Edwɛkpa ne kɛmɔ Luku hɛlɛle la 11:8 - BAEBOLO ANZƐƐ BULUKU NWUANZANWUANZA

⁸ Meka meahile bɛ: Saa anrɛɛ ɔnrɛdwazo ɔnrɛmaa wɔ kpanwo ne bie kɛmɔ ɛle agɔnwolɛ la ati bɔbɔ a, saa wɔanze ɛvɛlɛ na ɛkɔ zo ɛbiza ye a, ɔbadwazo yeamaa wɔ debie biala mɔɔ ɛhyia nwolɛ la.

Edwɛkpa ne kɛmɔ Luku hɛlɛle la 11:8 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 32:26

Akee ɔzele Gyekɔbo kɛ, “Gyakyi me maa mengɔ, na aleɛ ɛlɛkye.” Gyekɔbo hanle kɛ, “Menrɛgyakyi wɔ menrɛmaa ɛnrɛhɔ, kyesɛ ɛyila me.”

Edwɛkpa ne kɛmɔ Luku hɛlɛle la 11:7

na ɔ gɔnwo ne fea ye sua ne anu bua ye kɛ, ‘Mmagyegye me! Bɛdo anlenkɛ ne anu dɛbadɛba, yɛɛ me nee me mra yɛla; menrɛhola dwazo na meamaa wɔ debie biala.’

Wulo 15:30

Mediema, mesɛlɛ bɛ, ɔlua yɛ Awulae Gyisɛse Kelaese ati, ɔ nee ɛhulolɛ ne mɔɔ le Sunsum Nwuanzanwuanza ahyɛlɛdeɛ ne la ati, bɛboa me wɔ me gyima ye ɛyɛlɛ nu na bɛzɛlɛ Nyamenle bɛmaa me.

2 Kɔl 12:8

Ɛhye ati menzɛlɛle Nyamenle fane nsa wɔ ɛhye anwo kɛ ɔye zɔhane ewule ne me nwo.

Kɔlɔ 2:1

Bɛmaa menga gyima ɛsesebɛ mɔɔ meyɛ memaa bɛ nee menli mɔɔ wɔ Lawɔdesia, nee bɛdabɛ mɔɔ bɛtɛnwunle me nyunlu ɛlɛ la mengile bɛ.

Kɔlɔ 4:12

Ɛpafelase, mɔɔ le bɛdabɛ bɛ bie, na eza ɔle Kelaese Gyisɛse sonvolɛ la biza bɛ ahye. Dahuu ɔkakye bɛ wɔ ye nzɛlɛlɛ nu, kɛ Nyamenle ɛmaa bɛgyinla kpundii, bɛyɛ Kelaese ɛdoavolɛma mɔɔ ati ɛdi, na bɛyɛ tieyɛ bɛmaa Nyamenle ɛhulolɛdeɛ ne.

Maanlebuvolɛma Buluku ne 14:17

Ɔ ye zunle ɛhye anwo toonwo kenle nsuu ne mɔɔ bɛvale bɛdole ɛkponle ne la dwule. Kenle nsuu ne azo mɔɔ ɛnee akee ɛzunlɛ ne ɛyɛ ye abodelɛ la, ɔhanle agyebɛ ne nyelebɛnloa ɔhilele ye. Na ɔdaye noko ɔhanle ɔhilele ye menli ne.

1 Sam 1:12

Mekɛ mɔɔ Hana gua zolɛ ɛlɛsɛlɛ Ɛdɛnkɛma la, ɛnee Yilae ɛlɛnea ɔ nloa.