Edwɛkpa ne kɛmɔ Luku hɛlɛle la 11:20 - BAEBOLO ANZƐƐ BULUKU NWUANZANWUANZA

²⁰ Na saa medua Nyamenle tumi ne azo a metu mbɔnsam a, ɛnee ɛhye kile kɛ Nyamenle Belemgbunlililɛ ne ɛdwu bɛ nwo ɛke dɛbadɛba.

Edwɛkpa ne kɛmɔ Luku hɛlɛle la 11:20 ပူးပေါင်းရင်းမြစ်များ

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 8:19

Ngonyiama ne hanle hilele belemgbunli ne kɛ, “Nyamenle asa ɛrɛlɛsɛka ko bɔbɔ ɛhye o! Nyamenle a ɛyɛ ɛhye a.” Na belemgbunli ne zile ye ɛbolɛ na ɔyɛle dapele. Yeammaa menli ne angɔ, kɛmɔ Ɛdɛnkɛma hanle la.

Daneɛle Buluku ne 2:44

Mekɛ mɔɔ maanle maanle ɛhye mɔ wɔ zolɛ la Nyamenle bamaa maanle ko avinde, na ɔbahomo maanle zɔhane mɔ anwo zo yeamaa bɛagolo. Maanle ɛhye badɛnla ɛkɛ ne dahuu, awie ɛnrɛhola ɛnrɛzɛkye ye kenle bie maanle nu, yɛɛ awie mɔ gyɛne ɛnrɛhola ɛnrɛlie maanle ne ɛnrɛbu,

Edwɛkpa ne kɛmɔ Mateyu hɛlɛle la 12:28

Na saa medua Nyamenle Sunsum ne tumi zo a metu mbɔnsam a, ɛnee noko Anwuma Belemgbunlililɛ ne ɛdwu bɛ nwo ɛke dɛbadɛba.

Edwɛkpa ne kɛmɔ Mateyu hɛlɛle la 3:2

“Bɛnlu bɛ nwo na Anwuma Belemgbunlililɛ ne ɛbikye!”

Edwɛkpa ne kɛmɔ Mateyu hɛlɛle la 4:24

Ye nganeɛ dendenle hɔle Selea maanle ne anu amuala, na bɛvale bɛdabɛ mɔɔ ewule ngakyile ɛha bɛ na bɛlɛnwu amaneɛ: mɔɔ ɛbubu, mɔɔ awozonle ɛva bɛ, yɛɛ mɔɔ tɔ mgbutike la amuala bɛrɛlɛle ye, na ɔyɛle bɛ muala ayile.

Edwɛkpa ne kɛmɔ Luku hɛlɛle la 10:11

‘Munzule ɛha bɛ; bɛ sua ye azo anwea bɔbɔ mɔɔ wɔ yɛ gyakɛ abo la yɛkpokpo yɛagua bɛ ti zo; noko bɛhakye kɛ Nyamenle Belemgbunlililɛ ne ɛbikye bɛ.’

Edwɛkpa ne kɛmɔ Luku hɛlɛle la 10:9

bɛyɛ wuleravolɛma mɔɔ wɔ sua ne azo la ayile, na bɛze menli mɔɔ wɔ ɛkɛ ne la kɛ, ‘Nyamenle Belemgbunlililɛ ne ɛbikye bɛ.’

Edwɛkpa ne kɛmɔ Luku hɛlɛle la 11:21

“Saa katakyie siezie ɔ nwo kɛ ɔsinza ye sua a, ɛnee ye ninyɛne mɔɔ ɔlɛ la amuala anwo le kɔlɔnwo.

Ɛzoanvolɛma Gyima ne 20:25

“Mekpɔsa bɛ nwo zo meha Nyamenle Belemgbunlililɛ ne anwo edwɛkɛ mehile bɛ. Kɛkala, bɛ biala ɛnrɛnwu me nyunlu bieko.

2 Tɛs 1:5

Ɛhye mɔ amuala kile kɛ Nyamenle ndɛnebualɛ ne le fɔɔnwo, amaa bɛafɛta Nyamenle Belemgbunlililɛ ne, mɔɔ yemɔti bɛlɛnwu amaneɛ la.