Edwɛkpa ne kɛmɔ Luku hɛlɛle la 1:6 - BAEBOLO ANZƐƐ BULUKU NWUANZANWUANZA

⁶ Bɛ mu nwiɔ bɛbɔle ɛbɛla kpalɛ mɔɔ nwolɛ te la wɔ Nyamenle anyunlu, na bɛlile Nyamenle mɛla ne mɔ azo bɔkɔɔ.

Edwɛkpa ne kɛmɔ Luku hɛlɛle la 1:6 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 17:1

Mekɛ mɔɔ Ebilam lile ɛvolɛ abulahɔnla nee ngɔnla la, Ɛdɛnkɛma yele ɔ nwo hilele ye na ɔzele ye kɛ, “Medame a mele Nyamenle Bedevinli ne a; di me mɛla zo na mmamaa ɛ nwo nyia ngehanleɛ biala.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 6:9

Nowa abusua ɛlɔnwɔne ne ɛne. Nowa le sonla mɔɔ di pɛlepɛle a, ɔ nwo annyia ngehanleɛ wɔ ye awolɛndoazo ne mekɛ zo. Ɔ nee Nyamenle bɛ avinli ande ɛlɛ. Ɔwole mrenya nsa, Hyɛm, Ham, yɛɛ Gyeefɛte.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 7:1

Ɛdɛnkɛma zele Nowa kɛ, “Ɛ nee wɔ sua nu amra amuala bɛvo ɛlɛne ne anu, ɔluakɛ menwu kɛ ɛ ngomekye ala a ɛdi pɛlepɛle wɔ ewiade ye amuala anu a.

1 Arl 15:5

Ɔboalekɛ Devidi nyɛleɛ zɔle Ɛdɛnkɛma anye yɛɛ ɔyɛle debie biala mɔɔ Ɛdɛnkɛma zele ye la. Ɛleka mɔɔ ɔvonle la a le edwɛkɛ ne mɔɔ fane Hɛtenli Yulaya anwo la ala.

1 Arl 9:4

Na wɔmɔ, saa ɛyeye wɔ ahonle nu ɛ nee me dua nɔhalɛ nu, kɛmɔ ɛ ze Devidi yɛle la, na ɛdi me edwɛkɛ zo, ɛyɛ debie biala mɔɔ meha mehile wɔ la a,

2 Arl 20:3

“Ɛdɛnkɛma, mebodo wɔ, kakye kɛ meyeye me ahonle nu mezonle wɔ nɔhalɛ nu yɛɛ mebɔ mɔdenle biala kɛ menwɔyɛ debie biala mɔɔ ɛkpondɛ kɛ meyɛ la.” Na ɔbɔle ɔ bo kɛ ɔsu.

2 Edk 17:4

Ɔzonlenle ɔ ze mɔ Nyamenle ne na ɔlile ye mɛla ne mɔ azo. Yeanyɛ ye kɛmɔ Yizilayɛma yɛle la.

Dwobu Buluku ne 1:1

Ɛnee nrenya bie wɔ Ɛɛze maanle nu. Bɛfɛlɛ ye Dwobu. Nrenya ɛhye anwo ɛnlɛ dɛne biala yɛɛ ɔle sonla fɔɔnwo, ɔdi nɔhalɛ ɔmaa Nyamenle, yɛɛ ɔkyi ɛtane.

Dwobu Buluku ne 1:8

Na Ɛdɛnkɛma zele Seetan kɛ, “Wɔnwu me sonvolɛ Dwobu, awie biala mɔɔ le kɛ ɔdaye la ɛnle aleɛabo, ɛtane biala ɛnle ɔ nwo yɛɛ ɔdi nɔhalɛ. Ɔsulo Nyamenle yɛɛ ɔtwe ɔ nwo ɔfi ɛtane nwo.”

Dwobu Buluku ne 9:2

“Nɔhalɛ, meze kɛ ɔle zɔ. Noko nwane a di benle wɔ Nyamenle anyunlu a?

Edwɛndolɛ Buluku ne 119:6

Akee me nyunlu ɛnrɛgua aze ko, kɛmɔ me nye wɔ wɔ mɛla ne mɔ azo la.

Edwɛkpa ne kɛmɔ Luku hɛlɛle la 1:7

Bɛnlɛ ralɛ, ɔluakɛ ɛnee Ɛlezabɛte le mota, yɛɛ bɛ mu nwiɔ bɛwie mrelera yɛ.

Edwɛkpa ne kɛmɔ Luku hɛlɛle la 16:15

Gyisɛse zele bɛ kɛ, “Bɛmɛ, bɛle menli bie mɔɔ bu bɛ nwo wɔ menli nyunlu kɛ asɛɛ bɛdi pɛlepɛle, noko Nyamenle ze bɛ ahonle ne mɔ anu. Ɔluakɛ mɔɔ menli dwenle a ɔsonle bolɛ wɔ bɛ nye zo la le debie mgbane wɔ Nyamenle anye zo.

