Edwɛkpa ne kɛmɔ Luku hɛlɛle la 1:31 - BAEBOLO ANZƐƐ BULUKU NWUANZANWUANZA

³¹ Nea, ɛbanrenzɛ wɔawo ralɛ nrenya, na ɛbavɛlɛ ye Gyisɛse.

Edwɛkpa ne kɛmɔ Luku hɛlɛle la 1:31 ပူးပေါင်းရင်းမြစ်များ

Mrɛlɛbulɛ Buluku ne 23:25

Maa ɛ ze nee ɛ nli ɛli fɛlɛko; maa raalɛ ne mɔɔ wole wɔ la anye ɛlie.

Ayezaya Buluku ne 7:14

Yemɔti Awulae ɔdaye ɔbamaa wɔ sɛkɛlɛneɛ. Bɛnlea, kakula bɛlɛra banrenzɛ yeawo ralɛ nrenya, na yeado ye Yimanoɛle.

Edwɛkpa ne kɛmɔ Mateyu hɛlɛle la 1:21

Ɔbawo ralɛ nrenya na wɔado ye duma Gyisɛse, ɔboalekɛ ɔbalie ye menli ne yeavi bɛ ɛtane nu.”

Edwɛkpa ne kɛmɔ Mateyu hɛlɛle la 1:23

“Bɛlɛra mɔɔ ɛnze nrenya la banrenzɛ awo ralɛ nrenya na bɛbavɛlɛ ye Yemanoɛle.” (Ɔ bo a le “Nyamenle nee yɛ de.”)

Edwɛkpa ne kɛmɔ Mateyu hɛlɛle la 1:25

Noko yeanva ɔ nwo yeanga Mɛle toonwo ɔhɔkpulale mekɛ mɔɔ ɔwole ye belamunli ralɛ nrenya ne la. Na Dwosefi donle ye Gyisɛse.

Edwɛkpa ne kɛmɔ Luku hɛlɛle la 1:13

Nyamenle soanvolɛ ne zele ye kɛ, “Zɛkalaya, mmasulo! Nyamenle ɛde wɔ nzɛlɛlɛ ne, ɛ ye Ɛlezabɛte bawo ralɛ nrenya, na ɛbavɛlɛ ye Dwɔn.

Edwɛkpa ne kɛmɔ Luku hɛlɛle la 1:27

Ɔvale nrɛlaleɛ ɔhɔmanle bɛlɛra bie mɔɔ ɛnee ɛnze nrenya na nrenya bie mɔɔ bɛfɛlɛ ye Dwosefi, mɔɔ vi Belemgbunli Devidi abusua nu la ɛyia ye la. Bɛlɛra ne duma a le Mɛle.

Edwɛkpa ne kɛmɔ Luku hɛlɛle la 2:21

Mɔɔ ɔlile kenle mɔtwɛ la, bɛyɛle kakula ne mrenyanu nzonlɛ na bɛdonle ye duma Gyisɛse. Duma ɛhye a Nyamenle soanvolɛ ne vale manle ye kolaa na bɛanrenzɛ ye a.

Edwɛkpa ne kɛmɔ Luku hɛlɛle la 20:44

Saa Devidi vɛlɛle ye ‘Awulae’ a, ɛnee kɛ ɔsi mɔɔ Mɛzaya ne yɛ ye anlɔnra ɛ?”

Pɔɔlo Kɛlata mɔɔ ɔhɛlɛle ɔhɔmanle Galeehyeama la 4:4

Na mɔɔ mekɛ ne dwule la, Nyamenle zoanle ɔ Ra ne manle ɔrale ewiade. Raalɛ a nrenzɛle Ralɛ ɛhye a, na ɔwole ye ɔdole Dwuuma maamɛla ne anu,