Edwɛkpa ne kɛmɔ Luku hɛlɛle la 11:41 - BAEBOLO ANZƐƐ BULUKU NWUANZANWUANZA

⁴¹ Bɛva mɔɔ ɛyi bɛ kanrɛlɛ ne mɔ nee bɛ ɛyɛba ne mɔ la bɛmaa ehyianvolɛma na debie biala anwo kɛde kɛmaa bɛ.

Edwɛkpa ne kɛmɔ Luku hɛlɛle la 11:41 ပူးပေါင်းရင်းမြစ်များ

Edwɛndolɛ Buluku ne 112:9

Yebuke ɔ sa nu wɔ ɛhyianvolɛma anwo zo; ye tenleneyɛlɛ ne wɔ ɛkɛ ne dahuu; bɛbava enililɛ bɛakpogya ye tumi ne zo.

Edwɛndolɛ Buluku ne 41:1

Nyilalɛ ɛha sonla ne mɔɔ dwenle ehyianvolɛma anwo la! Ɛdɛnkɛma die ye wɔ ye amaneɛnwunlɛ nu;

Mrɛlɛbulɛ Buluku ne 14:31

Mɔɔ sisi ehyianli la tindi ye Bɔvolɛ ne anyunlu, na mɔɔ nwu mɔɔ ɛhyia la anwunvɔne la di ye Bɔvolɛ ne eni.

Mrɛlɛbulɛ Buluku ne 16:6

Sonla mɔɔ di nɔhalɛ na ɔyɛ tieyɛ la, bɛdi ɔ ti mgbɔdalɛ, yɛɛ sonla mɔɔ sulo Ɛdɛnkɛma la ɛnyɛ ɛtane.

Mrɛlɛbulɛ Buluku ne 19:17

Sonla mɔɔ se ehyianvolɛma anwunvɔne la bɔ Ɛdɛnkɛma bosea, na ɔbadua ye kakɛ wɔ ye nyɛleɛ kpalɛ nwo.

Daneɛle Buluku ne 4:27

Zɔhane ati, Nana, die me folɛ mɔɔ melɛtu wɔ la to nu. Gyakyi ɛtanelilɛ nee ninyɛndane ɛyɛlɛ, na bɔ ɛbɛla tenlene, nwu bɛdabɛ mɔɔ bɛlɛsisi bɛ la anwunvɔne, amaa wɔahɔ zolɛ wɔakpazi.”

Edwɛkpa ne kɛmɔ Mateyu hɛlɛle la 26:11

Bɛmɛ, bɛ nee ehyianvolɛma de dahuu na mame, me nee bɛ ɛnde dahuu.

Edwɛkpa ne kɛmɔ Mateyu hɛlɛle la 5:42

Awie sɛlɛ wɔ debie a, maa ye bie, yɛɛ mmakakyi ɛ nzi ɛsi mɔɔ kpondɛ kɛ ɔfɛne debie wɔ wɔ ɛkɛ ne la.

Edwɛkpa ne kɛmɔ Maake hɛlɛle la 7:19

ɔluakɛ ɔngɔ ye ahonle nu na ɔkɔgua ɔ kunlu na ɔfa ye aze ɔse.” (Ɛhye mɔɔ Gyisɛse hanle la kile kɛ aleɛ biala bɛdi.)

Edwɛkpa ne kɛmɔ Luku hɛlɛle la 12:33

Bɛdɔne mɔɔ bɛlɛ la amuala na bɛva ezukoa ne bɛmaa ehyianvolɛma. Bɛyɛ gya ahodoku mɔɔ ɛnzɛkye ɛlɛ la bɛmaa bɛ nwo, na bɛva bɛ anwonyia bɛzie ɛleka mɔɔ ɔnrɛminli ɛlɛ la, ɔboalekɛ awule asa ɛnrɛha ye, yɛɛ ɛlɛtɛba ɛnrɛhola ɛnrɛzɛkye ye.

Edwɛkpa ne kɛmɔ Luku hɛlɛle la 16:9

Na Gyisɛse hɔle zo zele kɛ, “Yemɔti meka meahile bɛ, ezukoa ɛnle kpalɛ ɛdeɛ, noko anrɛɛ bɛva bɛ ezukoa nee bɛ anwonyia bɛdila agɔnwolɛ, amaa saa bɛkpo aze a, bɛalie bɛ wɔ awuke mɔɔ ɛmbɔ ɛlɛ la anu.