Edwɛkpa ne kɛmɔ Luku hɛlɛle la 2:25

Mekɛ ne anu ɛnee nrenya bie mɔɔ bɛfɛlɛ ye Semɛyɔn la wɔ Gyɛlusalɛm. Nrenya ɛhye le sonlakpalɛ. Nyamenle nwo ɛzulolɛ wɔ ye nu na ɔlɛkendɛ Yizilayɛma ngoanelielɛ ne. Sunsum Nwuanzanwuanza ne wɔ ye nu,

Ɛzoanvolɛma Gyima ne 2:25

Devidi ɛha ɔ nwo edwɛkɛ kɛ, ‘Menwu Awulae dahuu kɛ ɔgyi me sa fema zo, yemɔti menzulo.

Ɛzoanvolɛma Gyima ne 23:1

Pɔɔlo nleanle bagua ne na ɔzele bɛ kɛ, “Mediema Yizilayɛma, me adwenle ɛmbu me fɔlɛ wɔ me ɛbɛlabɔlɛ nu wɔ Nyamenle anyunlu toonwo a yeradwu ɛnɛ a.”

Ɛzoanvolɛma Gyima ne 24:16

Ɛhye ati yɛɛ mebɔ mɔdenle kɛ menwɔnyia adwenle mɔɔ nuhua te la wɔ Nyamenle nee menli nyunlu a.

Ɛzoanvolɛma Gyima ne 8:21

Ɛyɛ yɛ gyima ɛhye bie a ɔnrɛyɛ boɛ, ɔluakɛ ɛnli nɔhalɛ wɔ Nyamenle anyunlu.

Wulo 8:4

Nyamenle yɛle ɛhye, amaa yɛdayɛ mɔɔ yɛde Nyamenle Sunsum ne anu na yɛnde nwonane nu la, mɛla ne ngyehyɛlɛ fɔɔnwo ne ali munli wɔ yɛ nu.

1 Kɔl 11:2

Mekanvo bɛ, ɔluakɛ dahuu bɛkakye me na bɛdi me ngilehilelɛ zo.

2 Kɔl 1:12

Mɔɔ yɛfa yɛtu yɛ nwo la a le ɛhye: yɛ ti kanrɛlɛ ne di daselɛ kɛ yɛlua Nyamenle nwuanzanwuanzayɛlɛ nee nɔhalɛlilɛ, nee Nyamenle ɛlolɛ ne tumi zo yɛɛ yɛfa yɛbɔ yɛ ɛbɛla wɔ ewiade ye anu a, bɔbɔ wɔ bɛ avinli, na tɛ ewiade nrɛlɛbɛ zo a yɛlua a.

Mɛla 5:33

Bɛlua adenle mɔɔ Ɛdɛnkɛma bɛ Nyamenle ne ɛze bɛ la azo, amaa bɛanyia ngoane, na yeayɛ boɛ yeamaa bɛ, na bɛanyi bɛahyɛ wɔ azɛlɛ ne mɔɔ bɛbahɔva bɛayɛ bɛ ɛdeɛ la azo.

Pɔɔlo Kɛlata mɔɔ ɔhɛlɛle ɔhɔmanle Felepaema la 2:15

amaa awie annwu nvonleɛ biala wɔ bɛ nwo anzɛɛ anzu bɛ nɔhalɛlilɛ nwo kpolera kɛ bɛle Nyamenle amra mɔɔ evinli fee ɛnle bɛ nwo, wɔ adalɛ nee ɛtane ewiade ye anu a. Saa bɛwɔ bɛ avinli a bɛda kɛ bɛmɛ a bɛle ewiade ahɛnlaneɛ a,

Kɔlɔ 1:22

Na kɛkala, ɔlua Kelaese ewule ne azo bɛyɛ Nyamenle agɔnwo mɔ, amaa yeava bɛ yeara ɔ nyunlu kɛ bɛ nwo te nwuanzaanwu mɔɔ fɔlɛlilɛ biala ɛnle bɛ nu a.

1 Tɛs 3:13

Zɛhae adenle zo yɛɛ ɔbamaa bɛ nwo ayɛ se, na bɛali munli, bɛ nwo ade wɔ yɛ Nyamenle Selɛ ne anyunlu, wɔ mekɛ mɔɔ yɛ Awulae Gyisɛse nee bɛdabɛ mɔɔ bɛle ye ɛdeɛ la kɛra la a. ɛra la a.

2 Pit 3:14

Zɔhane ati, ayi mɔ, kɛmɔ bɛlɛkendɛ ɛhye mɔ la, bɛbɔ mɔdenle, amaa Awulae ba a yeanwu kɛ bɛ nwo te mɔɔ nvonleɛ biala ɛnle bɛ nu na bɛ nee ye bɛ nloa sɛ bɛ nwo a.

1 Dw 2:29

Bɛze kɛ Kelaese le tenlenenli, yemɔti bɛnwu ye kɛ awie biala mɔɔ yɛ debie mɔɔ tenrɛ la le ɔ ra.

1 Dw 2:3

Saa yɛdi ye mɛla ne mɔ azo a, ɛnee amgba yɛze ye.

1 Dw 3:7

Me mra ngakula, bɛmmamaa awie bɛlɛbɛla bɛ! Awie biala mɔɔ yɛ mɔɔ tenrɛ la le tenlenenli, kɛmɔ Kelaese le tenlenenli la.