Edwɛkpa ne kɛmɔ Luku hɛlɛle la 11:4 - BAEBOLO ANZƐƐ BULUKU NWUANZANWUANZA

⁴ Na fa yɛ ɛtane ne mɔ kyɛ yɛ, ɔluakɛ awie mɔɔ fo yɛ la, yɛfa yɛkyɛ ye. Na mmamaa yɛkɔ sɔnea nu.’ ”

Edwɛkpa ne kɛmɔ Luku hɛlɛle la 11:4 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 48:16

Nyamenle soanvolɛ ne mɔɔ ɛlie me ɛvi munzule kɔsɔɔti anu la, Ɛyila mgbavolɛ ɛhye mɔ; na ɔlua bɛ nwo zo bɛbɔ me nee me ze mɔ Ebileham nee Ayezeke aluma atɛnlase; Na bɛ nwo ɛzo bɛyɛ ɛlɔne wɔ azɛlɛ ye azo!”

1 Arl 8:34

tie bɛ, fa bɛ ɛtane ne mɔ kyɛ bɛ, na fa bɛ sia bɛla azɛlɛ ne mɔɔ ɛvale ɛmanle bɛ ze mɔ la azo.

1 Arl 8:36

tie bɛ wɔ anwuma nehane, fa belemgbunli ne ɛtane kyɛ ye na fa wɔ maanle Yizilayɛma ɛtane ne mɔ kyɛ bɛ. Kilehile bɛ maa bɛli boɛ na tɔ ezule gua azɛlɛ ye mɔɔ wɔva wɔhyɛ bɛ la azo maa bɛ.

Edwɛndolɛ Buluku ne 121:7

Ɛdɛnkɛma bazinza wɔ wɔ munzule muala anu; ɔbamaa ɛ nwo ayɛ kɔlɔnwo.

Edwɛndolɛ Buluku ne 25:11

O Ɛdɛnkɛma, wɔ duma ne ati, fa me ɛtane kyɛ me, ɔluakɛ ɔle kpole.

Edwɛndolɛ Buluku ne 25:18

Nea me nyane nee me amaneɛnwunlɛ ne mɔ, na fa me ɛtane muala kyɛ me.

Daneɛle Buluku ne 9:19

O Awulae, tie yɛ; O Awulae fa yɛ ɛtane kyɛ yɛ; O Awulae, tie yɛ na keha ɛ nwo. Wɔ duma ne ati, O me Nyamenle, mmasi aze, ɔboalekɛ bɛfa wɔ duma a bɛfɛlɛ wɔ suakpole ne nee wɔ menli ne a.”

Hozia Buluku ne 14:2

Bɛzia bɛhɔ Ɛdɛnkɛma ɛkɛ na bɛva nzɛlɛlɛ ɛhye bɛdo ɔ nyunlu: “Fa yɛ ɛtane kɔsɔɔti kyɛ yɛ; die mɔɔ le kpalɛ la, na yɛbaye wɔ ayɛlɛ.

Edwɛkpa ne kɛmɔ Mateyu hɛlɛle la 18:35

Na Gyisɛse dwulale ye edwɛkɛ ne kɛ, “Zɔhane ala yɛɛ saa bɛdabɛ noko bɛanyeye bɛ ahonle nu bɛanva bɛ gɔnwo mɔ anwo edwɛkɛ bɛangyɛ bɛ a Egya mɔɔ wɔ anwuma la bayɛ bɛ nuhua ko biala a.”

Edwɛkpa ne kɛmɔ Mateyu hɛlɛle la 26:41

Bɛzinza na bɛzɛlɛ amaa bɛangɔndɔ sɔnea nu. Sunsum ne kulo na nwonane ne anwo ɛnyɛ se.”

