Edwɛkpa ne kɛmɔ Luku hɛlɛle la 10:10 - BAEBOLO ANZƐƐ BULUKU NWUANZANWUANZA

¹⁰ Sua biala noko mɔɔ bɛkɛhɔ zo na bɛanlie bɛ la, bɛhɔ ye awɔdenle ne mɔ azo na bɛha kɛ,

Edwɛkpa ne kɛmɔ Luku hɛlɛle la 10:10 ပူးပေါင်းရင်းမြစ်များ

Yizikeɛle Buluku ne 2:5

Na saa bɛtie wɔ anzɛɛ bɛkpo kɛ bɛnrɛdie wɔ a, bɛbanwu kɛ amuanrɛɛ bɛlɛ Nyamenle kpɔmanvolɛ wɔ bɛ avinli, ɔluakɛ bɛdabɛ mumua ne bɛle atuadelɛma.

Edwɛkpa ne kɛmɔ Mateyu hɛlɛle la 10:14

Eza awuke anzɛɛ sua biala mɔɔ anlie bɛ anzɛɛ andie mɔɔ bɛka la, saa bɛlɛfi ɛkɛ ne a bɛkpɔlɔkpɔla bɛ gyakɛ abo anwea ne bɛgua zolɛ.

Edwɛkpa ne kɛmɔ Luku hɛlɛle la 10:11

‘Munzule ɛha bɛ; bɛ sua ye azo anwea bɔbɔ mɔɔ wɔ yɛ gyakɛ abo la yɛkpokpo yɛagua bɛ ti zo; noko bɛhakye kɛ Nyamenle Belemgbunlililɛ ne ɛbikye bɛ.’

Edwɛkpa ne kɛmɔ Luku hɛlɛle la 10:9

bɛyɛ wuleravolɛma mɔɔ wɔ sua ne azo la ayile, na bɛze menli mɔɔ wɔ ɛkɛ ne la kɛ, ‘Nyamenle Belemgbunlililɛ ne ɛbikye bɛ.’

Edwɛkpa ne kɛmɔ Luku hɛlɛle la 9:5

na ɛleka biala mɔɔ menli ne anlie bɛ la, bɛvi sua ne azo bɛhɔ na bɛkpokpo bɛ gyakɛ abo anwea ne bɛgua zolɛ bɛmaa ɔyɛ daselɛ ɔtia bɛ.”

Ɛzoanvolɛma Gyima ne 13:51

Ɛzoanvolɛma ne kpɔlɔkpɔlale bɛ gyakɛ abo munlutu guale sua ne azo amra ati zo na bɛzile nu bɛhɔle Ayekoneɛm.

Ɛzoanvolɛma Gyima ne 18:6

Nzinlii mɔɔ bɛtiale mɔɔ ɔlɛka la, bɛhehanle ɛtane dɔɔnwo bɛhilele ye. Ɛhye ati Pɔɔlo kpokpole ye tɛladeɛ ne anu munlutu guale na ɔzele bɛ kɛ, “Saa bɛminli a, nwolɛ ɛzonle ɛnzo me. Bɛdabɛ bɛ ɛminlinlɛ nwo ɛzonle zo bɛ! Ɔvi ɛnɛ mɔɔ kɔ la mebahɔ bɛdabɛ mɔɔ bɛnle Dwuuma la anu meahɔha Edwɛkpa ne.”