Edwɛkpa ne kɛmɔ Luku hɛlɛle la 10:2 - BAEBOLO ANZƐƐ BULUKU NWUANZANWUANZA

² Ɔzele bɛ kɛ, “Bɛyɔba ne ɛra dɔɔnwo, na gyimayɛvoma mɔɔ bu la le ekyi. Zɔhane ati bɛzɛlɛ kɛ egyinli menle ne kɛnyia gyimayɛvoma dɔɔnwo kɛmaa bɛkɛhɔbu bɛyɔba ne.

Edwɛkpa ne kɛmɔ Luku hɛlɛle la 10:2 ပူးပေါင်းရင်းမြစ်များ

1 Arl 18:22

Na Yilaegya zele ɛlɔne ne kɛ, “Medame, me ngome ala a mele Nyamenle kpɔmanvolɛ mɔɔ meha a; bozonle Beeyale ahɔmenle ne mɔ le ɛya nna abulanlu.

Edwɛndolɛ Buluku ne 68:11

Awulae dendɛle tumi nu; na menli mɔɔ vale edwɛkɛ ne hɔle la zonle.

Gyɛlɛmaya Buluku ne 3:15

Mebamaa bɛ neavolɛma mɔɔ tie me la na bɛava nrɛlɛbɛ nee ndelebɛbo bɛazie bɛ.

Zɛkalaya Buluku ne 11:17

Me mboaneneavolɛ mgbane zɔhane, mɔɔ kpo me mboane ne mɔ la, ye gyakɔ! Bɛbapepɛ ɔ sa wɔ konle nu na bɛadu ɔ nye fema ne. Ɔ sa badwe, yɛɛ ɔ nye fema ne bazi bɔkɔɔ.”

Zɛkalaya Buluku ne 11:5

Menli mɔɔ tɔ la ku bɛ fa bɛ nwo dwɔɔ kɔ, awie ɛnze bɛ ɛhwee, yɛɛ menli mɔɔ tɔne bɛ la ka kɛ, ‘Ayɛlɛyelɛ ɛha Ɛdɛnkɛma, menyia me nwo;’ yɛɛ bɛ neavolɛma mumua ne ɛnze bɛ anwunvɔne.”

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 11:17

Mebadwu aze me nee bɛ aradendɛ ɛkɛ. Mebadu sunsum ne mɔɔ meva memaa wɔ la bie meawula bɛ, amaa bɛahola bɛaboa wɔ na bɛazoa menli ne adesoa ne bie. Ɔnle kɛ ɛ ngomekye ɛsoa ɔ muala.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 11:29

Na Mosisi bizale ye kɛ, “Ɛtwe me ti nungule ɔ? Me kunlu a anrɛɛ Ɛdɛnkɛma ɛva ye Sunsum ne ɛwula ye menli ne nu yemaa bɛ kɔsɔɔti bɛyɛ Nyamenle kpɔmanvolɛma!”

Edwɛkpa ne kɛmɔ Mateyu hɛlɛle la 20:1

Gyisɛse vale zɔle zolɛ kɛ, “Kɛ Anwuma Belemgbunlililɛ ne de la a le ɛhye: Kenle ko nwonlomɔ nrenya bie vindele kɛ ɔkabɔ menli ɛkpa yeamaa bɛahɔyɛ gyima wɔ ye vanye egyinli nu.

Edwɛkpa ne kɛmɔ Maake hɛlɛle la 13:34

Ɛhye le kɛ nrenya bie mɔɔ ɛlɛtu adenle na yeva ye awuke yewula ye sonvolɛma asa nu la. Biala nee ye gyima, na ɔse mɔɔ nea anlenkɛ kpole ne la kɛ ɔzinza.

Edwɛkpa ne kɛmɔ Maake hɛlɛle la 16:15

Na akee ɔzele bɛ kɛ, “Bɛhɔ ewiade ahodoka muala anu na bɛhɔbɔ Edwɛkpa ne nolo bɛhile aleɛabo amra kɔsɔɔti.

Edwɛkpa ne kɛmɔ Maake hɛlɛle la 16:20

Ɛdoavolɛma ne ziale hɔle na bɛhɔbɔle Edwɛkpa ne nolo wɔ ɛleka biala, na Awulae boale bɛ na ɔmanle bɛ sa anloa gyima hilele kɛ bɛ nolobɔlɛ ne le nɔhalɛ.]

Edwɛkpa ne kɛmɔ Luku hɛlɛle la 9:1

Mekɛ guale nu ekyii la, Gyisɛse vɛlɛle ɛdoavolɛma bulu nee nwiɔ ne na ɔmanle bɛ tumi kɛ bɛva bɛdu sunsum ɛtane ne mɔ na bɛyɛ ewule ngakyile ayile.

