Edwɛkpa ne kɛmɔ Luku hɛlɛle la 1:72 - BAEBOLO ANZƐƐ BULUKU NWUANZANWUANZA

⁷² Ɔhanle kɛ ɔbaze yɛ nlenya mɔ anwunvɔne, na ɔ rɛle ɛnrɛvi ye ngyekyeleɛ nwuanzanwuanza ne.

Edwɛkpa ne kɛmɔ Luku hɛlɛle la 1:72 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 12:3

Mebayila bɛdabɛ mɔɔ bɛyila wɔ la, Na meamaa munzule ado mɔɔ kɛzuzu munzule kɛmaa wɔ la; Na ɔlua ɛ nwo zo nyilalɛ aha maanle maanle kɔsɔɔti mɔɔ wɔ ewiade la.”

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 22:18

na ɛ bo zo amra anwo zo yɛɛ maanle maanle mɔɔ wɔ ewiade la balua anyia nyilalɛ a, ɔboalekɛ wɔdie me ne.’ ”

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 26:4

Mebamaa ɛ bo zo amra ayɛ dɔɔnwo kɛ anwomanyunlu nwɔlɔra. Mebava azɛlɛ ɛhye mɔ amuala meamaa ɛ bo zo amra, na ɛ bo zo amra anwo zo yɛɛ maanle maanle kɔsɔɔti mɔɔ wɔ ewiade la balua anyia nyilalɛ a.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 28:14

Ɛ bo zo amra bayɛ kɛ azɛlɛ nwo anwea. Bɛbadende bɛadwu adɔleɛ, aduduleɛ, sɔlɔ nee nyiakɛ. Na ɛdawɔ nee ɛ bo zo amra anwo zo yɛɛ ewiade amra kɔsɔɔti balua anyia nyilalɛ a.

1 Edk 16:16

ɔkakye ngyekyeleɛ ne mɔɔ ɔ nee Ebileham yɛle, nee ye ɛwɔkɛ mɔɔ ɔbɔle Ayezeke.

Edwɛndolɛ Buluku ne 105:42

Ɔluakɛ ɔhakyele ye ɛwɔkɛ nwuanzanwuanza ne, yɛɛ ye sonvolɛ Ebileham.

Edwɛndolɛ Buluku ne 106:45

Bɛ ti, ɔhakyele ye ngyekyeleɛ ne, na ye ɛhulolɛ kpundii ne ati ɔhakyile ye adwenle.

Edwɛndolɛ Buluku ne 111:5

Ɔmaa bɛdabɛ mɔɔ bɛsulo ye la aleɛ; ɔkakye ye ngyekyeleɛ ne dahuu.

Edwɛndolɛ Buluku ne 98:3

Yehakye ye ɛhulolɛ kpundii ne nee ye nɔhalɛlilɛ ne mɔɔ ɔlɛ ye wɔ Yizilayɛma anwo la. Ewiade amra amuala ɛnwu yɛ Nyamenle ne konimlilɛ ne.

Yizikeɛle Buluku ne 16:60

Noko akee mebahakye ngyekyeleɛ ne mɔɔ wɔ ngakula nu me nee wɔ kyekyele la, na me nee wɔ ayɛ ngyekyeleɛ mɔɔ ɛntulu ɛlɛ a.

Yizikeɛle Buluku ne 16:8

“Mɔɔ mese bɛ nwo ɛkɛ ne bieko na meneanle bɛ la, ɛnee yedwu mɔɔ bɛkulo bɛ a. Mengedale bɛ ndanlɛ na memkpale bɛ nyiane. Menyiale bɛ na me nee bɛ yɛle agyalɛ ngyekyeleɛ, na bɛyɛle medame Awulae Nyamenle, me ɛdeɛ.

Sɛlɛ 26:42

mebahakye me ngyekyeleɛ ne mɔɔ me nee Gyekɔbo, Ayezeke, yɛɛ Ebileham kyekyele la, na meahakye azɛlɛ ne noko.

Maeka Buluku ne 7:20

Ɛbahile wɔ nɔhalɛlilɛ ne nee wɔ ɛhulolɛ kpundii ne mɔɔ ɛlɛ ye wɔ yɛ nlenya mɔ, Gyekɔbo nee Ebileham anwo la wɔ bɛ bo zo amra anwo zo, kɛmɔ wɔ ɛwɔkɛ ne mɔɔ ɛbɔle la de la.

Wulo 11:28

Dwuuma kpole Edwɛkpa ne la ati, Nyamenle ɛyɛ kpɔvolɛ wɔ bɛmɛ mɔɔ bɛnle Dwuuma la ati. Noko kɛmɔ Nyamenle ɛkpa nu ɛye bɛ la ati, bɛle ɔ gɔnwo mɔ wɔ bɛ nlenya mɔ ati.

Wulo 9:4

Bɛle Yizilayɛma mɔɔ le Nyamenle ɔdaye ye menli mɔɔ yeyɛ bɛ ɔ mra, yeye ye anyunlunyia yehile bɛ, ɔ nee bɛ ɛyɛ ngyekyeleɛ, na yeva ye mɛla yemaa bɛ a; bɛlɛ nɔhalɛ ɛzonlenlɛ kpalɛ ne; bɛnyia Nyamenle ɛwɔkɛ ne.