Edwɛkpa ne kɛmɔ Luku hɛlɛle la 1:79 - BAEBOLO ANZƐƐ BULUKU NWUANZANWUANZA

⁷⁹ ye wienyi ne bada bɛdabɛ mɔɔ bɛde awozinli nu nee bɛdabɛ mɔɔ bɛlɛkɔ ewule nu la anwo zo, na yealie yɛ yeava anzonudwolɛ adenle ne azo.”

Edwɛkpa ne kɛmɔ Luku hɛlɛle la 1:79 ပူးပေါင်းရင်းမြစ်များ

Dwobu Buluku ne 10:22

maanle anu kisii, anu begyebegye ne, mɔɔ ye wienyi le kɛ awozinli.”

Dwobu Buluku ne 3:5

Maa awozinli kabii nee awozinli mindomindo ɛva ye. Maa amungu ɛheda zo; maa alehyenlɛ ne anu awozinli ɛha ɛzulolɛ.

Edwɛndolɛ Buluku ne 107:10

Bie mɔ dɛnlanle awozinli nu, arɛlebɔlɛ nu, pilizama mɔɔ bɛgua bɛ anga na bɛlɛnwu amaneɛ,

Edwɛndolɛ Buluku ne 107:14

Ɔyele bɛ ɔvile awozinli ne nee arɛlebɔlɛ ne anu, na ɔbubule bɛ anga ne mɔ.

Edwɛndolɛ Buluku ne 23:4

Saa melua ewule bɔnza nu bɔbɔ a, menzulo munzule biala, ɔluakɛ ɛ nee me lua, wɔ mboaneneavolɛ baka ne nee wɔ kpɔma ne maa me rɛle kyekye.

Edwɛndolɛ Buluku ne 25:12

Nwane a le sonla ne mɔɔ sulo Ɛdɛnkɛma la? Yemɔ yɛɛ Ɛdɛnkɛma bahilehile ye adenle mɔɔ ɔwɔ kɛ ɔfa nu la a.

Edwɛndolɛ Buluku ne 44:19

mɔɔ yemɔti ɔwɔ kɛ ɛye yɛ ɛgua nanemgbole avinli, na ɛfa awozinli kabii ɛkeda yɛ nwo zo a.

Mrɛlɛbulɛ Buluku ne 3:17

Nrɛlɛbɛ adenle nu le anyelielɛ nee anzonudwolɛ ngome.

Mrɛlɛbulɛ Buluku ne 8:20

Medua tenleneyɛlɛ adenle nu, medua pɛlepɛlelilɛ adenle nu.

Ayezaya Buluku ne 42:16

“Mebahile anyenzinliravolɛma adenle, wɔ adenle mɔɔ bɛdabɛ bɛnze la anu, adenle mɔɔ bɛtɛfale zolɛ ɛlɛ la azo yɛɛ mebava bɛ mealua a. Mebamaa awozinli ne mɔɔ wɔ bɛ nyunlu la ayɛ wienyi, na ɛleka ahuhunduu ne mɔ ayɛ azɛlɛ sɛsɛ. Ninyɛne mɔɔ mebayɛ la ɛne, yɛɛ menrɛkpo bɛ.

Ayezaya Buluku ne 42:7

Ɛbadukuedukue mɔɔ anye ɛzi la anye, na wɔaye bɛdabɛ mɔɔ bɛhye bɛ nuokɛ bɛgua efiade anu awozinli nu la.

Ayezaya Buluku ne 48:17

Ɛdɛnkɛma, bɛ Kpɔnevolɛ, Yizilayɛ Nwuanzanwuanza Ko ne se, “Medame a mele Ɛdɛnkɛma bɛ Nyamenle ne, mɔɔ kilehile bɛ maa bɛyɛ kpalɛ, na ɔdi bɛ nyunlu ɔkilehile bɛ adenle mɔɔ ɔwɔ kɛ bɛdua nu la.

Ayezaya Buluku ne 48:22

Ɛdɛnkɛma se, “Amumuyɛma ɛnrɛnyia anzonudwolɛ.”

Ayezaya Buluku ne 49:6

“Ɔnyɛ se kɛ ɛkɛyɛ me sonvolɛ, na ɛkɛva Yizilayɛma mɔɔ ɛha la ɛkɛzie bɛ gyinlabelɛ dɛba ne. Mebamaa wɔayɛ maanle maanle ne mɔ kɛnlaneɛ, amaa me ngoanelielɛ ne adwu ewiade ɛleka biala.”

