Edwɛkpa ne kɛmɔ Luku hɛlɛle la 11:40 - BAEBOLO ANZƐƐ BULUKU NWUANZANWUANZA

⁴⁰ Ahɔnwɔne! Asoo tɛ Nyamenle mɔɔ yɛle nwolɛ ne la a yɛle ɔ kunlu ne noko a?

Edwɛkpa ne kɛmɔ Luku hɛlɛle la 11:40 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 1:26

Akee Nyamenle zele kɛ, “Bɛmaa yɛyɛ sonla kɛ yɛdayɛ yɛ ɛsaso yɛmaa ɔzɔho yɛ, na yɛmaa bɛnlea azule nee nyevile nu fɛlɛ, nloma mɔɔ wɔ anwomanyunlu, nyɛmoa nee nanemgbole nee debie biala mɔɔ twenle ɔ nwo aze wɔ azɛlɛ ye azo la anwo zo.”

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 2:7

Na Ɛdɛnkɛma Nyamenle vale ndɛtɛlɛ nwonle sonla na ɔliele ngoane ɛnwomenle ɔguale ɔ bonyi nu, na sonla nyianle ngoane.

Edwɛndolɛ Buluku ne 14:1

Koasea edwɛkɛ a le kɛ, “Nyamenle ɛnle ɛkɛ.” Bɛzɛkye, bɛbɔ bɛkyi ɛbɛla, sonla ko ɛnle ɛkɛ mɔɔ bɔ ɛbɛla kpalɛ a.

Edwɛndolɛ Buluku ne 33:15

Yemɔ yɛɛ ɔmaa bɛ adwenle a, yɛɛ ɔnwu mɔɔ bɛyɛ la amuala.

Mrɛlɛbulɛ Buluku ne 1:22

“O bɛmɛ anzenwolɛbiema, bɛkulo kɛ bɛka bile nu toonwo ɔkɔdwu kenlenzu? Agolobɛnwoma, bɛ nye die bɛ agolobɛnwo nu toonwo yeahɔdwu kenlenzu, na ahoasea akpo adwenlenubukelɛ ahɔdwu kenlenzu?

Mrɛlɛbulɛ Buluku ne 8:5

O bɛmɛ mɔɔ bɛ adwenle ɛtɛtinle a, bɛzukoa nrɛlɛbɛ; O menli ahoasea, bɛyɛ ɛnzonlɛ bɛdie.

Gyɛlɛmaya Buluku ne 5:21

Bɛdie ɛhye, ahɔnwɔne mɔɔ ɛnze nrɛlɛbɛ a, mɔɔ lɛ ɛnyelɛ na bɛnnwu debie a, mɔɔ lɛ ɛnzonlɛ na bɛnde edwɛkɛ a.

Zɛkalaya Buluku ne 12:1

Ɛdɛnkɛma nrɛlaleɛ mɔɔ fane Yizilayɛma anwo la ɛne: Ɛdɛnkɛma mɔɔ bɔle anwuma, ɔbɔle azɛlɛ, na ɔbɔle sonla sunsum mɔɔ wɔ ye nu la se,

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 16:22

Na Mosisi nee Aalɔn dule guale mutule nu na bɛhanle kɛ, “O Nyamenle, menli kɔsɔɔti bɛ Nyamenle, na saa sonla ko yɛ ɛtane a, ɛnee ɔwɔ kɛ ɛfa ɛlɔne ne anwo ɛya ɔ?”

Edwɛkpa ne kɛmɔ Mateyu hɛlɛle la 23:17

Anyenzinliravolɛma ahɔnwɔne! Boni a hyia a, ezukoa nvutuke ne anzɛɛ Ɛzonlenlɛ Sua ne mɔɔ maa ezukoa ne anwo te la?

Edwɛkpa ne kɛmɔ Mateyu hɛlɛle la 23:26

Falasiima anyenzinliravolɛma! Bɛlumua bɛnrinzi kanrɛlɛ ne anu na nwolɛ noko kɛyɛ bɔkɔbɔkɔ!

Edwɛkpa ne kɛmɔ Luku hɛlɛle la 12:20

Na Nyamenle zele ye kɛ, ‘Ɛle kɔnwɔne! Ɛnɛ nɔe ala bɛbaye wɔ ngoane ne bɛavi wɔ nuhua; na nwane a bava ninyɛne ɛhye mɔ amuala mɔɔ wɔva wɔzie wɔmaa ɛ nwo la a?’ ”

Edwɛkpa ne kɛmɔ Luku hɛlɛle la 24:25

Na Gyisɛse zele bɛ kɛ, “Bɛdabɛ, bɛle ahɔnwɔne kpalɛ. Duzu ati a bɛngola bɛnlie mɔɔ Nyamenle kpɔmanvolɛma ɛha nwolɛ edwɛkɛ la amuala bɛnli ɛ?

1 Kɔl 15:36

Kɔnwɔne! Ɛdua ma na ɔtɛkpɔlɔle a ɔnfifi.

Kɛlata mɔɔ bɛhɛlɛle bɛhɔmanle Hibuluma la 12:9

Saa yɛ ze mɔ mɔɔ wole yɛ la tea yɛ a, yɛdi bɛ eni. Fane nyɛ yɛɛ akee yɛnrɛli yɛ sunsum nu Selɛ ne eni na yɛnrɛnyia ngoane a?