Edwɛkpa ne kɛmɔ Luku hɛlɛle la 1:48 - BAEBOLO ANZƐƐ BULUKU NWUANZANWUANZA

⁴⁸ ɔluakɛ yebu ye sonvolɛ awienvolɛ mɔɔ le kɛ medame la bie, na ɔvi ɛnɛ mɔɔ kɔ la awolɛndoazo kɔsɔɔti bavɛlɛ me saleɛnli.

Edwɛkpa ne kɛmɔ Luku hɛlɛle la 1:48 ပူးပေါင်းရင်းမြစ်များ

Edwɛndolɛ Buluku ne 138:6

Ɔluakɛ Ɛdɛnkɛma wɔ anwuma bɔbɔ ɛdeɛ, noko ɔbu mɔɔ bɛlɛ ɔ nwo aze la, na mɔɔ memaa ɔ nwo zo la ɛmbikye ye.

Malakae Buluku ne 3:12

Na maanle maanle kɔsɔɔti baha kɛ Nyamenle ɛlo bɛ, ɔluakɛ bɛ maanle nu bayɛ anyelielɛ.”

1 Sam 1:11

Na Hana bɔle ɛwɔkɛ kɛ, “Tumivolɛ Ɛdɛnkɛma, to ɛ nye nea me, wɔ sonvolɛ; mehyia na kakye me; mmamaa ɛ rɛle fi me. Mebɔ ɛwɔkɛ kɛ saa ɛmaa menyia ɛkolɛ mewo ralɛ nrenya a menwɔdu ye nee ye ɛbɛlabɔlɛ muala menwɔmaa wɔ, na ye enrinli ko bɔbɔ, bɛnrɛde bɛnrɛdo aze.”

Edwɛkpa ne kɛmɔ Luku hɛlɛle la 11:27

Mɔɔ Gyisɛse hanle edwɛkɛ ɛhye la, raalɛ bie manle ɔ ne zo wɔ menli ne anu na ɔhanle kɛ, “Nyilalɛ ɛha raalɛ ne mɔɔ wole wɔ na ɔlile wɔ adane la!”

Edwɛndolɛ Buluku ne 136:23

Yɛ nwo hyelele yɛ la ɔhakyele yɛ; ɔluakɛ ye ɛhulolɛ kpundii ne wɔ ɛkɛ dahuu.

Edwɛkpa ne kɛmɔ Luku hɛlɛle la 1:42

na ɔmanle ɔ ne zo ɔzele kɛ, “Bɛyila wɔ kpole wɔ mraalɛ muala avinli, na bɛyila ralɛ ne mɔɔ la ɛ kunlu la.

Edwɛkpa ne kɛmɔ Luku hɛlɛle la 1:28

Nyamenle soanvolɛ ne rale ɔ nwo ɛkɛ ne na ɔzele ye kɛ, “Ɔmɔ mɔɔ Nyamenle ɛlo wɔ a, ahye o! Awulae nee wɔ de, na yeyila wɔ kpole!”

Ayezaya Buluku ne 66:2

Medame a meva me sa mebɔ ninyɛne kɔsɔɔti a, yemɔti debie biala le me ɛdeɛ, medame Ɛdɛnkɛma a mese a. Noko sonla mɔɔ me nye balie ɔ nwo la a le sonla ne mɔɔ le bɛlɛvo, ɔnu ɔ nwo, ɔsulo me na ɔdi me edwɛkɛ zo la.

2 Sam 7:8

“Yemɔti ka kile me sonvolɛ Devidi kɛ, medame Tumivolɛ Ɛdɛnkɛma mese, ‘Menyele wɔ menvile mboane ɛnleanlɛ zo wɔ fiene ne anu kɛ ɛrali me menli Yizilayɛma belemgbunli;

1 Sam 2:8

Ɔye ehyianvolɛma ɔfi bɛ nyane nu, ɔye anwunvɔnema ɔfi bɛ amaneɛnwunlɛ nu. Ɔyɛ bɛ arelemgbunli agɔnwo mɔ na ɔmaa bɛdi bɛ eni dɔɔnwo. Azɛlɛ ye adiabo ne le Ɛdɛnkɛma ɛdeɛ; zolɛ yɛɛ yezie ewiade a.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 30:13

Na Liya hanle kɛ, “Fɛlɛko ɛyi me! Ɔluakɛ mraalɛ bavɛlɛ me fɛlɛko;” yemɔti ɔdonle ye Ahya.

Edwɛndolɛ Buluku ne 102:17

Ɔbadie bɛdabɛ mɔɔ bɛnlɛ awie la nzɛlɛlɛ, na ɔnrɛkpo bɛ modolɛ nzɛlɛlɛ.

Edwɛndolɛ Buluku ne 72:17

Ye duma ɛdɛnla ɛkɛ ne dahuu, na ye anyunlunyia ɛda kɛ sɛnzɛne. Menli kɔsɔɔti ɛva ye ɛyila bɛ nwo, na maanle maanle ɛzuzu ye boɛ.

Edwɛkpa ne kɛmɔ Luku hɛlɛle la 1:45

Nyilalɛ ɛha wɔ kɛ ɛliele ɛlile kɛ mɔɔ Awulae hanle hilele wɔ la bayɛ zɔhane a.”

Edwɛkpa ne kɛmɔ Luku hɛlɛle la 1:49

Tumivolɛ Nyamenle ne ɛyɛ ninyɛne mgbole ɛmaa me. Ye duma a le Nwuanzanwuanza;