Edwɛkpa ne kɛmɔ Luku hɛlɛle la 1:51 - BAEBOLO ANZƐƐ BULUKU NWUANZANWUANZA

⁵¹ Yedenrɛ ye tumi ɛsalɛ ne, na yebɔ bɛdabɛ mɔɔ bɛmemaa bɛ nwo zo la asande, yezɛkye bɛ ngyehyɛlɛ ne mɔ.

Edwɛkpa ne kɛmɔ Luku hɛlɛle la 1:51 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 11:8

Yemɔti Ɛdɛnkɛma manle bɛkpondenle bɛhɔle azɛlɛ ye azo ɛleka biala, na bɛgyakyile suakpole ne ɛkyekyelɛ.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 6:5

Akee Ɛdɛnkɛma nwunle kɛ sonla amumuyɛyɛlɛ ne ɛyɛ kpole kpalɛ wɔ azɛlɛ ye azo, na ɛtane ngome ɛyi ye adwenle nee ye ahonle nu tɛkɛɛ.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 8:21

Nowa azu ne zɔle Ɛdɛnkɛma anye, na ɔzele kɛ, “Ɔvi ɛnɛ mɔɔ kɔ la menrɛdoa sonla nyɛleɛ menrɛmaa munzule mɔɔ le zɛhae la ɛnrɛha azɛlɛ ye bieko; menrɛzɛkye ewiade abɔdeɛ muala, kɛmɔ meyɛ la bieko. Meze kɛ sonla yemɔ, ye ngakula nu amuala ɛnee ye adwenle nee ye ahonle nu le bile.

Edwɛndolɛ Buluku ne 118:15

Bɛdie, bɛlɛto konimlilɛ edwɛne fɛlɛkolilɛ nu wɔ tenlenema ndanlɛ sua ne anu: “Ɛdɛnkɛma tumi kpole ne ɛli gyima ne,

Edwɛndolɛ Buluku ne 33:10

Ɛdɛnkɛma maa maanle maanle adwenle ngyehyɛlɛ yɛ mgbane; ɔsɛkye menli ngyehyɛlɛ mɔɔ bɛkɛhyehyɛ la.

Edwɛndolɛ Buluku ne 52:9

Mebayɛ wɔ mo dahuu, ɔboalekɛ ɛdawɔ yɛɛ wɔyɛ a. Mebabɔ wɔ duma ne nolo, wɔ wɔ menli ne anyunlu, ɔluakɛ ɔle kpalɛ.

Edwɛndolɛ Buluku ne 63:5

Bɛli me ɛkɛla adane bɛmaa yeyɛ belane toboo, na mefa fɛlɛkolilɛ meye wɔ ayɛlɛ.

Edwɛndolɛ Buluku ne 89:10

Ɛbubule nane anwo ɛzulolɛ Releehabe, kɛ debie funli bie, ɛvale wɔ tumi kpole ne ɛbɔle wɔ kpɔvolɛma asande.

Edwɛndolɛ Buluku ne 89:13

Ɛlɛ tumi kpole; ɛ nwo yɛ se, wɔ tumi le kpole.

Edwɛndolɛ Buluku ne 98:1

O bɛdo edwɛne fofolɛ bɛmaa Ɛdɛnkɛma, ɔluakɛ yeyɛ nwanwane ninyɛne! Yeva ye tumi kpole ne, ye tumi nwuanzanwuanza ne yeli konim.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 18:11

Na kɛkala, menwu kɛ Ɛdɛnkɛma le kpole tɛla nyamenle biala, ɔboalekɛ ɔliele menli ne ɔvile Yigyibitima asa anu wɔ mekɛ mɔɔ ɛnee bɛlɛyɛ bɛ mgbane mgbane la.”

Ayezaya Buluku ne 40:10

Bɛnlea, Awulae Nyamenle ne lɛ tumi ɛlɛba, Ɔbava ye tumi ne yeazie ye menli ne; bɛnlea, ɔlɛ ye ahatualɛ ɔ sa nu, yɛɛ ɔlɛ ye ndeanlɛ noko ɔlɛba.

