Edwɛkpa ne kɛmɔ Luku hɛlɛle la 1:49 - BAEBOLO ANZƐƐ BULUKU NWUANZANWUANZA

⁴⁹ Tumivolɛ Nyamenle ne ɛyɛ ninyɛne mgbole ɛmaa me. Ye duma a le Nwuanzanwuanza;

Edwɛkpa ne kɛmɔ Luku hɛlɛle la 1:49 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 17:1

Mekɛ mɔɔ Ebilam lile ɛvolɛ abulahɔnla nee ngɔnla la, Ɛdɛnkɛma yele ɔ nwo hilele ye na ɔzele ye kɛ, “Medame a mele Nyamenle Bedevinli ne a; di me mɛla zo na mmamaa ɛ nwo nyia ngehanleɛ biala.

Edwɛndolɛ Buluku ne 111:9

Ɛdɛnkɛma liele ye menli ne, na ɔ nee bɛ yɛle ngyekyeleɛ mɔɔ bɛntulu ye ɛlɛ a. Ye duma ne le kpole, ɔle nwuanzanwuanza.

Edwɛndolɛ Buluku ne 24:8

Nwane a le anyunlunyia Belemgbunli ne? Ɛdɛnkɛma ɔ, ɔlɛ tumi nee anwosesebɛ, Ɛdɛnkɛma ɔ, ɔle konle nu katakyie.

Edwɛndolɛ Buluku ne 99:3

Maa bɛye wɔ duma ne kpole nee ye ɛzulolɛ ayɛlɛ! Nyamenle le nwuanzanwuanza.

Edwɛndolɛ Buluku ne 99:9

Bɛhanvo Ɛdɛnkɛma yɛ Nyamenle ne, bɛzonle ye wɔ ye boka nwuanzanwuanza ne azo; ɔluakɛ Ɛdɛnkɛma yɛ Nyamenle ne le nwuanzanwuanza.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 15:11

“O Ɛdɛnkɛma, nwane a le kɛ ɛdawɔ wɔ awozonle avinli a? Nwane a le kɛ wɔmɔ, mɔɔ le kpole wɔ nwuanzanwuanzayɛlɛ nu, ye ayɛlɛyelɛ le kpole na ɔyɛ nwanwane ninyɛne a?

Ayezaya Buluku ne 1:24

Yemɔti Ɛdɛnkɛma, Tumivolɛ Ɛdɛnkɛma, Yizilayɛ Katakyie Ko ne se, “Aa, akee mebawola me ɛya ne meagua me kpɔvolɛma ne anwo zo, na meali menli mɔɔ kyi me la nzenralɛ.

Ayezaya Buluku ne 57:15

Ɔluakɛ anwuma nee Nwuanzanwuanza Ko ne mɔɔ de ɛkɛ mekɛ mɔɔ ɛnlɛ awieleɛ, mɔɔ ye duma a le Nwuanzanwuanza la se, “Mede anwuma lɔ nee ɛleka nwuanzanwuanza, yɛɛ eza me nee mɔɔ nu ɔ nwo na ɔle bɛlɛvo la tɛnla, kɛ memaa mɔɔ ɛnlu ɔ nwo la anyia anyelazo.

Ayezaya Buluku ne 6:3

Na ko vɛlɛle ko na ɔhanle kɛ: “Nwuanzanwuanza, nwuanzanwuanza! Tumivolɛ Ɛdɛnkɛma le nwuanzanwuanza! Ye anyunlunyia ɛyi ewiade amuala tɛkɛɛ!”

Ayezaya Buluku ne 63:1

Nwane a wula tɛladeɛ anye doaanye kɛ mogya, mɔɔ vi Bɔzela mɔɔ wɔ Yidɔm la ɛlɛba, mɔɔ ye tɛladeɛ mɔɔ ɔwula la kile kɛ yeli konim na ɔtia ye mrenyazo kɛ ɔlɛ tumi la? “Medame Ɛdɛnkɛma, mɔɔ melɛ tumi medie ngoane la ɔ. Melɛbɔ me konimlilɛ ne nolo.”

Gyɛlɛmaya Buluku ne 10:6

O Ɛdɛnkɛma, awie nee wɔ ɛnzɛ; ɛle bedevinli, wɔ duma ne le kpole, tumi wɔ nu.

Gyɛlɛmaya Buluku ne 20:11

Na Ɛdɛnkɛma gyi me nzi, ɔle konle nu katakyie, yemɔti menli mɔɔ yɛ me kpɔdekpɔde la badu agua, bɛnrɛhola me nwo zo fo. Bɛ nzuzulɛ ɛnrɛyɛ ɛkɛ, bɛ nyunlu bagua aze kpole, na bɛ rɛle ɛnrɛvi bɛ anyiemgba ɛbɔlɛ ne ɛlɛ.

Edwɛkpa ne kɛmɔ Maake hɛlɛle la 5:13

Gyisɛse manle bɛ adenle. Sunsum ɛtane ne mɔ vile nrenya ne anwo, na bɛhɔwolole agbolike ne mɔ. Agbolike ne mɔ mɔɔ bo apenle nwiɔ la dule twi pianle bɛ nwo wɔ boka ne anye anwo na bɛhɔguale tandane ne anu bɛwule.

Edwɛkpa ne kɛmɔ Luku hɛlɛle la 1:48

ɔluakɛ yebu ye sonvolɛ awienvolɛ mɔɔ le kɛ medame la bie, na ɔvi ɛnɛ mɔɔ kɔ la awolɛndoazo kɔsɔɔti bavɛlɛ me saleɛnli.

Edwɛkpa ne kɛmɔ Luku hɛlɛle la 1:50

mekɛ biala ɔse bɛdabɛ mɔɔ bɛsulo ye la anwunvɔne.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 3:20

Anyunlunyia ɛlua asɔne ne nee Kelaese Gyisɛse anwo zo ɛha Nyamenle mɔɔ dua tumi ne mɔɔ yɛ gyima yɛ nu la azo maa ɔbo mɔɔ yɛbiza nee mɔɔ yɛdwenle nwo la azo la, wɔ ɛnɛ nee mekɛ mɔɔ ɛnlɛ awieleɛ! Amen.

Yekile 15:4

Awulae, nwane a ɛnrɛzulo wɔ a, nwane a kɛzu kpolera kɛ ɛnle kpole a? Ɛ ngomekye a ɛle nwuanzanwuanza a. Maanle maanle kɔsɔɔti badu agua ɛ nyunlu azonle wɔ, ɔboalekɛ awie biala ɛnwu kɛ ɛdi pɛlepɛle.”

Yekile 4:8

Tease abɔdeɛ nna ɛhye mɔ ko biala lɛ ndɛbalɛ nsia mɔɔ ɛnyelɛ duodua bɛ kunlu nee bɛ nzi amuala a. Na alehyenlɛ nee aledwolɛ muala bɛ ne la nu bɛto edwɛne bɛse kɛ, “Nwuanzaanwu, nwuanzaanwu, Awulae Nyamenle Tumivolɛ ne le nwuanzanwuanza. Yemɔ yɛɛ ɔvi tete, ɔwɔ ɛkɛ, na ɔwɔ ɛkɛ kɛkala, na ɔbara a.”

1 Sam 2:2

“Awie ɛnle nwuanzanwuanza kɛ wɔmɔ Ɛdɛnkɛma angome ala, awie ɛnle ɛkɛ kɛ ɛ ngomekye ala; boavolɛ biala ɛnle ɛkɛ kɛ wɔmɔ yɛ Nyamenle ne ala.