Edwɛkpa ne kɛmɔ Luku hɛlɛle la 1:55 - BAEBOLO ANZƐƐ BULUKU NWUANZANWUANZA

⁵⁵ Ɔ rɛle anvi kɛ ɔkɛze Ebileham nee ɔ bo zo amra anwunvɔne kɔkpula mekɛ mɔɔ ɛnlɛ awieleɛ.”

Edwɛkpa ne kɛmɔ Luku hɛlɛle la 1:55 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 12:3

Mebayila bɛdabɛ mɔɔ bɛyila wɔ la, Na meamaa munzule ado mɔɔ kɛzuzu munzule kɛmaa wɔ la; Na ɔlua ɛ nwo zo nyilalɛ aha maanle maanle kɔsɔɔti mɔɔ wɔ ewiade la.”

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 17:19

Nyamenle zele ye kɛ, “Kyɛkyɛ, ɛ ye Sɛla bawo ralɛ nrenya na ɛbavɛlɛ ye Ayezeke. Mebali me ngyekyeleɛ ne azo meamaa ye nee ɔ bo zo amra mɔɔ bɛntulu ye ɛlɛ a.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 17:7

“Me nee wɔ nee ɛ bo zo amra bayɛ ngyekyeleɛ mɔɔ baha awolɛndoazo ne mɔ amuala la, na yeayɛ ngyekyeleɛ mɔɔ bɛntulu ye ɛlɛ a. Mebayɛ wɔ Nyamenle na meayɛ ɛ bo zo amra noko Nyamenle.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 22:18

na ɛ bo zo amra anwo zo yɛɛ maanle maanle mɔɔ wɔ ewiade la balua anyia nyilalɛ a, ɔboalekɛ wɔdie me ne.’ ”

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 26:4

Mebamaa ɛ bo zo amra ayɛ dɔɔnwo kɛ anwomanyunlu nwɔlɔra. Mebava azɛlɛ ɛhye mɔ amuala meamaa ɛ bo zo amra, na ɛ bo zo amra anwo zo yɛɛ maanle maanle kɔsɔɔti mɔɔ wɔ ewiade la balua anyia nyilalɛ a.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 28:14

Ɛ bo zo amra bayɛ kɛ azɛlɛ nwo anwea. Bɛbadende bɛadwu adɔleɛ, aduduleɛ, sɔlɔ nee nyiakɛ. Na ɛdawɔ nee ɛ bo zo amra anwo zo yɛɛ ewiade amra kɔsɔɔti balua anyia nyilalɛ a.

Edwɛkpa ne kɛmɔ Luku hɛlɛle la 1:54

Yeli ye ɛwɔkɛ ne mɔɔ ɔbɔle yɛ nlenya mɔ la azo, na yera kɛ ɔbaboa ye sonvolɛ Yizilayɛ.

Edwɛkpa ne kɛmɔ Luku hɛlɛle la 1:56

Mɛle nee Ɛlezabɛte dɛnlanle kɛyɛ siane nsa na yeazia yeahɔ ye sua zo.