma la 11:6

Ɔyɛ se kɛ awie mɔɔ ɛnlɛ diedi la kɛhola kɛzɔ Nyamenle anye. Ɔluakɛ ɔwɔ kɛ awie mɔɔ ba Nyamenle ɛkɛ ne la die di kɛ Nyamenle wɔ ɛkɛ na ɔyila bɛdabɛ mɔɔ bɛkpondɛ ɔ bo zo la.

Kɛlata mɔɔ bɛhɛlɛle bɛhɔmanle Hibuluma la 4:16

Zɔhane ati bɛmaa yɛzi ahonle na yɛbikye Nyamenle belemgbunli ebia ne mɔɔ ɛlolɛ ɛyi ye tɛkɛɛ la anwo. Ɛkɛ ne yɛɛ bɛbanwu yɛ anwunvɔne na ye ɛlolɛ ti yɛanyia moalɛ wɔ mekɛ mɔɔ yɛkɛhyia la a.

Gyemise Kɛlata ne 1:5

Saa bɛ nuhua bie hyia nrɛlɛbɛ a, ɔzɛlɛ Nyamenle na ɔkɛva ɔkɛmaa ye; ɔboalekɛ Nyamenle ati akunlu le kɛnlɛma na ɔyila bɛdabɛ mɔɔ bɛbiza ye debie la.

Gyemise Kɛlata ne 5:15

Saa bɛfa diedi bɛyɛ nzɛlɛlɛ ɛhye a, wuleravolɛ ne anwo baza; Awulae badwazo ye, na saa yeyɛ ɛtane a yeava ye ɛtane yeahyɛ ye.

1 Dw 3:22

Debie biala mɔɔ yɛkɛbiza ye la, yɛ sa ka ye, ɔluakɛ yɛdi ye mɛla ne mɔ azo na yɛyɛ mɔɔ sɔ ɔ nye la.

Yekile 2:24

“Bɛdabɛ noko mɔɔ bɛha, mɔɔ bɛwɔ Tayataela, mɔɔ bɛanli ngilehilelɛ ɛtane zɛhae anzi, bɛanzukoa mɔɔ ɔyɛ a bie mɔ fɛlɛ ye ‘Seetan ngonyia’ la, bɛmɛ yɛɛ meka meahile bɛ kɛ, menrɛva ɛzonle kpole biala menrɛzoa bɛ.