Ɛzoanvolɛma Gyima ne 11:19

Sitivin ɛhunlɛ ne anzi, kpɔdekpɔde mɔɔ bɛyɛle diedima ne la manle bɛbɔle asande, bie mɔ hɔvindele Fonehyea, Saepelɛse nee Anteɔko bɛhɔhanle Edwɛkpa ne bɛhilele Dwuuma mɔɔ wɔ lɔ la ala.

Ɛzoanvolɛma Gyima ne 13:2

Mɔɔ ɛnee bɛlɛyɛ nzɛlɛlɛ na bɛlɛkye ɛhɔne la, Sunsum Nwuanzanwuanza ne zele bɛ kɛ, “Bɛdu Baanabase nee Sɔɔlo bɛzie ahane bɛmaa me na memaa bɛhɔyɛ gyima mɔɔ yemɔti menvɛlɛle bɛ la.”

Ɛzoanvolɛma Gyima ne 13:4

Sunsum Nwuanzanwuanza ne vale Baanabase nee Sɔɔlo hɔle Sɛlusea na bɛvale ɛlɛne bɛhɔle bɔra ne mɔɔ bɛfɛlɛ ye Saepelɛse la azo.

Ɛzoanvolɛma Gyima ne 20:28

Bɛnlea bɛ nwo boɛ na bɛnlea mboane ne mɔ mɔɔ Sunsum Nwuanzanwuanza ne ɛva bɛ ɛwula bɛ sa nu la boɛ. Bɛnlea Nyamenle asɔne ne mɔɔ yeva ɔ Ra ne mogya a yekpondɛ la azo boɛ.

Ɛzoanvolɛma Gyima ne 22:21

Na Awulae zele me kɛ, ‘Kɔ, mesoa wɔ wɔ maanle zo moa moa wɔ menli mɔɔ ɛnle Dwuuma la avinli.’ ”

Ɛzoanvolɛma Gyima ne 8:4

Diedima ne bɔle asande la bɛnriandile bɛhɔle azua azua zo na bɛhɔhanle Edwɛkpa ne.

1 Kɔl 12:28

Nyamenle ɛhile awie biala gyinlabelɛ wɔ asɔne ne anu; mɔɔ lumua la a le ɛzoanvolɛma, mɔɔ tɔ zolɛ nwiɔ la a le Nyamenle kpɔmanvolɛma, yɛɛ mɔɔ tɔ zolɛ nsa la a le kilehilevolɛma; akee bɛdabɛ mɔɔ bɛyɛ nwanwane ninyɛne, mɔɔ doa bɛ la a le bɛdabɛ mɔɔ bɛmaa bɛ tumi kɛ bɛyɛ ayile la; yɛɛ akee boavolɛma, amaamuoma, yɛɛ bɛdabɛ mɔɔ bɛtendɛ aneɛ ngakyile la.

1 Kɔl 15:10

Noko ɔlua Nyamenle ɛlolɛ ne ati, merayɛ kɛmɔ mede la. Ye ɛlolɛ ne mɔɔ ɔvale ɔlole me la anyɛ gyɛne, ɔluakɛ meyɛ gyima kpalɛ medɛla ɛzoanvolɛma mɔɔ ɛha la amuala, noko tɛ medame me mɔdenlebɔ ɔ, Nyamenle ɛlolɛ ne mɔɔ wɔ me nwo zo la ɔ.

2 Kɔl 6:1

Kɛmɔ yɛ nee Kelaese bɔ nu yɛ gyima la, yɛbodo yɛsɛlɛ bɛ kɛ bɛmmamaa Nyamenle ɛlolɛ ne mɔɔ bɛ sa ɛha ye la yɛ mgbane.

Pɔɔlo Kɛlata mɔɔ ɔhɛlɛle ɔhɔmanle Felepaema la 2:21

Bɛdabɛ mɔɔ bɛha la biala ɛlɛbɔ ye ɛbɛla mɔɔ hyia ye la, na yegyakyi mɔɔ Gyisɛse Kelaese kpondɛ kɛ ɔyɛ la.

Pɔɔlo Kɛlata mɔɔ ɔhɛlɛle ɔhɔmanle Felepaema la 2:25

Medwenle nwo kɛ eza ɔwɔ kɛ mesoa adiema Ɛpafulodaetɛse noko wɔ bɛ nwo nehane, ɔ nee me a yɛdi gyima ye a, yɛɛ yegyinla me nzi yeho kpalɛ kɛ me gɔnwo sogyanli, eza yezonle na yeboa me kɛ ɔle bɛ soanvolɛ wɔ mekɛ mɔɔ mengɔle ɛhyianlɛ nu la.