Edwɛkpa ne kɛmɔ Luku hɛlɛle la 18:22

Gyisɛse dele ɛhye la, ɔzele ye kɛ, “Yeha wɔ debie ko. Tɔne debie biala mɔɔ ɛlɛ la amuala na kyɛ ezukoa ne maa ehyianvolɛma, na ɛkɛnyia anwonyia wɔ Nyamenle anwo lɔ, na akee bɛla badoa me bo zo.”

Edwɛkpa ne kɛmɔ Luku hɛlɛle la 19:8

Na Zakeɛse dwazole na ɔhanle ɔhilele Awulae kɛ, “Awulae, mebabu me ninyɛne mɔɔ melɛ la anu nwiɔ na meava ko meamaa ehyianvolɛma, na saa meli awie ndunlumi a, mebadua ye kakɛ mɔnwo nna.”

Ɛzoanvolɛma Gyima ne 10:15

Ɛnelɛ ne eza zele ye kɛ, “Debie mɔɔ Nyamenle ɛde nwolɛ la, mmaka kɛ nwolɛ ɛnde.”

Ɛzoanvolɛma Gyima ne 11:29

Yemɔti diedima ne bɔle kpɔkɛ kɛ bɛkeha bɛ sa aze na mɔɔ bɛkɛnyia ye la bɛava bɛahɔboa mediema mɔɔ wɔ Dwudiya la.

Ɛzoanvolɛma Gyima ne 24:17

“Kɛmɔ menvile Gyɛlusalɛm la ɛvolɛ dɔɔnwo ɛze la ati, mengɔle ɛkɛ ne kɛ melɛ ezukoa nee azubɔlɛ ninyɛne mekamaa me menli ne mɔ.

2 Kɔl 8:12

Ɔluakɛ saa ɔwɔ bɛ nuhua kɛ bɛkɛmaa debie a, ɛnee mɔɔ bɛlɛ ye la azo a Nyamenle balua alie bɛ ahyɛlɛdeɛ ne a. Ɔnrɛnlea mɔɔ bɛnlɛ ye la azo ɔnrɛlie.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 4:28

Mɔɔ le awule la ɛgyakyi ye awule ne na ɔyɛ gyima, amaa yeanyia bie yeanlea ɔ nwo na eza yeanyia bie yeaboa bɛdabɛ mɔɔ bɛhyia la.

Pɔɔlo Kɛlata mɔɔ ɔhɛlɛle ɔhɔmanle Taetɛse la 1:15

Debie biala anwo te maa menli mɔɔ anwo te la, na ɛtanevolɛma nee menli mɔɔ ɛnlɛ diedi la, debie biala anwo ɛnde, ɔboalekɛ bɛ adwenle nee bɛ ti anu kɛkɛba ne ɛkpɔlɔ.

Kɛlata mɔɔ bɛhɛlɛle bɛhɔmanle Hibuluma la 13:16

Bɛmmamaa bɛ rɛle fi kɛ bɛkɛyɛ kpalɛ na bɛkɛboa bɛ nwo ngoko ngoko, ɔboalekɛ ɛhye a le azubɔlɛ mɔɔ sɔ Nyamenle anye a.

Kɛlata mɔɔ bɛhɛlɛle bɛhɔmanle Hibuluma la 6:10

Nyamenle ɛnli nzisi. Ɔ rɛle ɛnrɛvi gyima mɔɔ bɛyɛle nee ɛhulolɛ mɔɔ bɛhile wɔ ɔ nwo nee nyele mɔɔ kɛkala bɛtɛbɔ nwo bɛtɛkile bɛtɛmaa bɛ mediema mɔɔ doa Kelaese abo zo la.

Gyemise Kɛlata ne 1:27

Nyamenlezonlenlɛ kpalɛ mɔɔ evinli biala ɛnle nwolɛ wɔ Nyamenle Selɛ ne anyunlu la a le kɛ ɛkɛkpɔla nrisa nee ahunlanvolɛ wɔ bɛ anwongyelelɛ nu, ɛkɛboa bɛ na ɛkɛzie ɛ nwo gyɛlɛɛnye mɔɔ ewiade amra ɛnnyia ɛ nwo ngehanleɛ biala la.