Edwɛkpa ne kɛmɔ Luku hɛlɛle la 10:6 - BAEBOLO ANZƐƐ BULUKU NWUANZANWUANZA

⁶ Saa awie mɔɔ kpondɛ anzonudwolɛ la bie wɔ awuke ne anu a bɛ anzonudwolɛ ne nee ye badɛnla. Na saa bie ɛnle ɛkɛ ne a bɛ anzonudwolɛ ne bazia ara bɛ nwo.

Edwɛkpa ne kɛmɔ Luku hɛlɛle la 10:6 ပူးပေါင်းရင်းမြစ်များ

Edwɛndolɛ Buluku ne 35:13

Noko mame, mɔɔ bɛnde kpɔkɛ la, mengedale ɛrele, mengyele ɛhɔne, mengilele me nwo nyane. Membɔle me ti aze menzɛlɛle

Ayezaya Buluku ne 9:6

Ɔluakɛ bɛwo kakula bie bɛmaa yɛ, bɛmaa yɛ ralɛ nrenya; yemɔ yɛɛ maanlebulɛ ne badɔ ɔ sa zo a, bɛbavɛlɛ ye “Nwanwane, Folɛtuvolɛ, Nyamenle Bedevinli, Damɛnlangoate Selɛ, Anzonudwolɛ Belemgbunli.”

Edwɛkpa ne kɛmɔ Luku hɛlɛle la 10:5

Awuke biala mɔɔ bɛkɛwolo nu la, bɛlumua bɛze kɛ, ‘Nyamenle anzonudwolɛ ɛha awuke ye anu amra.’

Edwɛkpa ne kɛmɔ Luku hɛlɛle la 10:7

Bɛmmadi tutɛnla. Bɛdɛnla awuke mɔɔ bɛkɛwolo nu na bɛkɛlie bɛ la anu ala, yɛɛ mɔɔ awuke ne anu amra kɛnyia ye kɛmaa bɛ la, bɛli na bɛnlo, ɔboalekɛ ɔwɔ kɛ gyimayɛvo biala nyia ye gyima nwo ahatualɛ.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 5:6

Bɛmmamaa awie fa adubɛnloanu bɛlɛbɛla bɛ; ɔboalekɛ ɔlua ninyɛne zɛhae mɔ ati yɛɛ Nyamenle ɛya ne ba menli mɔɔ ɛndie ye edwɛkɛ la anwo zo a.

2 Tɛs 3:16

Yɛsɛlɛ kɛ Awulae mumua ne, mɔɔ le anzonudwolɛ maavolɛ la ɛmaa bɛ nzo nu ɛdwo bɛ mekɛ biala nee adenle biala anu. Awulae nee bɛ ɛdɛnla.

Gyemise Kɛlata ne 3:18

Menli mɔɔ kpondɛ anzonudwolɛ na bɛdua anzonudwolɛ nu la bu tenleneyɛlɛ bɛyɔba.

1 Pit 1:14

Bɛyɛ tieyɛ bɛmaa Nyamenle na bɛmmamaa bɛ atiakunluwɔzo sie bɛ kɛ dɛba ne mɔɔ ɛnee bɛnze nwolɛ bie la.

1 Sam 25:17

Mesɛlɛ wɔ, dwenle ɛhye anwo ɛsesebɛ na bu nwolɛ amaamuo kpalɛ. Ɔluakɛ ɛhye kola twe munzule maa yɛ menle ne nee ye awuke nu amra; yɛɛ ɔnlɛ subane noko bɔbɔ mɔɔ bɛka ye edwɛkɛ a ɔfa a.”