Ayezaya Buluku ne 49:9

mebaha meahile pilizama kɛ, ‘Bɛraze bɛhɔ’ mebaze menli mɔɔ de awozinli nu la kɛ, ‘Bɛrɛla wienyi nu.’ Bɛbadidi adehane ne mɔ, yɛɛ awoka ne mɔ azo bayɛ bɛ adidileka.

Ayezaya Buluku ne 59:8

Bɛnze anzonudwolɛ adenle, yɛɛ bɛnli pɛlepɛle. Bɛyɛ bɛ ndenle ne mɔ ahyeɛhyealera, yɛɛ awie biala mɔɔ kɛva zolɛ la anzo nu ɛndwo ye ɛlɛ.

Ayezaya Buluku ne 9:2

Menli ne mɔɔ luale awozinli nu la ɛnwu wienyi kpole bie; bɛdabɛ mɔɔ bɛdɛnlanle awozinli kabii azɛlɛ zo la, wienyi ɛda bɛ nwo zo.

Gyɛlɛmaya Buluku ne 2:6

Bɛambiza kɛ, ‘Ɛdɛnkɛma mɔɔ yele yɛ vile Yigyibiti, Ɛdɛnkɛma mɔɔ vale yɛ pɛle fienemgbole ne, azɛlɛ mɔɔ le ɛsɛlɛ nee ahuma ahuma, mɔɔ ezule ɛndɔ zo na awozinli kabii ɛva ye, mɔɔ awie ɛnva zo, yɛɛ awie ɛnde zo la wɔ nienwu?’

Gyɛlɛmaya Buluku ne 6:16

Ɛdɛnkɛma zele ye menli ne kɛ, “Bɛgyinlegyinla ndenle ne mɔ azo na bɛnlea. Bɛbizebiza mɔmoane ndenle ne mɔ, ɛleka mɔɔ adenle kpalɛ kpalɛ ne la la. Bɛlua nuhua na bɛkɛnyia anzonudwolɛ.” Na bɛbuale kɛ, “Kyɛkyɛ, yɛnrɛlua nuhua fee.”

Edwɛkpa ne kɛmɔ Mateyu hɛlɛle la 4:16

Bɛmɛ mɔɔ bɛde awozinli nu la, bɛbanwu wienyi kpole bie! Bɛmɛ mɔɔ bɛde ewule alubo nu la, wienyi bada bɛ nwo zo.”

Edwɛkpa ne kɛmɔ Luku hɛlɛle la 2:32

Ɔle wienyi mɔɔ baye wɔ ɛhulolɛdeɛ ne yeahile menli mɔɔ ɛnle Dwuuma la, na yeava anyunlunyia yearɛlɛ wɔ menli Yizilayɛma.”

Dw 1:9

Edwɛkɛ ne a le nɔhalɛ wienyi ne mɔɔ ta menli kɔsɔɔti anwo zo na ɔba ewiade la.

Dw 12:46

Mera kɛ mame a mele ewiade wienyi ne a, amaa mɔɔ kɛlie me kɛli la anga awozinli nu.

Dw 8:12

Gyisɛse dendɛle hilele Falasiima ne bieko kɛ, “Mame a mele ewiade wienyi ne a. Awie biala mɔɔ kɛdoa me bo zo la kɛnyia ngoane nu wienyi ne, ɔnrɛlua awozinli nu ɛlɛ.”

Dw 9:5

Mewɔ ewiade ye anu ala la, medame a mele ewiade ye wienyi ne a.”

Ɛzoanvolɛma Gyima ne 10:36

Bɛdabɛ bɛze kɛ ɔzile mɔɔ ɔlua Gyisɛse Kelaese, mɔɔ le menli kɔsɔɔti Awulae la anwo zo Nyamenle vale anzonudwolɛ nwo Edwɛkpa ne rɛlɛle Yizilayɛma la.

Ɛzoanvolɛma Gyima ne 26:18

Mesoa wɔ, amaa wɔahɔbuke bɛ nye na wɔahwe bɛ wɔavi awozinli nu nee Seetan tumi ne abo wɔara wienyi nu nee Nyamenle ɛkɛ, amaa ɔlua bɛ diedi mɔɔ wɔ me nu la azo bɛanyia ɛtanefakyɛ na bɛanyia ɛleka wɔ Nyamenle menli ne mɔɔ yekpa nu yeye bɛ la avinli.’

Wulo 3:17

Bɛnze anzonudwolɛ adenle ne

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 5:8

Dɛba ne ɛnee bɛwɔ awozinli nu, na ɛnɛ bɛyɛ Awulae menli; ɛhye ati bɛwɔ wienyi nu. Ɔwɔ kɛ bɛbɔ bɛ ɛbɛla kɛ menli mɔɔ wɔ wienyi nu la.