Edwɛkpa ne kɛmɔ Luku hɛlɛle la 11:5

Na Gyisɛse zele ye ɛdoavolɛma ne kɛ, “Saa bɛ nuhua bie lɛ ɔ gɔnwo na ɔkɔ ɔ nwo ɛkɛ ne alevinli mu nwiɔ avinli ɔkɔse ye kɛ, ‘Agɔnwolɛ, fɛne me kpanwo ahunguma nsa,

Edwɛkpa ne kɛmɔ Luku hɛlɛle la 13:4

Na menli bulu nee mɔtwɛ ne mɔɔ sua tendenle ne bule guale bɛ nwo zo hunle bɛ wɔ Saelowam la noko ɛ? Bɛdabɛ bɛnea a, ɛnee ɛhye kile kɛ menli zɔhane mɔ le ɛtanevolɛma kpole tɛla menli mɔɔ wɔ Gyɛlusalɛm la ɔ?

Edwɛkpa ne kɛmɔ Luku hɛlɛle la 22:46

Na ɔzele bɛ kɛ, “Duzu ati a bɛlɛdafe ɛ? Bɛdwazo na bɛzɛlɛ na bɛangɔ ngyegyelɛ nu.”

Edwɛkpa ne kɛmɔ Luku hɛlɛle la 8:13

Ma ne mɔɔ guale awolɛ nu la a le bɛdabɛ mɔɔ bɛte edwɛkɛ ne a bɛfa fɛlɛko bɛdie noko ɔnwolowolo bɛ kpalɛ la. Bɛdie bɛdi wɔ mekɛ ekyi bie ala na kɛ sɔnea ba la ɛnee bɛkpo aze.

Dw 17:15

Membiza kɛ ɛye bɛ ɛvi ewiade ye anu, mesɛlɛ kɛ ɛkɛzie bɛ gyɛlɛɛnye ɛkɛvi amumuyɛnli Seetan asa anu.

1 Kɔl 10:13

Sɔnea biala mɔɔ ɛdo bɛ la le kɛ mɔɔ to awie biala la. Nyamenle le nɔhalɛ, bɛkola bɛfa bɛ rɛle bɛwula ye nu kɛ ɔnrɛmaa sɔnea mɔɔ bɛnrɛhola ɔ nloa gyinla la ɛnrɛdo bɛ ɛlɛ. Bɛ sɔnea mekɛ nu bɔbɔ, ɔbamaa bɛ anwosesebɛ yeamaa bɛagyinla ɔ nloa, na yeahile bɛ adenle yeamaa bɛavi nu.

Kɔlɔ 3:13

Bɛsosɔ bɛ nwo ngoko ngoko, na saa bie lɛ ɔ gɔnwo anwo ɛya a ɔva ɔhyɛ ye. Bɛva ɛtane bɛhyɛ, kɛmɔ Awulae ɛva bɛ nwo edwɛkɛ ɛhyɛ bɛ la.

2 Tɛs 3:3

Bɛkola bɛfa bɛ rɛle bɛwula Awulae anu. Ɔbamaa bɛ nwo ayɛ se na yealie bɛ gyɛlɛɛnye yeavi Ɛtanenli ne asa anu.

2 Tem 4:18

Na Awulae balie me gyɛlɛɛnye avi munzule muala anu na ɔ nee me ahɔ ye anwuma Belemgbunlililɛ ne abo. Anyunlunyia ɛha ye dahuu! Amen.

Gyemise Kɛlata ne 2:13

Sonla mɔɔ ɛnze anwunvɔne la, Nyamenle ɛnrɛze ye anwunvɔne wɔ ye ndɛnebualɛ nu; anwunvɔnezelɛ fo keda ndɛnebualɛ zo.

Yekile 2:10

Mmasulo debie biala mɔɔ bɛbayɛ wɔ la. Tie, Abɔnsam ne bamaa bɛagua bɛ bie mɔ efiade, bɛazɔ bɛ bɛanlea, na bɛanwu amaneɛ dedee kenle bulu. Noko di nɔhalɛ maa me, bɔbɔ kɔdwu ewule nu, na mebabɔ wɔ ngoane abɔtile.

Yekile 3:10

Kɛmɔ wɔli me edwɛkɛ zo, wɔnyia abotane la, ngyegyelɛ kpole ne mɔɔ ɛlɛba ewiade arazɔ menli kɔsɔɔti mɔɔ wɔ azɛlɛ ye azo anlea la, mebaye wɔ meavi nu.