Ayezaya Buluku ne 51:9

Dwazo, O Ɛdɛnkɛma, fa wɔ anwosesebɛ nee wɔ tumi ne dwazo boa yɛ. Dwazo, kɛmɔ mɔmoane ɛyɛle na ɛboale awolɛndoazo mɔɔ ɛze ɛhɔ la. Asoo tɛ wɔmɔ a ɛpepɛle nyevizonle Releehabe anu azinli azinli, na ɛwɔle nane anwo ɛzulolɛ ne mɔɔ le kɛ ɛlɛnrɛne la atwɛ la?

Ayezaya Buluku ne 52:10

Ɛdɛnkɛma ɛva ye tumi nwuanzanwuanza ne ɛwa maanle maanle ne mɔ anye, na ewiade amra amuala bɛanwu yɛ Nyamenle ne ngoanelielɛ ne.

Ayezaya Buluku ne 63:12

Ɔdaye a ɔmanle ye konimlilɛ tumi ne nee Mosisi luale na ɔkpakyele nyevile ne anu, ɔliele duma mɔɔ ɛmbɔ aze ɛlɛ la ɔmanle ɔ nwo,

Gyɛlɛmaya Buluku ne 49:15

Bɛnlea, mebamaa bɛayɛ ekyi wɔ maanle maanle avinli, na menli akpo bɛ.

Daneɛle Buluku ne 4:37

“Akee kɛkala, medame Nɛbukadenɛza, mefa ayɛlɛyelɛ, enililɛ mewula Anwuma Belemgbunli ne anyunlunyia. Ɔluakɛ ye gyima kɔsɔɔti le kpalɛ, yɛɛ ye ndenle le fɔɔnwo, na bɛdabɛ mɔɔ bɛmemaa bɛ nwo zo la, ɔkola ɔbɛlɛ bɛ aze.”

Wulo 1:21

Bɛze Nyamenle, noko bɛnva enililɛ mɔɔ fɛta la bɛmmaa ye kɛ ɔle Nyamenle, yɛɛ bɛnva moyɛlɛ bɛmmaa ye. Adwenle mgbane mgbane yɛɛ bɛfa a, yɛɛ awozinli ɛyi bɛ adwenle ne mɔ mɔɔ nrɛlɛbɛ ɛnle nu la tetɛkɛɛ.

2 Kɔl 10:5

yɛgologolo debie biala mɔɔ bɛkɛmaa ye zo adubɛnwo nu bɛkɛtia Nyamenle anwo adwenlenubukelɛ la, yɛɛ yɛkye adwenle biala nuokɛ yɛbele ye yɛmaa ɔtie Kelaese.

Mɛla 4:34

Anzɛɛ saa nyamenle bie wɔ ɛkɛ ne, mɔɔ ɔdaye yezi ɔ kɛnra na yeyɛ kɛ ɔkava maanle bie wɔ maanle bie avinli yeayɛ ye ɔdaye ye maanle, na yeva ngyegyelɛ sɛkɛlɛneɛ, nwanwane nyɛleɛ, konle nee tumi kpole nee ɛzulolɛ yeyɛ, kɛmɔ Ɛdɛnkɛma bɛ Nyamenle yɛle wɔ Yigyibiti manle bɛdabɛ bɛnwunle ye la a.

1 Pit 5:5

Zɔhane ala yɛɛ ɔwɔ kɛ bɛdabɛ ngakula mɔɔ bɛwɔ asɔne ne anu la noko bu mgbanyima ne mɔ na bɛka bɛ nwo aze bɛmaa bɛ a. Bɛ muala bɛva fɛlɛko nee ɛzelekɛ bɛzonle bɛ nwo ngoko ngoko, ɔluakɛ “Nyamenle kyi mɔɔ memaa ɔ nwo zo la, na ɔyila mɔɔ bɛlɛ ɔ nwo aze la.”

Yekile 18:8

zɔhane ala yɛɛ bɛmaa anwubɛnyunlu ɛdo ye dahuu a, ɔnwu nyane, anwonyane ɛbɔ ye, na ɔli sane, na bɛdo ye senle nu bɛyela ye, ɔboalekɛ Awulae Nyamenle ne mɔɔ bua ye ndɛne la le bedevinli.”