Edwɛkpa ne kɛmɔ Luku hɛlɛle la 10:14 - BAEBOLO ANZƐƐ BULUKU NWUANZANWUANZA

¹⁴ Yemɔti Ndɛnebualɛ Kenle ne Nyamenle baze Tayama nee Saedɛnema anwunvɔne dɔɔnwo adɛla bɛ.

Edwɛkpa ne kɛmɔ Luku hɛlɛle la 10:14 ပူးပေါင်းရင်းမြစ်များ

Dwowɛle Buluku ne 3:4

“Taya, Saedɛn, nee Filisitia maanzinli ne mɔ, duzu a bɛkpondɛ kɛ bɛyɛ a? Bɛkulo kɛ bɛdi me nzenralɛ wɔ debie bie ati ɔ? Saa bɛyɛ zɔhane a, menwɔdua bɛ kakɛ ndɛndɛ wɔ bɛdabɛ bɛ nyɛleɛ nwo. Zɛf 2.4-7; Zɛk 9.1-7; Mat 11.21-22; Luk 10.13-14

Emɔzo Buluku ne 1:9

Ɛdɛnkɛma se, “Tayama yɛ ɛtane la ɛnee bɛyɛ, na mebadea bɛ wɔ ɛhye anwo, ɔboalekɛ bɛyele maanle mumua ko anu amra amuala bɛmanle Yidɔmma. Bɛangakye mediemayɛlɛ ngyekyeleɛ ne mɔɔ bɛ nee bɛ yɛle la. Luk 10.13-14

Emɔzo Buluku ne 3:2

Ɔse, “Maanle maanle mɔɔ wɔ azɛlɛ ye azo la kɔsɔɔti, ɛdawɔ ɛ ngomekye ala yɛɛ meze wɔ na menlea wɔ gyɛlɛɛnye a, yemɔti mebadea wɔ, wɔ wɔ amumuyɛ ne mɔ ati.”

Edwɛkpa ne kɛmɔ Mateyu hɛlɛle la 10:15

Na nɔhalɛ, mese, wɔ Ndɛnebualɛ Kenle ne, Nyamenle baze Sodɔm nee Gomɔla amra anwunvɔne dɔɔnwo adɛla menli mɔɔ wɔ zɔhane sua ne azo la.

Edwɛkpa ne kɛmɔ Mateyu hɛlɛle la 11:21

“Munzule ɛha bɛdabɛ mɔɔ bɛwɔ Koleezen la! Munzule ɛha bɛdabɛ mɔɔ bɛwɔ Bɛteseeyeda la! Nwanwane gyima mgbole mɔɔ bɛyɛle wɔ bɛ azua ne mɔ azo la, saa bɛyɛle bie wɔ Taya nee Saedɛn a, anrɛɛ menli mɔɔ wɔ zo la hedale ɛrele, bɔle nzonle, bɛvale bɛhilele kɛ bɛnlu bɛ nwo wɔ bɛ ɛtane ne mɔ anwo.

Dw 3:19

Kɛ ndɛnebualɛ ne de la ɛne: wienyi ne ɛra ewiade ye na bɛ ninyɛndane ti, menli kulo awozinli tɛla wienyi ne.

Wulo 2:1

Zɔhane ati ayi, wɔmɔ a ɛle nwane bɔbɔ a, ɛnlɛ adenle ɛmbua awie mɔ ndɛne hweledede. Saa ɛbua awie ndɛne wɔ ye nyɛleɛ nwo a, ɛnee ɛlɛbua ɛ nwo fɔlɛ, ɔboalekɛ ɛdawɔ mumua ne mɔɔ ɛlɛbua ndɛne ne la ɛyɛ nyɛleɛ ko ne ala mɔɔ ahenle mɔɔ ɛlɛbua ye ndɛne la yɛ la bie.

Wulo 2:27

Zɔhane ati menli mɔɔ nwonane nu bɛtɛyɛle bɛ mrenyanu nzonlɛ, noko bɛdi mɛla ne azo la babua bɛdabɛ mɔɔ bɛyɛ bɛ mrenyanu nzonlɛ na bɛlɛ mɛla ne bɛ sa nu, na bɛtietia zolɛ la ndɛne.