Edwɛkpa ne kɛmɔ Luku hɛlɛle la 10:17 - BAEBOLO ANZƐƐ BULUKU NWUANZANWUANZA

¹⁷ Abulasuu nee nwiɔ ne vale fɛlɛkolilɛ ziale rahanle hilele Gyisɛse kɛ, “Awulae, saa yɛbɔ wɔ duma yɛtendɛ yɛkile sunsum ɛtane ne mɔ bɔbɔ a bɛbɛlɛ bɛ nwo aze bɛtie yɛ!”

Edwɛkpa ne kɛmɔ Luku hɛlɛle la 10:17 ပူးပေါင်းရင်းမြစ်များ

Edwɛkpa ne kɛmɔ Mateyu hɛlɛle la 4:24

Ye nganeɛ dendenle hɔle Selea maanle ne anu amuala, na bɛvale bɛdabɛ mɔɔ ewule ngakyile ɛha bɛ na bɛlɛnwu amaneɛ: mɔɔ ɛbubu, mɔɔ awozonle ɛva bɛ, yɛɛ mɔɔ tɔ mgbutike la amuala bɛrɛlɛle ye, na ɔyɛle bɛ muala ayile.

Edwɛkpa ne kɛmɔ Maake hɛlɛle la 16:17

Bɛdabɛ mɔɔ bɛkɛlie bɛkɛli la, bɛbamaa bɛ tumi bɛamaa bɛayɛ nwanwane gyima mgbole: bɛbalua me duma nu bɛadudu mbɔnsam; bɛbahola bɛaha aneɛ ngakyile;

Edwɛkpa ne kɛmɔ Luku hɛlɛle la 10:1

Nzinlii Awulae yele menli abulasuu nee nwiɔ noko na ɔzoanle bɛ nwiɔ nwiɔ ɔmanle bɛlumuale bɛhɔle sua biala azo nee ɛleka biala mɔɔ ɔdaye ɔbahɔ la.

Edwɛkpa ne kɛmɔ Luku hɛlɛle la 10:20

Noko bɛmmadi fɛlɛko kɛ sunsum ɛtane ne mɔ tie bɛ a; bɛli fɛlɛko kɛ bɛhɛlɛ bɛ aluma wɔ anwuma.”

Edwɛkpa ne kɛmɔ Luku hɛlɛle la 10:9

bɛyɛ wuleravolɛma mɔɔ wɔ sua ne azo la ayile, na bɛze menli mɔɔ wɔ ɛkɛ ne la kɛ, ‘Nyamenle Belemgbunlililɛ ne ɛbikye bɛ.’

Edwɛkpa ne kɛmɔ Luku hɛlɛle la 9:1

Mekɛ guale nu ekyii la, Gyisɛse vɛlɛle ɛdoavolɛma bulu nee nwiɔ ne na ɔmanle bɛ tumi kɛ bɛva bɛdu sunsum ɛtane ne mɔ na bɛyɛ ewule ngakyile ayile.

Wulo 16:20

Na Nyamenle, anzonudwolɛ maavolɛ ne, ɛnrɛhyɛ biala na yeabɛtɛ Seetan wɔ bɛdabɛ bɛ gyakɛ abo. [Yɛ Awulae ɛlolɛ ne nee bɛ ɛdɛnla.]

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 5:24

Zɔhane ati yelɛma ɛha bɛ nwo aze bɔkɔɔ ɛmaa bɛ hu mɔ, kɛmɔ asɔne ne yɛ maa Kelaese la.