Edwɛkpa ne kɛmɔ Luku hɛlɛle la 11:32 - BAEBOLO ANZƐƐ BULUKU NWUANZANWUANZA

³² Ndɛnebualɛ Kenle ne, Nenɛvɛma badwazo adoɔdoa bɛmɛ adwuleso amra, ɔluakɛ mɔɔ bɛdele kɛ Dwona ɛlɛbɔ Nyamenle edwɛkɛ ne nolo la, bɛnlunle bɛ nwo wɔ bɛ ɛtane nwo; noko meka meahile bɛ, awie mɔɔ le kpole tɛla Dwona la wɔ ɛke!

Edwɛkpa ne kɛmɔ Luku hɛlɛle la 11:32 ပူးပေါင်းရင်းမြစ်များ

Dwona Buluku ne 3:4

Na Dwona bɔle ɔ bo kɛ ɔkɔ sua bɔdenle ne azo. Ɔdiale kenle ko ala na ɔbɔle nolo kɛ, “Yeha kenle abulanla na bɛazɛkye Nenɛvɛ!”

Dwona Buluku ne 3:5

Menli mɔɔ wɔ Nenɛvɛ la liele Nyamenle lile. Bɛ muala bɛliele bɛdole nuhua kɛ bɛkeda ɛrele, bɛahye ɛhɔne, mgbolema nee ahoahweabane, bɛ muala bɛhyele ɛhɔne bɛvale bɛhilele kɛ bɛnlu bɛ nwo.

Dwona Buluku ne 4:9

Nyamenle bizale Dwona kɛ, “Asoo ɛya kpalɛ a baka ye mɔɔ ɛwu la ati wɔva la?” Dwona buale kɛ, “Saa menwule bɔbɔ a anrɛɛ mewu.”

Edwɛkpa ne kɛmɔ Mateyu hɛlɛle la 12:39

Gyisɛse buale bɛ kɛ, “Adwuleso amra ye le munzule menli, bɛnze Nyamenle! Bɛbiza bɛanlea nwanwane sɛkɛlɛneɛ? Bɛnrɛnwu bie, kyesɛ Nyamenle kpɔmanvolɛ Dwona ɛdeɛ ne ala.

Edwɛkpa ne kɛmɔ Mateyu hɛlɛle la 12:41

Wɔ Ndɛnebualɛ Kenle ne Nenɛvɛma badwazo adoa bɛmɛ adwuleso amra, ɔboalekɛ Dwona edwɛkɛ ne manle bɛnlunle bɛ nwo; noko meka meahile bɛ, awie mɔɔ le kpole tɛla Dwona la wɔ ɛke!

Edwɛkpa ne kɛmɔ Luku hɛlɛle la 11:31

Ndɛnebualɛ Kenle ne Hyiba maanle nu Belemgbunli Raalɛ ne badwazo adoɔdoa adwuleso amra, ɔboalekɛ ɔvi ye maanle nu moa moa lɔ ɔdiale asɛɛ azɛlɛ ye foa ko na ɔradiele Sɔlɔmɔn nrɛlɛbɛ ngilehilelɛ ne; noko meka meahile bɛ, awie mɔɔ le kpole tɛla Sɔlɔmɔn la wɔ ɛke.

Kɛlata mɔɔ bɛhɛlɛle bɛhɔmanle Hibuluma la 7:26

Sɛlɛvolɛ Kpanyinli mɔɔ le zɛhae la yɛɛ kola sɔ yɛ wɔ yɛ ɛhyianlɛ biala anu a, ɔluakɛ ɔle nwuanzanwuanza; ɛtane biala ɛnle ɔ nwo anzɛɛ ye nu. Bɛye ye bɛzie ahane bɛvi ɛtanevolɛma anu na bɛmaa ye zo bɛhɔ anwuma.