Edwɛkpa ne kɛmɔ Luku hɛlɛle la 1:71 - BAEBOLO ANZƐƐ BULUKU NWUANZANWUANZA

⁷¹ ɔbalie yɛ yeavi yɛ agbɔvolɛ asa nu, nee bɛdabɛ mɔɔ bɛkyi yɛ la tumi bo.

Edwɛkpa ne kɛmɔ Luku hɛlɛle la 1:71 ပူးပေါင်းရင်းမြစ်များ

2 Arl 17:39

Ɔwɔ kɛ bɛyɛ tieyɛ bɛmaa medame, Ɛdɛnkɛma bɛ Nyamenle ne, na mebalie bɛ meavi bɛ kpɔvolɛma asa anu.”

Edwɛndolɛ Buluku ne 106:10

Yemɔti ɔliele bɛ ɔvile kpɔvolɛ ne asa anu, na ɔliele bɛ ɔvile kpɔvolɛ ne tumi bo.

Edwɛndolɛ Buluku ne 106:47

O Ɛdɛnkɛma yɛ Nyamenle, die yɛ, na boɔboa yɛ nloa fi maanle maanle ne mɔ anu, amaa yeayɛ wɔ mo, na yɛali fɛlɛko yeaye wɔ duma nwuanzanwuanza ne ayɛlɛ.

Gyɛlɛmaya Buluku ne 23:6

Wɔ ye mekɛ zo, Dwudama banyia bɛ ti na Yizilayɛma anwo adɔ bɛ. Duma mɔɔ bɛbava bɛavɛlɛ ye la a le, ‘Ɛdɛnkɛma le tenlenenli.’

Gyɛlɛmaya Buluku ne 32:37

Akee tie ɛ, nea, mebaboɔboa bɛ nloa meavi maanle maanle mɔɔ mekɛ mɔɔ menvale ɛya kpole la memkpondenle bɛ zolɛ la kɔsɔɔti anu. Mebava bɛ meazia meara maanle ɛhye anu bieko na meamaa bɛadɛnla anzonudwolɛ nu.

Yizikeɛle Buluku ne 28:26

Bɛ nwo badɔ bɛ na bɛasisi azua, bɛayɛ bɛ vanye egyinli. Saa me nee maanle maanle mɔɔ zuozua bɛ, mɔɔ ɛmbu bɛ la di, kɛmɔ ɔfɛta la a, bɛbadɛnla, bɛ nwo adɔ bɛ. Na akee bɛbanwu kɛ medame a mele Ɛdɛnkɛma bɛ Nyamenle ne a.”

Yizikeɛle Buluku ne 34:25

Me nee bɛ bayɛ anzonudwolɛ ngyekyeleɛ na meavoa nanemgbole ne mɔ meavi azɛlɛ ne azo, amaa bɛadɛnla fienemgbole ne anu anwondɔlɛ nu na bɛala kpɔkɛ nu mbaka ne mɔ abo bɛalafe.

Yizikeɛle Buluku ne 34:28

Bɛnrɛdɔ agyie bɛnrɛmaa maanle maanle, yɛɛ azɛlɛ ne azo nanemgbole biala ɛnrɛhye bie ɛnrɛli. Bɛ nwo badɔ bɛ, yɛɛ awie biala ɛnrɛhola ɛnrɛmaa bɛ ahonle ɛnrɛdu.

Yizikeɛle Buluku ne 38:8

Mekɛ dɔɔnwo se a, bɛbaheha bɛ nwo; nzinlii bɛbava konle badoa maanle ne mɔɔ bɛlie ye bɛvi konle nu la. Menli dɔɔnwo mɔɔ bɛboɔboale bɛ nloa bɛ nee bɛ vi maanle maanle zo rale Yizilayɛ awoka maanle ne mɔɔ dɔle mgbane mekɛ dɔɔnwo anu la a wɔ ɛkɛ a; ɛnɛ bɛde ye anwondɔlɛ nu yɛɛ bɛndwenle konle nwo.

Edwɛkpa ne kɛmɔ Luku hɛlɛle la 1:68

“Bɛmaa yɛye Awulae, Yizilayɛ Nyamenle ne ayɛlɛ! Yeraboa ye menli na yekpɔne bɛ.

Mɛla 33:29

Yizilayɛma, nyilalɛ ɛha bɛ! Nwane mɔ bɔbɔ a le kɛ bɛdabɛ a? Bɛmɛ mɔɔ Ɛdɛnkɛma ɛlie bɛ, yebɔ bɛ nwo bane, na ɔle bɛ dadeɛ bɛfa bɛdi konim a. Bɛ kpɔvolɛma badu agua bɛ nyunlu, na bɛatietia bɛ nwo zo.

1 Dw 3:8

Na awie biala mɔɔ yɛ ɛtane la le Abɔnsam ɛdeɛ, ɔluakɛ mɔlebɛbo ne Abɔnsam a lumuale yɛle ɛtane a. Deɛ mɔɔ yemɔti Nyamenle Ara ne rale la a le kɛ ɔbazɛkye Abɔnsam gyima biala mɔɔ yeli la.