Edwɛkpa ne kɛmɔ Luku hɛlɛle la 10:21 - BAEBOLO ANZƐƐ BULUKU NWUANZANWUANZA

²¹ Mekɛ ne anu Sunsum Nwuanzanwuanza ne manle fɛlɛko yile Gyisɛse ahonle nu tɛkɛɛ na ɔhanle kɛ, “Egya, anwuma nee aze Awulae, meyɛ wɔ mo kɛ ninyɛne ɛhye mɔ mɔɔ wɔva wɔvea nrɛlɛbɛvolɛma nee nwomama la wɔye wɔhile menli mɔɔ ɛnze nwolɛ bie la. Ɛhɛe, Egya, ɛnee kɛ ɛkpondɛ kɛ ɔba ye la ɛne.

Edwɛkpa ne kɛmɔ Luku hɛlɛle la 10:21 ပူးပေါင်းရင်းမြစ်များ

Edwɛndolɛ Buluku ne 24:1

Azɛlɛ ye nee zolɛ debie biala le Ɛdɛnkɛma ɛdeɛ. Ewiade nee menli mɔɔ wɔ nu la amuala le ye ɛdeɛ.

Edwɛndolɛ Buluku ne 25:14

Ɛdɛnkɛma fa bɛdabɛ mɔɔ bɛsulo ye la agɔnwolɛ, na ɔmaa bɛnwu ye ngyekyeleɛ ne.

Edwɛndolɛ Buluku ne 8:2

ngakula nee nlɔma a to a. Wɔ kpɔvolɛma ati, wɔbɔ ɛ nwo bane, amaa wɔazi wɔ kpɔvolɛ ne nee mɔɔ di nzenralɛ la aze.

Ayezaya Buluku ne 29:14

bɛnlea, eza mebava menli ɛhye mɔ meayɛ ninyɛne ɛzulolɛ bie mɔɔ yɛ nwanwane a. Bɛ nrɛlɛbɛvolɛma nrɛlɛbɛ baminli, yɛɛ bɛ menli mɔɔ nwu adwenle nu la deɛnwunlɛ baminli.”

Ayezaya Buluku ne 35:8

Bɛbakpakye ademgbole bɛado ɛkɛ, bɛbavɛlɛ ye “Nwuanzanwuanza Adenle.” Sonla mɔɔ anwo ɛnde la ɛnrɛva zolɛ, yɛɛ ahoasea ɛnrɛhola menli mɔɔ fa ɛkɛ la koasea yɛ.

Ayezaya Buluku ne 53:11

Ɔbanwu ye amaneɛnwunlɛ ne abo aleɛ na ɔ nye alie, na ɔlua me sonvolɛ tenlene ko ne anwo zo, bɛbava menli dɔɔnwo kɛ bɛle tenlenema; na ɔbazoa bɛ ɛtane ne mɔ anwo ndeanlɛ.

Ayezaya Buluku ne 62:5

Kɛ kakula nrenya si gya belamunli raalɛ la, Zɔhane ala yɛɛ ɛ mra mrenya ne mɔ bagya wɔ a. Na kɛ atɔfolɛ nrenya anye si die ye atɔfolɛ raalɛ nwo la, Zɔhane ala yɛɛ wɔ Nyamenle ne anye balie ɛ nwo a.

Ayezaya Buluku ne 66:1

Ɛdɛnkɛma se, “Anwuma le me belemgbunli ebia, yɛɛ azɛlɛ ye le me gyakɛ abo ebia. Duzu sua a bɛkɛzi bɛkɛmaa me a, yɛɛ nienwu a medie me ɛnwomenle a?

