Edwɛkpa ne kɛmɔ Luku hɛlɛle la 11:31 - BAEBOLO ANZƐƐ BULUKU NWUANZANWUANZA

³¹ Ndɛnebualɛ Kenle ne Hyiba maanle nu Belemgbunli Raalɛ ne badwazo adoɔdoa adwuleso amra, ɔboalekɛ ɔvi ye maanle nu moa moa lɔ ɔdiale asɛɛ azɛlɛ ye foa ko na ɔradiele Sɔlɔmɔn nrɛlɛbɛ ngilehilelɛ ne; noko meka meahile bɛ, awie mɔɔ le kpole tɛla Sɔlɔmɔn la wɔ ɛke.

Edwɛkpa ne kɛmɔ Luku hɛlɛle la 11:31 ပူးပေါင်းရင်းမြစ်များ

2 Edk 9:1

Hyiba belemgbunli raalɛ ne dele duma kpole ne mɔɔ Sɔlɔmɔn ɛnyia ye la nganeɛ, yemɔti ɔrale Gyɛlusalɛm kɛ ɔbado Sɔlɔmɔn abɛla mgbole kpalɛ. Ɔvale menli dɔɔnwo ɔlile ɔ nzi, ɔvale afunlumu mɔɔ zozo ninyɛne evuanlɛ mɔɔ bɛfa bɛto aleɛ, ezukoa nvutuke dɔɔnwo kpalɛ, yɛɛ awolɛ mɔɔ sonle bolɛ la ɔrale. Ɔradole Sɔlɔmɔn la, ɔbizebizale ye edwɛkɛ dodo biala mɔɔ ɔdaye ɔkɛhola la.

Ayezaya Buluku ne 54:17

noko akodeɛ biala mɔɔ bɛyɛ bɛatia wɔ la ɛnrɛyɛ kpalɛ ɛlɛ; yɛɛ awie biala mɔɔ kɛva edwɛkɛ kɛdo ɛ nwo zo la, ɛbaha wɔado ɔ nwo zo. Ɛdɛnkɛma sonvolɛma agyadeɛ, nee bɛ ti mɔɔ medie la a le ɛhye. Medame Ɛdɛnkɛma a mese a.”

Gyɛlɛmaya Buluku ne 3:11

Ɛdɛnkɛma zele me kɛ, “Yizilayɛ ɛnli nɔhalɛ, noko ɔle kpalɛ ekyii ɔtɛla Dwuda alane.

Edwɛkpa ne kɛmɔ Mateyu hɛlɛle la 12:42

Ndɛnebualɛ Kenle ne, Hyiba maanle nu belemgbunli raalɛ ne badwazo adoa bɛmɛ adwuleso amra, ɔboalekɛ ɔvi ye maanle nu wɔ nyiakɛ nehane ɔdiale dedee ɔradiele nrɛlɛbɛ ngilehilelɛ ɔvile Belemgbunli Sɔlɔmɔn ɛkɛ; noko meka meahile bɛ, awie mɔɔ le kpole tɛla Sɔlɔmɔn la wɔ ɛke!

Edwɛkpa ne kɛmɔ Luku hɛlɛle la 3:22

na Sunsum Nwuanzanwuanza ne le kɛ abubule la dwule ɔ nwo zo. Ɛnelɛ bie vi anwuma zele kɛ, “Wɔmɔ a ɛle me Ra mɔɔ mekulo wɔ kpalɛ a. Me nye die ɛ nwo kpole.”

Edwɛkpa ne kɛmɔ Luku hɛlɛle la 9:35

Ɛnelɛ bie vi amungu ne anu zele kɛ, “Me Ra mɔɔ mekpa nu meye ye la ɛne, bɛdie ye!”

Wulo 2:27

Zɔhane ati menli mɔɔ nwonane nu bɛtɛyɛle bɛ mrenyanu nzonlɛ, noko bɛdi mɛla ne azo la babua bɛdabɛ mɔɔ bɛyɛ bɛ mrenyanu nzonlɛ na bɛlɛ mɛla ne bɛ sa nu, na bɛtietia zolɛ la ndɛne.

Kɛlata mɔɔ bɛhɛlɛle bɛhɔmanle Hibuluma la 11:7

Diedi zo yɛɛ Nowa luale mɔɔ ɔdele Nyamenle kɔkɔbɔlɛ ne mɔɔ fane ninyɛne mɔɔ kenle bie bazi la anwo a. Ɔdiele Nyamenle ane na ɔbobɔle ɛlɛnemgbole ɔvale ɔliele ɔ nwo nee ye sua nu amra ngoane. Ɔluale zɛhae adenle zo ɔbule ewiade ye kɛ ɔle debie mgbane, na ɔ sa hanle Nyamenle nu fɔɔnwoyɛlɛ ne mɔɔ bɛdua diedi zo bɛ sa ka ye la.