Pɔɔlo Kɛlata mɔɔ ɔhɛlɛle ɔhɔmanle Felepaema la 2:30

ɔboalekɛ Kelaese gyima ne yɛɛ bɛ moalɛ mɔɔ ɔlua me ti ɔliele kɛ ɔfa yearɛlɛ me la ati a ɔvale ye ngoane ɔdole nzeleba a.

Kɔlɔ 1:29

Na ɛhye yɛɛ melɛ anwosesebɛ kpole ne mɔɔ Kelaese fa maa na ɔyɛ gyima ɛsesebɛ wɔ me nu la mepele meyɛ a.

Kɔlɔ 4:12

Ɛpafelase, mɔɔ le bɛdabɛ bɛ bie, na eza ɔle Kelaese Gyisɛse sonvolɛ la biza bɛ ahye. Dahuu ɔkakye bɛ wɔ ye nzɛlɛlɛ nu, kɛ Nyamenle ɛmaa bɛgyinla kpundii, bɛyɛ Kelaese ɛdoavolɛma mɔɔ ati ɛdi, na bɛyɛ tieyɛ bɛmaa Nyamenle ɛhulolɛdeɛ ne.

1 Tɛs 2:9

Nɔhalɛ, mediema, bɛkakye kɛ yɛzile yɛyɛle gyima yɛvɛle la. Yɛyɛle gyima nɔɔzo nee ewiazo, amaa yɛanyɛ kpomgbolo yɛamkpolo bɛ kɔme wɔ mekɛ mɔɔ yɛka Edwɛkpa ne mɔɔ vi Nyamenle ɛkɛ ne la yɛahile bɛ la.

1 Tɛs 5:12

Mediema, yɛsɛlɛ bɛ kɛ bɛli menli mɔɔ bɛ nee bɛ sonle na bɛyɛ bɛ mgbanyinli mɔɔ tu bɛ folɛ, na bɛkilehile bɛ Awulae adenle ne la eni.

2 Tɛs 3:1

Mediema, edwɛkɛ mɔɔ li amozi la a le kɛ, bɛzɛlɛ bɛmaa yɛ kɛ Awulae edwɛkɛ ne kɛdɛlɛ ndɛndɛ na ɔkɛli konim, kɛmɔ ɔyɛle ye wɔ bɛ nu la.

1 Tem 4:10

Ɛhye ati yɛɛ yɛpele yɛyɛ gyima ɛsesebɛ a, ɔluakɛ yɛva yɛ nye yɛdo tease Nyamenle ne anwo zo. Yemɔ yɛɛ ɔle menli kɔsɔɔti bɛ Ngoanedievolɛ a, bɔbɔ bɛdabɛ mɔɔ bɛdie bɛdi la.

2 Tem 4:5

Na wɔmɔ, sie ɛ ti koonwu, mia ɛ nye te nyane, kpɔsa bɔ Edwɛkpa ne nolo, na yɛ Nyamenle gyima ne kɛ ɛle sonvolɛ.

Pɔɔlo Kɛlata mɔɔ ɔhɛlɛle ɔhɔmanle Faelimɔn la 1:1

Kɛlata ɛhye vi medame Pɔɔlo, mɔɔ ɔlua Kelaese Gyisɛse ati mela efiade nee adiema Temɔte ɛkɛ. Ɔdwu yɛ gɔnwo Faelimɔn, mɔɔ le yɛ diema gyimayɛvolɛ wɔ Nyamenle ɛzonlenlɛ ye anu la ɛkɛ;

Kɛlata mɔɔ bɛhɛlɛle bɛhɔmanle Hibuluma la 3:6

Na Kelaese ɛdeɛ ɔlile nɔhalɛ kɛ ɔle Ralɛ mɔɔ nea Nyamenle sua nu ɛkɛ a. Saa yɛgyinla akɛnrasesebɛ zo na yɛsi pi wɔ anyelazo nu a, yɛkɛnwu kɛ yɛle ye sua.

Yekile 2:1

“Kɛlɛ ɛhye kɔmaa Ɛfɛsɛse asɔne ne Nyamenle soanvolɛ ne. “Nrɛlaleɛ ɛhye vi mɔɔ lɛ nwɔlɔra nsuu ne mɔ ɔ sa fema ne anu na ɔluolua ezukoa nvutuke kɛnlaneɛ mbaka nsuu ne mɔ avinli la ɛkɛ ne.