Zɛfanaya Buluku ne 3:17

Ɛdɛnkɛma, wɔ Nyamenle ne, nee wɔ de; ɔle katakyie mɔɔ maa ɛdi konim a. Ɔ nye balie ɛ nwo fɛlɛkolilɛ nu, ɔbava ye ɛhulolɛ yeakpɔda wɔ monle; yeava edwɛndolɛ yeamaa ɔ nye alie ɛ nwo,

Edwɛkpa ne kɛmɔ Mateyu hɛlɛle la 16:17

Gyisɛse buale ye kɛ, “Dwɔn ara Saemɔn, nyilalɛ ɛha wɔ. Ɔluakɛ tɛ sonla yɛɛ ɛye nɔhalɛ ɛhye ɛhile wɔ a, na Egya mɔɔ wɔ anwuma la ɔ.

Edwɛkpa ne kɛmɔ Mateyu hɛlɛle la 21:16

Yemɔti bɛbizale Gyisɛse kɛ, “Ɛte mɔɔ ɛhye mɔ ɛlɛkeha la ɔ?” Gyisɛse buale bɛ kɛ, “Nɔhalɛ, mete. Na bɛtɛkengale Nyamenle Edwɛkɛ ne mɔɔ fane ɛhye anwo la ɔ? Ɔse, ‘Bɛtete ngakula ndetendete nee nlɔma kɛ bɛye Nyamenle ayɛlɛ mɔɔ di munli a!’ ”

Edwɛkpa ne kɛmɔ Mateyu hɛlɛle la 3:7

Dwɔn nwunle kɛ menli dɔɔnwo vi Falasiima nee Sadusiima fane ne mɔ anu ɛlɛba bɛamaa bɛazɔne bɛ la, ɔzele bɛ kɛ, “Bɛmɛ nwɔlɛ! Nwane a zele bɛ kɛ bɛnriandi bɛvi Nyamenle ndeanlɛ ne mɔɔ bara la anwo ɛ?

Edwɛkpa ne kɛmɔ Maake hɛlɛle la 10:15

Bɛhakye ɛhye! Awie biala mɔɔ anyɛ ɔ nwo kɛ kakula, anlie Nyamenle Belemgbunlililɛ ne ando nu la ɛnrɛnwu Nyamenle Belemgbunlililɛ ne.”

Edwɛkpa ne kɛmɔ Luku hɛlɛle la 15:5

Saa ɔnwu ye a, ɔdi fɛlɛko, na ɔfa ye ɔto ɔ kɔme zo,

Edwɛkpa ne kɛmɔ Luku hɛlɛle la 15:9

Saa ɔnwu ye a, ɔfɛlɛvɛlɛ ɔ gɔnwo mɔ nee ye kpalɛzo amra, na ɔse bɛ kɛ, ‘Ɔyɛ me fɛ kɛ menwu me kpɔba ne mɔɔ minlinle la. Bɛmaa yɛlie yɛ nye!’

Dw 11:41

Bɛhundole bolɛ ne bɛyele ye ɛkɛ. Gyisɛse nleanle anwuma na ɔhanle kɛ, “Egya, meyɛ wɔ mo somaa kɛ wɔdie me a.

2 Kɔl 4:3

Na saa edwɛkɛ ne mɔɔ yɛbɔ ye nolo la bɛheda zolɛ a, ɛnee bɛheda zolɛ bɛmaa bɛdabɛ mɔɔ bɛlɛminli la ala.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 1:11

Debie biala mɔɔ Nyamenle yɛ la gyi ɔdaye ye ngyehyɛlɛ nee ye kpɔkɛ mɔɔ yebɔ la azo, na kɛmɔ mɔlebɛbo ne ɔdaye ɔhyehyɛle la, yelua yɛ nee Kelaese yɛ koyɛlɛ ne azo yekpa nu yeye yɛ kɛ yɛle ye ɛdeɛ.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 1:5

Nyamenle bɔle kpɔkɛ dɛba kɛ, ɔlua Gyisɛse Kelaese anwo zo, ɔbamaa yɛayɛ ɔ mra, kɛmɔ ye ɛhulolɛdeɛ ne mɔɔ gyi ɔ nyunlu la de la.