Edwɛkpa ne kɛmɔ Luku hɛlɛle la 10:27 - BAEBOLO ANZƐƐ BULUKU NWUANZANWUANZA

²⁷ Nrenya ne buale kɛ “Mɛla ne se, ‘Fa wɔ ahonle muala, wɔ ɛkɛla muala, wɔ anwosesebɛ muala, yɛɛ wɔ adwenle muala kulo Awulae wɔ Nyamenle ne’; na akee ‘Kulo ɛ gɔnwo kɛ ɛdawɔ ɛ nwo.’ ”

Edwɛkpa ne kɛmɔ Luku hɛlɛle la 10:27 ပူးပေါင်းရင်းမြစ်များ

Sɛlɛ 19:18

Bɛmmadi nzenralɛ anzɛɛ bɛmmafa bɛdabɛ bɛ menli ne mɔ amra mrenya anwo edwɛkɛ bɛsie bɛ kunlu. Bɛhulo bɛ gɔnwo mɔ kɛ bɛdabɛ bɛ nwo; medame a mele Ɛdɛnkɛma a.

Edwɛkpa ne kɛmɔ Mateyu hɛlɛle la 19:19

di ɛ ze nee ɛ nli eni, na kulo ɛ gɔnwo kɛ ɛdawɔ ɛ nwo la.”

Edwɛkpa ne kɛmɔ Luku hɛlɛle la 10:26

Gyisɛse buale kɛ, “Duzu a bɛhɛlɛ ye wɔ mɛla ne anu a? Kɛ ɛsi ɛkile ɔ bo ɛ?”

Wulo 13:9

Mɛla ne mɔɔ se, “Mmafa awuvolɛ, mmayɛ kɔdiawu, mmawua, mmayɛ anyebolo” nee mɔɔ ɛha la amuala, bɛbɔ ye kpɔkɛ ko kɛ, “Kulo ɛ gɔnwo kɛ ɛdawɔ ɛ nwo la.”

Pɔɔlo Kɛlata mɔɔ ɔhɛlɛle ɔhɔmanle Galeehyeama la 5:13

Na bɛmɛ me mediema, Nyamenle ɛvɛlɛ bɛ, ɛye bɛ kɔme kpomgbolo. Yemɔti bɛmmadi bɛ atiakunluwɔzo nzi na bɛfa bɛ fanwodi ne bɛyɛ mɔɔ bɛdabɛ bɛkulo la. Bɛva ɛhulolɛ bɛzonle bɛ nwo ngoko.

Mɛla 10:12

“Yizilayɛma, akee bɛdie. Mɔɔ Ɛdɛnkɛma bɛ Nyamenle ne kpondɛ wɔ bɛ ɛkɛ ne la a le kɛ: bɛzulo Ɛdɛnkɛma bɛ Nyamenle ne, bɛlua ye ndenle ne mɔ anu, bɛhulo ye, na bɛva bɛ ahonle nee bɛ ɛkɛla muala bɛzonle ye,

Mɛla 30:6

Ɛdɛnkɛma bɛ Nyamenle ne bade bɛ ahonle nu, na yeade bɛ bo zo amra ahonle nu, amaa bɛava bɛ ahonle nee bɛ ɛkɛla muala bɛahulo Ɛdɛnkɛma bɛ Nyamenle ne, na bɛanyia ngoane.

Mɛla 6:4

“Yizilayɛma, bɛdie, Ɛdɛnkɛma yɛ Nyamenle ne le Ɛdɛnkɛma kokye ala.

Mɛla 6:5

Bɛva bɛ ahonle muala, bɛ ɛkɛla muala, nee bɛ anwosesebɛ muala bɛhulo Ɛdɛnkɛma bɛ Nyamenle ne.

Kɛlata mɔɔ bɛhɛlɛle bɛhɔmanle Hibuluma la 8:10

Akee ngyekyeleɛ fofolɛ mɔɔ me nee Yizilayɛma bakyekye wɔ mekɛ mɔɔ bara la ɛne: Mebava me mɛla meawula bɛ adwenle nu, na meahɛlɛ ye bɛ ahonle zo. Mebayɛ bɛ Nyamenle, na bɛayɛ me menli.

Gyemise Kɛlata ne 2:8

Saa bɛdi Belemgbunlililɛ ne anwo mɛla ne, mɔɔ Nyamenle Edwɛkɛ ne se la kɛ, “Kulo ɛ gɔnwo kɛ ɛdawɔ ɛ nwo” la azo a, ɛnee bɛlua nɔhalɛ adenle ne anu.

1 Dw 3:18

Me mra ngakula, bɛmmamaa yɛfa edwɛkɛ ɛhanlɛ anzɛɛ yɛ nloa mgbane yɛkulo menli; ɔwɔ kɛ ɔyɛ nɔhalɛ ɛhulolɛ kpalɛ, na eza ɔfinde yɛ nyɛleɛ nu.